السلام عليكم جميعا ولكم الف وحشة
اللهم صلى على محمد وعلى اله وسلم تسليما هاذ هو الرسم الثانى الِ انكول فى المديح النبوى وانشاءالله تعالى انال اعجابكم


[GASIDA="type=0 bkcolor=#FFFFFF color=#000000 font="bold x-large Arial, Helvetica, sans-serif""]يَلِ كرمَكْ نَفاعْ=بالتِگْياعْ
لِطْفَكْ ياربى گاع=والتَيْسيرْ
لاهى نمْدَحْ گَلاعْ=باسْ لَوْجاعْ
الِ هُوَّ شَفاعْ=يومْ لِعْصيرْ
منهُ كيفُ رَگاعْ=بالتُوشاعْ
ذَ الدينْ الينْ الْ شاعْ=فالتْكاريرْ
الرَسولْ المُطاعْ=گامْ شَراعْ
سَگَمْنَّ فِى منجاعْ=ظَوْ قنديرْ
فالدينْ اِشْكَطْ بِذْراعْ=سيفْ گَطاعْ
وافْطَنْ عنُ صواعْ=يومْ لمغيِرْ
جابْ الكفارْ اصراعْ=فرْ ظِلاعْ
زعْمتْ لعربْ دِفاعْ=خَوْفْ لوُسيِرْ
وقْتُ صايِلْ فَگاعْ=لَينْ ينطاعْ
رَبُ ذاكْ الرَّفاعْ=رَبْ قديرْ
ولْ ماهُ لُ تَباعْ=وَيْلُ ضاعْ
ذاكْ اسمُ نَگاعْ =فالسَعيرْ
هُوَ بَلْ اتِساعْ=كلْ مرتاعْ
جاهْ اِوِسَعْلُ باعْ=فَوگْ تَصويرْ
والضعيفْ الِ جاعْ=فيهْ رَتاعْ
واكريمْ ابلا نِزاعْ=سَنْدْ لِفْقيرْ
مقامُ فَرْتِفاعْ=فوگْ لَسماعْ
واعطاهْ الرَبْ انواعْ=كلْ تَسخيرْ
وجْهُ يَبْهَرْ لَطباعْ=نورْ وشْعاعْ
راهُ فوگُ طلاعْ=كيفْ لحْريرْ
وابلدْ خاظو فَراعْ=ذاكْ يوساعْ
ويِلا حَرَكْ لَصباعْ=جَمْ لغديرْ
وامْعَنُ شكرُ شاعْ=فالبِقاعْ
عَنْدَكْ لُ تِگطاعْ=كلْ تَعبيرْ
مايْحْصى شِكْرُ گاعْ=كلْ بداعْ
سَرامْ ءُ لا گَداعْ=بالتْشَوْعيرْ[/GASIDA]