السلام عليكم لاه انضيف شي من اغن الاديب الكبير الكفي ول بوسيف




[GASIDA="type=0 bkcolor=#CC6666 font="bold large Tahoma, Verdana, Arial, Helvetica, sans-serif""]لِحْتْ العينْ اعْلَ التِّيوْشَاتْ = واعْلَ بَخْواكًـَ وانْزْواتْ
ظلت دمعتها ما ارْكًاتْ = لازِمْها تَعْرَفْ لامَ
بيهم تِلْتَمْ ولا اتْلاتْ = تِلْتَمْ إلى القِيَامَ[/GASIDA]




وله



[GASIDA="type=0 bkcolor=#CC6633 font="bold large Tahoma, Verdana, Arial, Helvetica, sans-serif""]يَبْرَكًــْ شَـيَّـرْتْ ألا بِشَّوْرْ = ذاك امْن التِّشْيارْ ارْخِ بيه

خالكًـ يَلبْركًـ ذاك الشور = وانَ زادْ ألَّ عالِم بيه

شَـيَّـرْتْ و شَـيَّـرْتْ ولا جَيْتْ = يزَّاك امن التشيار اعْيَيْت

اعرفنا ذاك الِّي وَسَيْتْ = ذاك الي لِ شَـيَّـرْتْ اعْلِيهْ

فرظ انواسيه إلا كًــدَّيْت = وِيلَ ما كًــدَّيْتْ انواسيه[/GASIDA]



وله





[GASIDA="type=0 bkcolor=#CC6600 font="bold large Tahoma, Verdana, Arial, Helvetica, sans-serif""]خَشْمْ إيدَارْ وعِكْلْ آوْكارْ = وكًـَـلْبْ انكًـادِ وانْوَاوْدَارْ

دَارُو فِلْكًـَـلْبْ الي انْدارْ = منهم رُوحي مَمْكُونَ

بين الدِّخْلْ وكًـَـلْبْ آدْمَارْ = وأجَمْلْ وخشم اكًـْـرونَ

تشواش اعيالي ما امركًـْ = كًـَـلْبِ وِلْ دَلالي احْرَكًـْ

وِلِّ لَمَّ اللَّ يِفْـتْـرَكًـْ = لَخْلاكًـْ ألا مَمْكُونَ

مَخلُوكًـْ افتيرس مِنْصْرَكًـْ = دارُ كانت زَكًـْـنُونَ

شوفتْ بو عِشْ وبِدْرَكًـْ = تِغسِلْ منهم تَفُّونَ
لِهْرُوبْ الَّ كًـبْلْ اللحوكًــْ = أمَّ روصْ المَامُونَ
نختيروهُمْ عن فُمْ زُوكًــْ = قيرْ الوَطْيَ مَضْمُونَ[/GASIDA]



وله



[GASIDA="type=0 bkcolor=#CC6600 font="bold large Tahoma, Verdana, Arial, Helvetica, sans-serif""]لَحْكًِتْنِ حِلَّ دَهْرْ انْجيهْ = مانِ فيهْ الْ بَيْكًِـ سَمَّاعْ

وعِت انْرِفْ اعْليهْ ونِبْقِيهْ = ونِشْريهِ إيلَ رَيْتُ ينباع


قَلاَّتْ اعْلِيَّ حِلَّ رَدْ = ما كان اعْلِيَّ يَقْلَ بَعْدْ

لِبْتَيْتْ وياسر ما يِنْعَدْ = وانَ سابكًها يَشَّفَّاعْ

ماكنتْ انشِكْ انُّ اتْلَ حَدْ = اعْلَ حَدْ إيقَلِّ شِ كًاعْ


كًـطْ اكًـبَلْ مِتْكِنْتْ ومِتْكِنْتْ = وتَمَّيْتْ الاَّ بِكًسَايَ كِنتْ

قَيرْ انسِقْتْ الْ حِلَّ وانْطِعْتْ = واكًبِلْ عَكًلِ زاد التِّطْواعْ

وانَ ما كًطْ انسِقْتْ وطعْتْ = وعَكًلِ مَا كًطْ انْسَاقْ وطَاعْ[/GASIDA]



وله




[GASIDA="type=0 bkcolor=#CC6600 font="bold large Tahoma, Verdana, Arial, Helvetica, sans-serif""]مَحَد الدِّنْيَ مايْلَ = شَوْرَكْ و اعْليهَ مايِلْ
أعلم بعد انهَ زايْلَ = وانتَ وَيَّاهَ زايلْ

مَذَ مِنْ حَد اشْتَاكًـْـهَ = واجمعْها بعدْ افْرَاكًـْـهَ
مِلكْ اذهبْهَ وانـياكًـْـهَ = تِمِرْكَاتِنْ واشْوايِلْ
خَلْطْ الدِّكًـْ امْعَ احْكًـاكًـْـه = و ارْفِدْ فيهَ لِكًـْـوايلْ
وامْشَ عنهَ ما ظاكًـْـه = قَيْرْ آنَ ذَلِّ كًايِلْ... محد الدني

فَاتُ مِلْكُوهَ لَوْلِينْ = الِّ مِلْكُوهَ مُلكْ زَيْنْ
وعَكًبت فَيْدْ التالْيينْ = هَاذوكْ ارْحايلْ وانزايل
قَيْرْ ألَّ يِمْشُ كاملينْ = عنهَ مَشْيتْ لَوايلْ[/GASIDA]



هذه الطلعة جايبه صاحب الوسيط عنه للكفي وبعض الرواة ينسيه لشيخن ول امبالة
وان بعد ما نعرف




[GASIDA="type=0 bkcolor=#CC6600 font="bold large Tahoma, Verdana, Arial, Helvetica, sans-serif""]إلِّ جِدْبُ رَيْظَ = واحْزِيمُ ما يَبْرَ
تِيمُجَيْجْ البَيْظَ = ؤتِيمُجَيْجْ الْخَظْرَ[/GASIDA]



من باب اخروجو تمجيج البيظة تنجبر فزوان شور من اشوار لكتري




لي عودة ان شاء الله