المساعد الشخصي الرقمي

مشاهدة النسخة كاملة : خزانة الأدب الشعبي



الصفحات : [1] 2

أبوالفحفاح
05-30-2012, 04:45 PM
السلام عليكم و رحمة الله تعالى و بركاته

أحبتي الكرام الموضوع واضح من عنوانه و ما أقصده هنا هو أن يضع كل من يمر من هنا كاف أو طلعة من إنتاجه أو من إنتاج غيره لنجعل هذا المكان (خزانة) يلجأ لها كل باحث عن الإستزادة
من هذا الموروث دون أن يكون مضطرا لكثير من البحث و هكذا نجمع الكثير الكثير منه بمكان واحد و سأبدأ بنقسي و أدعو الجميع للتفاعل معي


من إنتاجي الخاص


حنكت لخلاك بعز أديـــار==ما ماكنه تات القـــرار
ماه بيهم واعر تصبـــــار==عن ذاك البيه امحنكه
و امدببه بينات اوكــــــار==درس فيهم كط ادركه
بالفكد و ذاك اعليه عار==فيه انحك فات اشرـكه


و انتظر تفاعلكم المشجع

ولد مكَيه
05-30-2012, 06:58 PM
مشكور كل الشكر الاخ الفاضل والبداع المقتدر بو الفحفاح على الفكرة الجميلة
وان بعد حسبني من مؤيدين هاذ الفكرة لطرحت واراني لاهي نشارك امعاك بطليعة
هون من نتاجي الخاص ان شاء الله تعود فى المستوى



غنيت فلبتيت وزنُ=يعرفني وسحاب مزنُ
صبت فيدي لين رَزنُ=وذنين العزيت
فالبدع ولاكَط خزنُ=عينيه شوييت
ماداوى لبتيت حزنُ=عاجبني لبتيت
غير كَفلت اليوم خزنُ=بي ذلوقيت...
لاحق من لبتبت حزَ=كَلت اني كَنديت
كافٍ من لبتيت يزَ=كافٍ من لبتيت

أبوالفحفاح
05-31-2012, 06:05 AM
مشكور كل الشكر الاخ الفاضل والبداع المقتدر بو الفحفاح على الفكرة الجميلة
وان بعد حسبني من مؤيدين هاذ الفكرة لطرحت واراني لاهي نشارك امعاك بطليعة
هون من نتاجي الخاص ان شاء الله تعود فى المستوى



غنيت فلبتيت وزنُ=يعرفني وسحاب مزنُ
صبت فيدي لين رَزنُ=وذنين العزيت
فالبدع ولاكَط خزنُ=عينيه شوييت
ماداوى لبتيت حزنُ=عاجبني لبتيت
غير كَفلت اليوم خزنُ=بي ذلوقيت...
لاحق من لبتبت حزَ=كَلت اني كَنديت
كافٍ من لبتيت يزَ=كافٍ من لبتيت




يالالي مزين ذ يالالي مزين ذ

يبوي اسكي ابدعت و اتبيدعت لا فض فوك
غنيت و عندك فيها سر

شرفني مرورك و اطربتني اضافتك لا عدمتك

أبوالفحفاح
05-31-2012, 06:12 AM
يكول واحد قديم

برحت لول ريت ريبه == تنكاس امــــــن ابعيــــــد
بين الخيمة و الزريبه ==و ادفيــــــــــــــــــت لعبيد
فادفيت لعبيد رمــــــش==ريت الريم اوقيت رهش
قدر ال تثكب فيه نكش==و النـــــاس افلمســـــيد
حد اكعد فالغيد وامش== مــــا يجبــــر للغــــــيد
كد الريت اصلاة لعش==فادفيــــــــــت لعبــــــــيد
برحت لول

وينكم يا مبدعين ؟

ول وداد
05-31-2012, 06:24 AM
اسكي بيك حتتتتتتتتتتتتتتتته يا اديبن المقتدر انا اتكاعست اشوي كنت نختير يكاني يحصل عندي ش اجديد يغير مافات امنين ما احصل بالعجله لاهي انضيف هذي الطلعه هون ال من انتجاج
الاديب سيد عبد الله

راعيلكْ راجلْ هونْ = منكْ ينتِ ممكــونْ
عارضْ نفسُ بلْهوُنْ = أعليكْ وعرضُ خــاصْ
جـــايبلكْ تلفــــونْ = وستْ أشْهــرْ منْ لخلاصْ
وحــالفْ عنُ يكـــونْ = أعليكْ إطيح أكــلاصْ
ماهُ برفــود الدينْ = ولا لحْجــابْ ولرهــاصْ
وراهــوالـكْ زينْ = حتَّ وعظــمْ ركــاصْ


ولي عوده ان شاء الله


دمت بخير يا مبدع

أبوالفحفاح
05-31-2012, 06:55 AM
ههههههههههههههههههههههههههههه

أسكي بيك أستاذي لا تليت فر تتأخر تم اللا الي جمت بيه القريحة جيبو يخليك لي هذا يبوي عالم ملان ال ازوين و افيلح و فيه المعن و مبروم البرم السيس
الله لا يدرصيك و لا يعطلك

زيدن ذ ايبان بطعيمتو

أبوالفحفاح
05-31-2012, 07:08 AM
يقول محمد ول آدب

ربي بيـــــــــك اسألتـــــك ضعيـــف =ما ننكط ســـــــب كيف الليف
نكيـــــرة مـا عندي تعـــريـــــــــف =يـــــــا لطيف بحـــال الضعاف
فات اضعاف الجسم و نحيــــــــف =و اكيامـــي بالسيف و ننحاف
اللا بالسيف و نكعد بالسيـــــــف = نكعد كيف اكعـــــاد الزحـــاف
يا نفحت للطاف اســـــــــــر كيف =سريـــــــان الطيـــــف ابللطاف
تاثيــــرك ينشـــــاف افلخريــــــف =و فالصيف و فالمشت ينشاف
و العبـــــــــــــد ال خاف اتخاليف =لمـدايـيــن يـجــر لـــكـــــــــلاف
لا ننضـــــــــاف ال شي يالطيـف = ضعـــيـــــف اصــــــل ل ينضاف
مــن اتــلاف يــود لـــكريــــــــف =عـــــــن لغـريف لحومت لظياف
ماه بـــــتشفاف و لا تطفيـــــف =يــا رب و الضيف ايــــــل ضاف
و استضاف ان ذاك الضيـــــف =يجبـــر شي نظيـــــف و لغــــلاف
يــراه و لفـــراش النـظيـــــــف =يــــراه و لحاصــل لـخـــــــــــلاف
انــــك قـــــــادر مـول تصـريف =تصرف فـــاعبيدك تصــــــــــــراف
بين الكاف اجعل حــــــال زين =و النـون بحـرمـت نـون و قــــاف
ماه بتسيــاف و هــــو عيــــن =اليقيــــــــــــــــن امرك دون انكاف
و لا حاصل لخلاف ان بيــــن =النــــــون ايـــــــل ردت و الكـــاف


تحياتي


حميل

كنت سأطلبها منكم مثلها .

دمتم بخير يامبدعين

ول وداد
05-31-2012, 07:18 AM
يقول محمد ول آدب

ربي بيـــــــــك اسألتـــــك ضعيـــف =ما ننكط ســـــــب كيف الليف
نكيـــــرة مـا عندي تعـــريـــــــــف =يـــــــا لطيف بحـــال الضعاف
فات اضعاف الجسم و نحيــــــــف =و اكيامـــي بالسيف و ننحاف
اللا بالسيف و نكعد بالسيـــــــف = نكعد كيف اكعـــــاد الزحـــاف
يا نفحت للطاف اســـــــــــر كيف =سريـــــــان الطيـــــف ابللطاف
تاثيــــرك ينشـــــاف افلخريــــــف =و فالصيف و فالمشت ينشاف
و العبـــــــــــــد ال خاف اتخاليف =لمـدايـيــن يـجــر لـــكـــــــــلاف
لا ننضـــــــــاف ال شي يالطيـف = ضعـــيـــــف اصــــــل ل ينضاف
مــن اتــلاف يــود لـــكريــــــــف =عـــــــن لغـريف لحومت لظياف
ماه بـــــتشفاف و لا تطفيـــــف =يــا رب و الضيف ايــــــل ضاف
و استضاف ان ذاك الضيـــــف =يجبـــر شي نظيـــــف و لغــــلاف
يــراه و لفـــراش النـظيـــــــف =يــــراه و لحاصــل لـخـــــــــــلاف
انــــك قـــــــادر مـول تصـريف =تصرف فـــاعبيدك تصــــــــــــراف
بين الكاف اجعل حــــــال زين =و النـون بحـرمـت نـون و قــــاف
ماه بتسيــاف و هــــو عيــــن =اليقيــــــــــــــــن امرك دون انكاف
و لا حاصل لخلاف ان بيــــن =النــــــون ايـــــــل ردت و الكـــاف
تحياتي







اسكي حتتتتتتته

أبوالفحفاح
05-31-2012, 08:14 AM
سدوم ول انجرتو



أفُگراشْ انْجُوعْ انْقَيْوَان =شِيْخْ انزَايلْهَ واحْلِلْهَ
بِيهْ اتشُومْ ، ولَرْظْ السَّيْحانْ= اِيرَحّلْهَ واِينَزّلْهَ
أقْلَظْهَ واَكْبَرْهَ دِيوَانْ = وأرَيّسْهَ وأسَطْفَلْهَ
وَاطْرَبْهَ تَوّ اللِّعْبْ ، ؤكانْ = الْمَصِيبَ يِتحَمّلْهَ
بِالْخَيلْ الحرّاتْ ؤلَظْعانْ = وَاصْحابْ الْمُلْكْ امْگدّلْهَ
كانْ اطْرَحْ فَرَاصَ تِزْيَانْ = رَبِّ للنّاس ايْحَفّلْهَ
ومَسْلَ ذابِحْهَ فِلْكِرْعانْ = فَرْظْ اعْلَ امْباَرك يَوْكَلْهَ
هَنُّون الِّ عَرْبْ اِيتِتّان = التّالِ مِنهَ وَاوّلْهَ
مِثلُ فِيهَ عَمُّ عِثمَانْ ، = ؤبُگَّ سلطان امْحَافِلْهَ
ؤعَمُّ بَكّارْ اقْليظْ الشّانْ = أكبَرْهَ جودةَ واعْقَلْهَ
اخْليفِتْ كَوْجَايْ الفِرْسان = للتّانِتْفُرْتْ ايزَگّلْهَ
يصْدَف مُلاهَ فِلْمِسْلانْ = فَرْصُ تِهْرِدْ گَدْحْ اكْفِلْهَ
واِيجِ جانِبْهَ طفْلْ الشان = امْلَقْمَسْ فالدَمْ اكْفِلْهَ
هَنونْ اَكانْ اصْبَحْ قَضْبانْ = عِكدَ فِي وِجْهُ يَعْمَلْهَ
اللهُمّ وِجْهْ البُرْتانْ = ؤلا حَدْ اِيظَلْ امْكابِلْهَ
ما يِحْمِلْ بِيهَ كُونْ افْلانْ = افْلانْ ؤلاهُ حَامِلْهَ
ؤكمَانْ العِلْبَ والتِّمْتانْ = مُحَالْ اتكيسُ بِجْهَلْهَ
هَيْبِتْ مُولْ الْمُلْكْ السبحان = إشْ يَعْمَل حَد امْتِينْ الْهَ ؟!!
الشّرْ اعْمَلْ فيه البُرْهان =واخبارْ الشِّيعَ كَمّلْهَ
ؤعادِيهْ ارْمَحْهَ بالقِزْيانْ = ؤهَذَاك الْ عادْ امْجَفّلْهَ
تَوْ ٱِيجِ فَٱرْبَعْ مِيتْ ٱعْنَانْ = ؤهُوّ هُوّ كاعْ أرْجَلْهَ
وٱوْلادْ الفَحْفَاحْ الظّمّانْ = طُولْ الشّرْ ٱِيلَ دَامْ ٱلْهَ
مَا تِذْرِحْ فيه ، ؤلا تِلْيان = ؤلا كطْ ٱلْطَامُ مَلَّلْهَ
ؤلا كطْ ٱتنَزّهْ فِي لَوْطانْ = عَرْبِ كاتِلْتُ وٱكْتِلْهَ
ؤلا كط ٱكتِلْهَ كاعْ ٱزمانْ = ما نِزْلِتْ فِمْنَيْنْ ٱكْتِلْهَ
وٱمْرَك هُوّ بَلُّ حَشْمان = ؤفِدْيَارُ سَدّاوْ ٱحْلِلْهَ
هِيّ يُومْ ٱلْ تَكبَظْ لَظْعَانْ = تِجْبِدْ تِتْمَعْيَرْ فِرْجِلْهَ
وِلْ ٱنجرْتُ مَانَللَّ كانْ = ما يَحْظَرْ وِسْطْ ٱفْزُوعْ ٱلْهَ
هِي كِيفْ ٱجنود السلطان =بِكْنَايِنْهَ وٱحْمَايِلْهَ
وٱعْمَايِمْهَ شَاشْ أرَوَان= وٱعْكَارَ فِي دَلايِلْهَ
ؤمَحْزَمْتْ ٱمّبَّرْ والقفطان = وٱحْرَامْ ٱمْطَرّزْ كادِلْهَ
وٱبنودْ ٱعلَ عِيدَان ٱزّانْ = ٱف جَعْبْ النّصَارَ يَنْعَلْهَ
وٱقفافير ٱعْلَ كِلْ ٱلْوَانْ= تِظْوِ فِالشّمْسْ ٱمْدَاوِلْهَ
طاكتْهَ بُوفُمّيْنْ ٱكرَانْ = وٱسْلاحْ افْ بَيْظْ اتحَمّلْهَ
تَسْمَعْ كَمْ مِن زَامِلْ كَلْشَان= ٱهدير لَرْضْ ٱيزَلْزَلْهَ
وٱتشَوف ٱصواكِيهَ تِتبَانْ= تِتحَاذَ ذَيْكْ ٱمْعَازِلْهَ
بُو رمْظانَيْنْ ؤبـــو رَمْظَان= بِٱكفُفْ وٱكطاطِ تِعْزِلْهَ
وتَسْهَ فِلْقَالَ والقفطان=وٱدْرَامِزْ رُوصْ ٱمطافِلْهَ
وٱدراريع البُوك الشِّهبان =تِظْوِ فِالشّمْسْ ٱمْكاحِلْهَ
يِعْمِ عَنهَ عَيْنْ الْمِعْيَانْ= ؤلا صَابِتْ نِيِّتْ دَاحِلْهَ
هَذاكْ ٱفلانْ ؤذاك ٱفلان = ٱمّالْ العادِي تِحْمِلْهَ
تِتقامِسْ فِي رَهْجْ الدّخّان= عادَ مَعْرُوفَ كاعْ ٱلْهَ
وٱلِّ شَلّتْ سَعْدُ يِشْيَانْ =ؤوَيْلْ ٱلْ عَاطِ بِٱكفَاهْ ٱلْهَ
يَكْرَمْ مِن كَم مِن شَعْناَن=بِخْبِيط الدّفْعَ تَعْمَلْهَ
وٱتحوص الفارس فِالْمِسْلان= فَرْصُ تِهْرِدْ كَدْحْ ٱكْفِلْهَ
وٱللَّ تَصْدَفْ مِن بَل ٱكرَان=الكندُوز ؤرَاصْ ٱرْجِلْهَ
بِحْدَجْ كالِبْ مُوسَ نِصْرَان=ذُوك أيّاكْ ٱمن ٱمْقَاتِلْهَ
كايِدْهَ هَنونْ السلطان= ٱعْلَ ٱثرُ مِنْبَجْ أوّلْهَ
مِتكفّلْ تَحتُ مِنتْ ٱحْصَانْ = خامِرْهَ شَيْ ٱمْشَاوِلْهَ
زَافُوفَ تَقلَبْ مِيتْ ٱعنانْ = ٱعْلَ لَسِيمْ ٱيحَمّلْهَ
ؤمَرّ تَحتُ زَامِلْ كَلْشَان =خَيْلْ الْمَجْبُودَ يَحْفَلْهَ
ٱيسَنّدْ بِيهَ شَوْرْ أقَنّانْ =وَكْتَنْ تِنْشَلْ إيوَيْتَلْهَ
هاذَ ماهْ ٱنُّ دَيْ ٱلْسَانْ = ٱعْمَلْ ذِ الْحِيلَ وٱعْمَلْهَ
وٱعمَلْهَ فِنْجُوعْ إيوَلانْ =ؤفِكْرَاعْ الناك ، سَوّلْهَ
وٱعمَلْهَ طاحْ ٱعلَ فِرْكانْ=أولادْ ٱعْبَيْدِ سَكبَلْهَ
وٱعمَلْهَ فِعْرَبْ بِدّمْيَانْ= وبْكرْكلْ لَكْحَلْ سَرْمَلْهَ
جَابْ ٱلِّ فيهَ مِن حَنْحَانْ= ؤلا خَلّ بَكرَ وٱعْجِلْهَ
ٱصْدرْ صَدرْ ٱمْتَيْتَلْ قَضْبَان= ماهُ بِالصّوْكْ ٱمْعَجّلْهَ
يِبْقِ عادْ ٱيسَابِكْ لَظْعَان= عامِدْهَ واللَّ غَافِلْهَ
إليْن ٱكفَحْهَ لِلِّ بَان= ٱفوِسْطْ الرّكْنَ يَوْكَلْهَ
ؤلُولَ خَوْفْ اكْلامِ يِشْيَانْ = فَعْكابْ الصَّبَّ وَاوّلْهَ
انكولْ انُّ عَرْبِ سلطان = وسَمْيُ لَخْلاگْ ايْمَلْمَلْهَ
خَيْل ازعيمْ انْجُوعْ اِيوَلانْ=راجِلْهَ ووْلِدْ راجِلْهَ
خيل ايلَ قَلْبِتْ لا تِهْوانْ= وايلَ مَقَلْبِتْ لا تِشكيكْ
فِدَّهْرْ اعْياطْ الخَوْفْ اكرَانْ= وامْخاليقْ اللَّ هِيَّ فِيكْ
وازْعِيمْ امْباَركْ رَجَّال= واشْياخِتْ بُوهْ ؤجِدُّ ذِيكْ
واشياخِتْ بُو امُّو واخْوَالُ= ذَ الرَّب السبحان المليك
في هاذَ الدهر اَطَاهَالُ =كَانَكْ بِنْ عَمْ : أهْدَ يِهْدِيكْ ،
أخَيْرْ ألاَّ تُخَلاَّلُ . = ويَلْدَاحِسْتَكْ لاهِ انوَصِّيكْ
: هُوَّ كالِعْهَ بَافْعالُ ،=وابْذِ ، واللَّ ذِ ، واللَّ ذِيكْ



تحياتي

ول اعبيد
05-31-2012, 10:07 AM
احسسسسسسسسسسسسنت بو الفحفاح الفكرة زينة وانا بعد لاهى انشاركك ابذى
المرثية اللى نعتبرها من اجمل المرثيات ال كط اسمعت المرثية لحبيب امير الترارزة او لانعرف
من كايلها احبيب امن اولادو احمد سالم *او حى او ابراهيم السالم


كال


زكلت تروز اليوم عين **** إدك افعين أمير عين
ول أحمد من دمان زين**** للضعيف أ لمسالم
أحبيب الراجل للى متين**** مايضعف ماتا سالم

يغير أحبيب إتم حى **** محمك ياحمدسالم
حى أ محدن حى حى *** أ حى إبراهيم السالم



وشكرا لكم اخى الكريم

ول الشيخ الطالب خيار
05-31-2012, 05:29 PM
احسنت وابدعت استاذى الكريم ابوالفحفاح وان بعد هذى الظبية

لاهى اندير فيها طلعة كلتها البارح انلود فيها الشى ماگط انكال وانشاالله تعجبكم


لغنَ ذَ ارافد لِمعانَ=كيفْ الْ ماهُ ظركْ امعانَ
وللَ ما گلتُ بعدْ ءانَ=لِ نوْبَ نختيرْ انگولو
بوهتُ عالم مولانَ=ولا كيفْ الْ گاطعْ مولو
ذَلْ گِلنَ كاملْ فغنانَ=فاتُ لَوايلْ سِبگولو
ذَ البدْعْ الْ ماگط اتگانَ=لابدالى من مدلولو
هوَ منْ منْ نختير اراهْ=اعلَ عرظُ وعلَ طولو
لعادْ الْزاوى نجدْداهْ=وللَ عرْبى هَحْ انصولو
وللَ شَيخْ اكبَرْ معناهْ=وشريفْ املِ نهدولو

أبوالفحفاح
06-01-2012, 12:03 AM
هههههههههههههههههههههههههه

أسكي بيك ذاك ما يحصل و الظبية اراهو كار فيها

لا يبكمك أبدعت و عندك لها شي

تحياتي أستاذي الفاضل

أبوالفحفاح
06-01-2012, 12:11 PM
يقول اسماعيل ولد محمد يخظيه

طب الليعات اسعـــات ==فتجلني مـــــــــــرات
مرة تاكت و امشـــات==و مرة يالعكــل اص
ظحكت من كيفن جات==و اتبرات اللــــــص
يعككـــــــن لمربــــات == و اشــــنن لمفص
و اطم المطمـــــــات == كاع اص و اعوص
وي منتــــك فالســـن==كادنـــــــه بامـــرص
و الي طلصــــت سن==الكيفـــــو يطلــــص


ننتظروكم المبدعين

أبوالفحفاح
06-01-2012, 08:23 PM
اديارك ما ينـــــــزاد == عن سلك امن التعكاد
وان شاطني عـــــاد ==عن جملت غيـــد اللي
و نعرف عنو معتاد==يغيــــر اص يانــــــــدي
نعرف عن لخلط زاد==ينشـــــاو امـن اشوي


تحياتي

أبوالفحفاح
06-01-2012, 10:55 PM
يقول حم ول امزيدف

عيطلي يامــس حــــد ==اعل جدل من كد
الباب اتبــــان اتـــــرد ==فيه يلطــــف بــي
من ملة منت احمـــد ==لعبيــــــد الخفـــي
و كمت امغافس فاشد==العجــل و اعـــلي
و عكبت ذيك الجدل ==عـادت ماهي هي
اصل احن و العجل == و اتميلــــيك الني

ننتظر اضافاتكم الرائعة السادة المبدعين

ول وداد
06-01-2012, 11:44 PM
يقول حم ول امزيدف

عيطلي يامــس حــــد ==اعل جدل من كد
الباب اتبــــان اتـــــرد ==فيه يلطــــف بــي
من ملة منت احمـــد ==لعبيــــــد الخفـــي
و كمت امغافس فاشد==العجــل و اعـــلي
و عكبت ذيك الجدل ==عـادت ماهي هي
اصل احن و العجل == و اتميلــــيك الني

ننتظر اضافاتكم الرائعة السادة المبدعين





هحححححححح بعد

ول وداد
06-02-2012, 06:37 AM
اكول الشاب البداع بمب ول اسويد احمد

ذلي منهَ منهانْ=اعليهَ لمتحانْ
واشطنهَ ذاك ايبانْ = وانَ زاد اعليَ
لمتحان ونكدان = من ذاك اف دخليَ
غير ايْڭَد المنانْ = ايخفَفْ عربيَ
ذلي فر اعليهَ = والي فر اعليَ
وايوسعهَ بيهَ =وايوسعه بيَ

أبوالفحفاح
06-02-2012, 11:33 AM
ههههههههههههههههههههههههههه

والله ال هح
أسكي بيك سيادة المدير ذاك نكر لا يبكمك

ننتظر المزيد

أبوالفحفاح
06-02-2012, 11:57 PM
راصك ياغل غيدات النيـل == ماج من عند الراص اطويل
و اكلامك خاسر و اكلييل == و اتوتـــي تحصيل الحاصــل
غير اللا يسبت لكتيـــــــل == يكطع بابليس أثرو فاصــــل
فامنادم راص ماه اطويل == و اكلامـــو مــــاه متفـاصـل


تحياتي

أبوالفحفاح
06-03-2012, 02:46 PM
وينكم المبدعين ؟

أبوالفحفاح
06-04-2012, 07:40 AM
سدوم ول انجرتو

فَرْصْ أفكراشْ انجوع أكيْــــــــلْ==أخيارْ الْحِـــــلَّ واتيَسْــــه
ماهِ فَرْصْ أفكراش ابْخِيــــــــــل==إدورْ أبّـــاشْ ارَخّسْــــــهَ
نعرف يوم امن أيام الوَيْــــــــل==نفســــــــتُ فيهْ ؤنفّسْــهَ
هوّ نفّسْهَ بيـــــه ارجيــــــــــــل==وهيّ زاد اطويل انفَسْـهَ
واتبان اتهَزْهَزْ فَثْرْ الخيــــــــل==وهــــوّ ما بانْ إرَادِسْــهَ
وامنين اتحجل بيهْ اتمــــــــيل==عنْ بلْ الباس إكَرْكَسْـــهَ
فِبْلَدْهَ ذاكْ اِلَيْن اتشيــــــــــــــل==ماهْ اعلَ مُرادْ انفَسْـــــهَ
واليْنْ اكطعْنَ نَجْل ؤمَيْـــــــلْ==اعلَ أثارِيــــنَ كاعِسْـــــهَ
ؤلا يتحَيّدْ عنْ راصْ الفيــلْ==ما فات ابْجَعْبُ قَمّسْـــــهَ
وإيل قَمّسْهَ ذاك الوَيْــــــــــلْ==فَرْظْ اعْلَ الرُّوحْ إكرّسْهَ
ابْرَدّ الْخَيْلْ وجُوهْ الخيـــــــل==واعلَ بَلْ الباس اترِسْهَ
ؤلا كط امْدِينِتْ شَرحْ اخْلِيلْ==اعلَ مُــــــدارَ نقّسْـــــــهَ
هيّ مَقْروسَ فِجْدِرْ خَيْـــــــلْ==قَيْــــــرْ ألاّ هُــوّ فَارِسْـهَ

تحياتي

أبوالفحفاح
06-04-2012, 08:32 AM
المختار بن محمد بن أوفى


إمن أمير إلّ مـــــا وســـــاكْ ==أميــــر أثرك مـــــول التصوير
بوك أمير امـــــع ذاك أيـــاك ==وامْأمّــــرْ راصـــــك باتگوطير
فاطّايير اعـــــــدوك إلَ ذاك ==اتگوطيــــر افــــــذاك اطّاييــــر
وساك أميـــــر أُمخـــــــلاك == أميـــر امـن أميـر إمـن أميـر
من يومن شفتك باصر فيك==لِمـــــــــارَ يــــــلّ لايفنيـــــــــك
گالول عنـك لمْسمــــــــــيك== أمــــــير إلبـــــيك ألا لخميـــر
والعگد ءُ بيك إلّ تعطيـــك== الــــروم امـــن المال الخطير
كذبُ ماهُ ذاك إلّ بيــــــــك== زلـــــگُ مـــا صدگُ لمطايير
گلتْ آن عنك لماسيــــــك== أمـــــير ألا بـــــيك اطامــــــير
لمارَ فانباط أهاليــــــــــكْ== عــــت أميــر إصير امن أمير
إمن أمير إل ما وســــاكْ== أميـــــر أثـــرك مول التصوير
بوك أمير امع ذاك أياك==وامْأمّــــرْ راصـــــك باتگوطير
والفصلَ والناس الرفاع== وانـــت بل اشبيـــــع الجيـــاع
وامونك مالك للطمــاع==ماهْ اتـــل فازمـــان اتونطيـــــر
واتجر املِّ جيش اصداع== حاكـــــــــم بين اندر أمقطير
بالفطرَ وارماگ الترفاع== وانيــــــاگْ إدرُّ مــن لعصير
والعدّ والهندْ الگطّاـــــع== واسيــــوف أكظب واخناجير
والمحصر فيه امن التنواع== إل مـــــا ينعــد ابلحصير
البنيَ مُلاتْ التصبــــــــاع == إل فيـــــــهَ بــلْ اتميطيــر
والجحفَه وارواحل لرباعْ== وارواگن وآكل ءُ لخْطيـر
والرگب والدير ءُ لنسـاع== والحسك والمنززْ لكصير
والخادم واخيام الصنــاع== والدندين ءُ حس اتصوفير
وأزوان الحر ءُ لكطــاعْ== والوروار ءُ حس اتوروير
أمير ابذ النوع إلَ شاعْ== إعليه أسم أمير أصل أمـير
إمن أمير إلّ ما وساكْ== أميــــر أثرك مول التصوير
بوك أمير امع ذاك أياك ==وإمأمّـــر راصك باتكوطير
فاطّايير اعدوك إل ذاك== اتكوطـــــــــير افذاك اطّايير
وساك أمير أمــــخلاك== أميـــر امن أميـر إمن أمير


تحياتي

فطمة
06-04-2012, 02:06 PM
شكرااااااا ااااااااا لك أخي الفاضل

أبو الفحفاح

علي هذه التحفه الرائعه والمميزه بما تحويه من أدب رفيع
ولكم ايضا اخوتي الكرام المساهمين في هذه التحفه

و

دمتم سالمين

أبوالفحفاح
06-05-2012, 11:28 AM
شكرا لك أختي فطمة على المرور العطر الذي شرفتني به

أبوالفحفاح
06-06-2012, 10:42 AM
و يقول محمد ول امحمد ول هدار

هاذِ الدِّنــــيَ لاهِ تَخْــــــــــــلَ ==تَعْگَبْ لَگْصَــــانِ مِن لِخْـــــــلَ
صِرْتَكْ ذِ مَا تَبْگَ مَسْــــــلَ ==مـــارِتهَ عَنْدَكْ راعِ شَـــــــوْفْ
ذَ العِلْبْ الْ عَندَكْ مِنْ گِـبْلَ == گَطْ الْگَيْتْ الْ مِنُّ مَـــــژْدُوفْ
اعْلِيهْ ، افْ خَلْوَ مِنْ لِخْلَ == فَيْــــدُ وَبْرْ اخْرُوفْ ؤُمَنشُوفْ
اِمْتَوَّزْ بيــــهْ اعْـــلَ نَــــزْلَ == ؤُهُــــوَّ مَا گَطْ اُوگِفْ مَعْرُوفْ .
واعطيتْ امعـاهْ اشوَيْ اعْلَ== مَنبَ ذ السِّلْكْ اُوقَيْتْ اُوگُـوفْ
واگعَــــــدْنَ يَـــلِّ يَغْفَــرْ لِ== وظَلَّيْـــــنَ فَــــــــمْ ؤلا معروفْ
النَ گِدْ اِظْفرْ كــــــــونْ الِّ==ذاكْ الغــــــــزْلْ الِّ وَبْرْ اخْرُوفْ
وَلَّ صـوفْ ، ؤذاكْ امَّـــلِّ==گـــــاعْ اعْگبْ كامِلْ وَلَّ صوفْ


تنبيه:
هذي الطلعه اظن أنها للاديب الكبير محمد ول احمد يور الإداره


تحياتي

أبوالفحفاح
06-06-2012, 10:05 PM
محمد ول احمد يورة

كالحمد ألِّ بعــــد البســــت ==دخــــــان يالريم وعت
كيف الخبـــــاط واظحـــكت ==قصدك لذاك انموت آن
غير اص كــــــاع اشعدلت ==باللبس ذي والدخـــان
ذالِّ عدلــــــت يالفجــــــــل ==واكتلت بيــــــه عجلان
ورافدت روح اتخلت اعل ==ملان مسلــــــم مـــلان


تحياتي

أبوالفحفاح
06-06-2012, 10:24 PM
وله كذلك


المحرد تعـــرف لَمغليـــــه ==اعليَّ ومْــــرغَّبـــنِ فيـــــــــه
خاطرْ ريْتُ سلمت اعلــيهْ ==كَايـــــــمْ من بلْ المحردْ ردْ
منْزَلْ ذِاكْ الِّ مُولَع بيـــــهْ ==وَانَ كبْلُ كنـــــت المحـــــردْ
ما نبْغِيه أولَ ما نبْغيـــــهْ ==ألاَّ حـــــدُّ عنــــــــدِ محْــــردْ



انتوم لحذية

أبوالفحفاح
06-06-2012, 10:35 PM
و دائما مع ول احمد يورة

أعلاش انعود افموضع كاد ==فيــــه اجيني زرك التفكـــــاد
واعلاش انر دار العـــــراد ==يامس فوك السبخة واعلاش
اركبلي بير اللجــــــــــــواد ==اليـــــــوم ابيــــر أراش أراش
واعلاش امل ذو ليــــــام ==أياــــم الكتمــــــــة وارشراش
نشوش ساحل تندكعـــام ==وآن ماني حجـــــــت تشواش


تحياتي

أبوالفحفاح
06-06-2012, 10:49 PM
الشيخ ول مكين

حد امن أجب يسمع لــرداد ==أهل الســـياس و الحساد
في و الكـــــرظ والتشــــواد ==يجمـــــع فالشوفات اعلي
فاياك انو مني يبعـــــــــــاد ==وافـــــــــرط من بعدو في
واترك مني جانب لمكـــاد ==والمشبــــه وازهــــــز بي
واس عنو حازمني عـــاد ==مـــــا فيـــــــدو عني فيدي
عن نفع من عربـــي زاد ==وانـــي ضــــــر من عربي
ألاني فالفرط متـــــــورط ==في حــــــد ازهـــــــــــز بي
مزهز بأجب وامفــــــرط == فاججبـــــي لمفـــــرط في


تحياتي

أبوالفحفاح
06-06-2012, 10:53 PM
و له كذلك


عَيشَ تخمامي ما ينزاد =ابش مَ عاد الهَ تفكاد
اسوَ مجلج واسوَ عاد =يزهالِ، ما يجبر بالِ
ش تجلاجُ ماه معتاد =ما حجلهالِ وازهالِ
ولانِ لاهِ نجبر شِ زاد =يزهالِ ما حجلهالِ

أبوالفحفاح
06-07-2012, 07:39 AM
وله كذلك


الراج كنــــــت اوقيت ==نجبركرعت لجيـــــــت
محمــــــد لا كديـــت ==والناج خـــــوف الفش
نعرف عن لريــــت == كرعتهم نتفكــــــــرش
مانبغ كرعت كنت == وال امدهمش واثراش
كم اعل نجبرعت ==كرعت وال امدهمــــش


تحياتي

أبوالفحفاح
06-07-2012, 07:45 AM
و كذلك ول مكين دائما


ايل عاد الدهــــر اعل حــــال ==الدهر اللي نعرف مـــــزال
ابلا باس ء غيد التحجــــال ==وبلد فيه الناس التنــــكاس
مزال ءمزال ايل كــــــــــال ==حد ال يبغ ما فيهَ بــــــاس
ءان بعد ءلان مقيــــــــس ==اللي نبغ نوعــــد بقــــــاس
ومن الناس النختير انكيس==الا ذاك الفيه امـــن الناس


تحياتي

أبوالفحفاح
06-07-2012, 07:56 AM
احمد سالم ول بوبوط

بغيي لأم أتبيبيـــــــــــب ==أمغرش عنُ عيب
أعل مثلي و أكذيـــــب ==أصايب عن نبغـيه
أعن بغيي زاد أتضيب ==هي غـــــير أعليه
سللملي يغرينـــــــــي ==وأمنين أتواســــيه
أجحدني واسينـــــــي ==ما سلمت أعلـــيه



تحياتي

أبوالفحفاح
06-07-2012, 08:04 AM
و له كذلك

نعرف بعد أني ما أنسيْــــــــــتْ ==ذا من لحْباب ألْكطْ ريتْ
هون أراعيني هون جيْــــــــــتْ ==أسْكي تصْريـــــف أناشي
ما ريت أحبيب أوْ لا أتليـــــت ==راجي مريـــــاه أو لاشي
لحباب أمشاو أو ذاك لعْـــــدْ ==أو هاذا شي عادْ ألا شي
ماشي يلالي ذاك بعــــــــــــد ==أدْليلْ أعْلنـــــي ماشــــــي



تحياتي

أبوالفحفاح
06-07-2012, 08:10 AM
و له كذلك


الِ وســـــــانِ مانلكـــــاك=خوك الحمد لله امعـــــاك
وبخادمكم واغنمكم هاك=يلِ يخليكم مسمنكـــــــــمْ
شوفيلك لطف الله فــذاك=يلِ لايفـــــــرك لامتكـــــمْ
خوك اراهُ مَــــــرْ ادورْ=ءُخادمكم واغنمكم عنكمْ
مــــــرُ زبيتكْ راهُ مَــرْ=خوك ءُخادمكم وغنمكـمْ


تحياتي

أبوالفحفاح
06-07-2012, 08:46 AM
الولي ولد الشيخ يب

مذكورْ الشَّرْگْ أنُّو خْرِيفْ== عاگَبْ جَدْبُ مَفِيهْ رِيــفْ
إِرِيفي يَحْثِي وانْسِـــــــيفْ== منْ سِنِينْ أَتْرَمـــــــــاتُــــو
منْ طُــولْ الشَــدَّ وَانْزِيفْ== سَــدْرُ مـــاتْ ءُ تَمـــــاتُو
وَمُــورْ أَمَّلِــي ماتْ كيـفْ== سَــدْرُ والطَّــلْحْ أَمَّــاتُــــو
ماتُو ءُ لانعرفْ كاـنْ وادْ== بـــوگَـــرْفَ تَيْـــدُمـــاتُـــو
مـــاتــو ولَّ يَكـــــانْ زادْ== تَيْــــدُماتــــــو مَ مــــــاتُـو


تحياتي

أبوالفحفاح
06-07-2012, 08:49 AM
احمد سالم ول بوبوط:

عاگَبْ ذَ الْفايتْ منْ الْفوْتْ== فَالشَّرْگْ أَلاَّلكْ منْ المَوْتْ
شُوفْ أَدْوَيْراتكْ بُوفْتُـــوتْ== خَـــرَّصْ هـــــــــاذِي مَنِيــرَ
ذِكِيَّ هُـــكْ ءُ ذَا نْيوتْــــــــ==ـــــرانْ ءُ هـــــاذِي لُوعَيْــــرَ
وْذاكْ أَسْكَنْجَيَّ الْجـايْ تَلْ==لَمْـــــــــحَوْشِيــــتُ لَمْــــرِيــرَ
وْهاذِي تَنْسَــــوْقَ ذاكْ بَلْ== گَــــــــاعْ الْغَـــــايَ لَكْـــــبيرَ




تحياتي

أبوالفحفاح
06-07-2012, 09:01 AM
الحاج ول الكتاب



لا أدور امن الدهر الــمان== لد عنّ لحنش لعــــــم
ألا اتحامر صنعت حسـان== ألا اطيب اطياب الّلحـم
ألا اتكَيس الجيد بالسيــف== ما إكَيس الجيد لعنيف
ألا اتعامل بالمتن اضعيف== ألا اتلين لاهل العظـــم
ألا اتميرد ميراد الصــيف== الا اتزاحم عنـــدالعتــم
ألا اتـعود أكـــيل الليتــام== ألا اتعود اعليهم خصام
لا ادير افراصك لعـظــام== ألا اتحوز اعظام الردم
ألا اتوجه شـورك لكلام== كان كَمن حــــــد ابكلم
أبين يامس هو واليوم== باش فيه اتفيق امن النوم
كَوم كانك كَديت اتكَوم== لا اتخلي ظيفـــــك يظـــــــم
ألا اتعود افمالك مذموم== ألا اديــــر افراصك فظـــم
ألا اتعود ابخامل تـزهد== ألا اتعــود افعذرة تنعـــــد
ألا اتكَيس بيامس من غد== ظـــن فيـه البارد يحم
ألا اتسد مسداك الحــــد== ما ايكَيس اعليـــه النعم
ألا اتكَيس امنادم باللين== كون بل كَاسك باللــــين
ألا اتحشم حد ابش شين== ألا ادير افنفسك حشــم
ألا ادور اسند فالمسكين== ألا اطيح ارفـــود الدهم
ألا اتلوم ابن عم اجــناو== ألا اتعافي لمـــا عفاو
أكَوْم من هم فالخير اسعاو==لا اتمسك عنهم صدم
أكان كومك فالظو امشاو== لاتحاني مشي الظلــم
أتم واس ميسور المــــال== لااتواس للمـال اكَدال
ألا اتشيع ابكـره أزكَّال== أباش مالك ف ايـدك ينم
ومال ماهُ من كسب احلال== لا اتشيتك بيه العتم


تحياتي

أبوالفحفاح
06-07-2012, 12:04 PM
محمد ول هدار



يا امْحمد نختير انوصـــــيك==واسمع لوصاي يا امحمد
لا تستهون ش شين اعليك==افطـــــــــن لخبار ألا ترتد
لا ترض يا امحمد بمْقــام==اسغير ولا تجهل لحكــــام
واكَْر لحكام اعل تسكــــام==ويلَ عتْ امْجمــــــــع فبلد
لا تغتاب ءُ كَللْ لكــــــلام==واحــذر لا تكعد فوجه حد
جهل النحو أل مـاه زين==واخْليل احكام فرض العين
وجهل اللوغ يا امحمد شين==وال يا امحمد ما وحد
ذاك الخير ايعود بلا دين==واحذر لا تطرح يا امحمد
عن ذ كامل ماه هييـــن==هاذ هيـــــــــــــين ايلار حد
لا تتواضع لهل التطراكَْ==فالمـــــــال اتواضع للخلاكَْ
اكبرت انت مانك مشتاكَْ==الحمــــد للـــــه اتفكـــــــد
واعط واخلاكك لا تظياكَْ==واعكد فمنين اسو تعكــد
واحذر لا تفلش مكر الرب==واعل كومك لا تسبـب
المسببْ ما يُطبَــــــــــــب==وفتسباب كان المقصـــد
ايعود اعـــل راص زرب==ما لاه يفتــــــح عن حد
ويل عت ابجاهك هنيه==وانعت كاع انك مانك بيه
ويل عت ابعلمك واسيه==يا امحمد للواحد لحـــد
امنين اتواسيه الخاطيه==امركت اخبارك يا امحمد
سرك يا احمد لا تعطيه==لل ماه مفلوش اعلــــيه
وال من حد ابغاك ابغيه==يسو كرب واسو بعـــــد
صرع العار اتف بيه الغيه==العار اخبار ما تشتد
جمع امجمع كبلك جوليه==يرجع يختيرك تتحيـــد
كون ايل عت امنين اتجيه==ايعود من اخيام اهل احمد


تحياتي

أبوالفحفاح
06-07-2012, 12:12 PM
الدخيل ولد سيدي بابا


لحك للشرفَ مكموليـــــــــــن==لعرب لغلاظ ان اللعين
أخبارو ماهي شي والديـــن==لحكو يُفكّد لو نــــــوبَ
أُعنْ ذَ من تركو ماهو زين==ولوحيلْ افمسلَ مخْروبَ
والعلَّ مـــــاهُ ذَالّـــــــــي بين==ليدين العــــلَّ لعكــــوبَ
أُكوللْـــهــــــم ذَمايُخـــــــــــلَّ==محدْالتوبَ مصيــــــوبَ
واسْــــــوَ يُبـــــادر لــعــــــلَّ==ينغلكو بِبَان التـــــــوبَ


تحياتي

أبوالفحفاح
06-07-2012, 12:38 PM
الطيب ول ديدي

لغن حك انِ فــــــــتْ فــــــتْ == فيـــــه اُكولانُ بيه كمـــتْ
من سغر ما كطيت ملـــــت == عــــــن كولُ ساعت كولُ
نبدع منو معروف كنــــــت == اطلــــع فالبال ايجـــــــول
واينهــــولُ كفـــــــــان وات == هيدنــــــات اينهــــــــــــول
الان من ذاك اليلْتْمـــــــسْ ==كــاع اعل المس الا انمسْ
الان من ذاك الْيلْتمـــــــس ==واغنــــاي زيــن افصــــولُ
لبير انكول كنـــــــت واس ==غـــــير معـــروف انكـــولُ
البتيت انكول ما نعــــــس == مــــن بـت اجميعت طول
واجميعت وعرُذاك هـــــم == عنـــدى مــا كد كاع هـم
ذاك الى انكول افكلْ يــم ==شي كيفـــــو واعـــــر كولُ
كاطع مولُ الا ينفهـــــم == مايكــــدر حــــــد ايكــــول
الكطاع افلغن زاد مام ==سلعنٍـــــي شـــور باتْمـــــام
واغناي فيه ابكولْ هام == ليـــــط ســـاعت حصـولُ
كاره كول وابلا اعظام ==زاد ايـــــلا عت انكـــــــولُ
هذ ماهُ بعد آزفــــــات ==الاه بلـــــــــك واصغــــــولُ
الاكلتُ زاد ايلين مات == لا لي يكـــــون انكـــــــولُ
.
تحياتي

أبوالفحفاح
06-07-2012, 12:42 PM
محمد عبد الرحمان ول الرباني


ماكنت آن نختير الخير==منزل تفرشاي أُلكويــــــر
واكرارتْ مكَّ مانختير ==منزلها وامغيميم اطميــم
كرهو كاع عليَّ يغير ==بعد اشلك من فعل الكريم
غلات الّي عادت مشَّايـ==ـدتني بلّليعات أُلحزيــــم
لكوير أُمنزل تيفرشاي ==واكرارتْ مكَّ وامغيميم

تحياتي

أبوالفحفاح
06-07-2012, 01:13 PM
محمد ولد آدبه:

ازْهـدْتْ افْـ لبْتَيْتْ أُ غَزَّيْـــــــتْ = = الِّ زَادْ ازْهدْتْ افْـ لبْتَيْـــــــــتْ
مَالِ لَعْدْ ابْلَحْبَــــــــابْ اتْلَيْـــتْ = = وازْهدْتْ افْـ لَحْبَابْ امْنْ أُرَاكْ
وامْنْ اعْدَكْ مَا لتْهَيْتْ أُ رَيْتْ = = منْ تگْلاَبْ الدَّهْرْ أُ لَفْـــلاَكْ
يَاسرْ وَسَّانِ مَا شَكَّيْـــــــــــتْ = = مُـــــــــرَاكْ انِّ لاَهِ نَنْسَــــــاكْ
جدْبَكْ عَنْدِ رَيْــــــــــظَ تَمَّيْـــتْ = = وارْبِيــعَكْ وَاهْلَكْ ذُوكْ أُ مَاكْ
وامْنَيْنْ ارْخَاوَكْ مَـــا رتْخَيْتْ = = عَنْدِ تَمَّيْـــــــــــتْ أَلاَّ بـاغْــلاَكْ
غَيْرْ آنَ نَفْنَ مَا سَــاوَيْــــــتْ = = وَاسْوَ ذِ تَبْـگَ زَادْ امْــــعَـــاكْ


تحياتي

vewzi
06-07-2012, 01:49 PM
الدخيل ولد سيدي بابا


لحك للشرفَ مكموليـــــــــــن==لعرب لغلاظ ان اللعين
أخبارو ماهي شي والديـــن==لحكو يُفكّد لو نــــــوبَ
أُعنْ ذَ من تركو ماهو زين==ولوحيلْ افمسلَ مخْروبَ
والعلَّ مـــــاهُ ذَالّـــــــــي بين==ليدين العــــلَّ لعكــــوبَ
أُكوللْـــهــــــم ذَمايُخـــــــــــلَّ==محدْالتوبَ مصيــــــوبَ
واسْــــــوَ يُبـــــادر لــعــــــلَّ==ينغلكو بِبَان التـــــــوبَ


تحياتي


أسك حتت

أأستاذ أبو الفحفاح ، جازاك الله خير الجزاء ،
الموضوع أكثر من رائع ، و لا غرو فهي نصوص من اختيار أديب لامع مثلك
سلمت و سلمت ذائقتك
و لك أطيب التحايا

الطالب سيدي ول افاه
06-07-2012, 02:04 PM
هذي ظبية اجلابة المعلومة ، اسكيييييي بيكم كاملين
كطْ آن كلتْ اكبيلْ ماهُ ظركْ هههههههههههههههه ( لا للتنحي ولا للتوريثْ ) صرخة في وجه الربيع العربي


أمَّيْنِي متْنَحي محالْ = عنْ بلِّ منْ طبْ التحجالْ
يالبالْ أسوَ كِدْ الِّ كالْ = ذ الخلقْ العادْ امْكَطَّلِّ
بِعْلَني لا حكني نِنْشالْ = عنْ بَلِّ سابكْ يوْحلِّ
والله إلَ حلبِتْ لَقْراسْ = ابحورْ امن الدمْ اتْشَلِّ
مانِ تاركْ بلِّ للناسْ = ؤُ ولِّ ما جايزْ لُ بَلِّ

أبوالفحفاح
06-07-2012, 02:49 PM
شكرا لمروركما أساتذتي الأفاضل

الطالب ذيك الطلع فن و سياسة لا يبكمك

زيدون

أبوالفحفاح
06-07-2012, 09:02 PM
سعيد ول عبد الجليل


حَدْ اكْصَرْلِ ذَ الدَّهْرْ اگْطَــارْ = = الدَّمْعْ اعْلَ دَارْ انْبَطَــــــــــــارْ
حَكْ انْ ذَاكْ اعْلَ مثْلِ عَــارْ = = أُ يگْدرْ يَكْصَرْ حَدْ اتْوَاسِـيــهْ
غَيْرْ اگْطَارْ الدَّمْعْ اعْــلَ دَارْ = = انْبَطَــــــــارْ ابْلاَ غَرْظِ فِيــــهْ
فـ الْحَگْ انِّ متْفَگَــــدْ شِ = = فَمْ اعْيَـيْتْ انْــــــــــرَاهْ أَبَدِيـــهْ
وايْتَمْ الدَّمْـعْ أَلاَّ يمْـــــــشِ = = مَـــــاهُ گَــــاعْ آنَ لمَّشِيــــــــهْ


تحياتي

أبوالفحفاح
06-07-2012, 09:05 PM
الحاج ولد الكتاب

احبيبك لا تكَطع رحــــــمو== و النهي أرعَ لا تقتحمو
و الغايب خلّيلو لحـــــــموُ== و الحاظر خليلو وقرو
ءُ لا تبغي حد اعلَ شحمو== ء ُ لا تكره حد اعلَ فقرو
ءُ تم أرعَ حسناتك ياهلــي== فالخلق ءُ تفلش من مكرو
حمدك واسيه ءُ شكرك لـ==ــمن له الحمدو و الشكرو


تحياتي

أبوالفحفاح
06-08-2012, 04:12 PM
الحاج ولد الكتاب



تطريكَت امّاش أصلا ما اتغر ==يصرطهَ الشّر و الشّر ما ايجر
و الي عاقل من هذاك يحذر == مـــــــزالت لمور متغَيبـــــــــه
دربالت الخير فالناس تنختر ==عن د راعة الشر لمجَيْبــــــه
هذ مشاهد اف كل ابلـــــــــد ==عنــــــد اهل لعقــــول لمشيبه
والشر ما كَط بَوْهوبعد حد == ما جات بوّاهتو امعيــــــــــبه


تحياتي

أبوالفحفاح
06-08-2012, 04:18 PM
ول الكصري

كد اللي فيه ابـرك يلمــــــــــــعْ==تعطي واتخوف والطَّمَّــــــــعْ
معطاك امَّوْنك واسلــَّـــــــــــــعْ==وابلا مَنْ اوكد التَّســْــــــــلاعْ
اوتخوافك حك انُّويخلـــــــــــــعْ==او تطماعك فوك امْن التَّطْماعْ
او هذا من ش لى فيك اتفـاكْ==من تخوافك ل والتَّطْمـــاعْ
ما خَلَّاها بيَّ تظيـــــــــــــــــاكْ==ولا خلاَّها بيَّ توســــــــــــــاعْ


تحياتي

أبوالفحفاح
06-08-2012, 10:28 PM
امحمدولد محمد يورَ

عكْلِ بيهْ اتْوسويـسْ==واركوبْ اعْليهْ ابليسْ
ابالِ كونْ انكيــــــسْ==الرّيمْ اعلَ تصـــــريـحْ
وكتنْ جيتْ الدّحميسْ== توْ امجِ لمْراويـــحْ
شالتْ إنَّــــــــــــــا للهْ== اخلالْ الرّيمْ الرّيـحْ
ومرّتْ بالْبالْ امْعاه==كالْحمدْ ايّاك انْريـــحْ


تحياتي

أبوالفحفاح
06-08-2012, 10:38 PM
محمد بن محمد اليدالي


ذ النـــــوب حامد للقهـــــــار== مستراح ابگــــلت لخــبار
مان رايغ منصب ينـــــــــدار== لاهِ ايــــوديــــــلِ شـنــــاعَ
عند حيط امن الطين ءُ دار== يكفونِ ل اجماعِ ســــــاعَ
ءُعند مال ءُ عيّالْ افْـــــدار== فالصّحرَ شارب واشبــاع
وابمذياعِ نسمــــعْ مــــــدار== لخـــــبار إْلتعـــــطِ لـــذاعَ
والغريبْ المنصف لَـــــــدار== اجمــــــــــاعَ وياهْ اجماعَ
واموافق دستور المختار== واعيانْ الحزب اعلَ الطاعَ
أُلانِ دايرْ رزق افْلعبـــــادْ== كافيــــنِ من فصل ســـــاعَ
أُلانِ دايرْ شفـــــــاعَ زادْ ==كافيـــــــنِ مُـــــــولْ الشفاعَ


تحياتي

ول وداد
06-08-2012, 10:51 PM
محمد بن محمد اليدالي


ذ النـــــوب حامد للقهـــــــار== مستراح ابگــــلت لخــبار
مان رايغ منصب ينـــــــــدار== لاهِ ايــــوديــــــلِ شـنــــاعَ
عند حيط امن الطين ءُ دار== يكفونِ ل اجماعِ ســــــاعَ
ءُعند مال ءُ عيّالْ افْـــــدار== فالصّحرَ شارب واشبــاع
وابمذياعِ نسمــــعْ مــــــدار== لخـــــبار إْلتعـــــطِ لـــذاعَ
والغريبْ المنصف لَـــــــدار== اجمــــــــــاعَ وياهْ اجماعَ
واموافق دستور المختار== واعيانْ الحزب اعلَ الطاعَ
أُلانِ دايرْ رزق افْلعبـــــادْ== كافيــــنِ من فصل ســـــاعَ
أُلانِ دايرْ شفـــــــاعَ زادْ ==كافيـــــــنِ مُـــــــولْ الشفاعَ


تحياتي





اسكي حتتتتته
شكرا لك ابو الفحفاح

أبوالفحفاح
06-08-2012, 11:31 PM
المختار ول ابن المقداد

جهاد امتيـــــن اوكد اوجد==هذ فالرزق ابلا مفـــــــاد
ماه بالجد اولا بالكــــــــــد==الرزق اولاه بالجهـــــــاد
الرزق اكبيل اصل محدود==ماه منكوص اولامزيـــود
ذاكو تصريف المعبـــــــود==فاخبار الرزق اعل لعباد
الاسباب ال منهم معــدود==ستــــه وايلعاد لعــــــــداد
سبعه فاسباب الرزق ايعود==السابع ول ابن المقداد


تحياتي

أبوالفحفاح
06-08-2012, 11:32 PM
شكرا لمروركم العطر المشرف أستاذي ول وداد

لا عدمتك

أبوالفحفاح
06-09-2012, 06:54 AM
الشيخ ول مكين

ذي دار ابعيـــربـــــــــات==أخلات امن الحيات
ذي دار أمكيـــــرنـــات ==أخلات امــــن الحي
عادالوكر اديـــــــارات ==وازويـــرت دنبــــي
ذيكي واصل أـخـــلات ==امــــن الحـــــي هي
والذرذر ورك الــواد ==وامــــن الــم لودي
ابست واعكوبت زاد ==الــــــدني ذيــــكــــي


تحياتي

أبوالفحفاح
06-09-2012, 06:59 AM
ول أحمد مرحب

يالال مبعد بــولــوتــــــــاد== ذي النوب عاد و مبعد واد
الجن عاد و مبعد عــــاد== بولرياح ومبعـــد لكـــــــلات
وأغيلاس و مبعد لجواد== واكليب الشك و لبيــــــــرات
من فم أنكش و فم الواد== لبيظ وافـــــام التيبـــــــــرات


تحياتي

أبوالفحفاح
06-09-2012, 07:06 AM
محمد ول احمد يوره

عاري ماحاجلك لمكـــــــــــيل ==اللي فوتن مـاه اطـــــــويــــل
تحت اجدر مستعكف واظليل ==اعليه احشيشات امــن اكاش
جان عندو فم اعييــــــــــــــل ==امن أواش اللحم واحــــراش
أجان عندو راجل ثقيــــــــل ==اجان واحد زاد أفكـــــــــراش
راعي ذاك اليوم احجـــــلي ==انعرف زاد انو رخلو بــــاش
يوم اثلاثة فالعيد اللـــــــي ==تخلك فيــــــه اذبيحت لكباش


تحياتي

أبوالفحفاح
06-09-2012, 07:16 AM
الطيب ولد ديدي :


ذاك انيولِ بـــــل اجبـــار==دهر اللهو الّ طيــت قار
عينِي مانِ خاشي مَـــرارْ==ليام الكط سمحــــــــولِ
فيه ابطربي والطيت جارْ==طربي راعيني كامــــولِ
ليعاتِ مـــن ذوك الديــار==البيــــــــظ امنين ال بــــانولِ
أُلا تيت انـــكد انجيه مار==أو لاتيت انـــكد انجـــوْلِ
واليوم اعرفت اني وفيت==اِيلا جولــــيت انيــــــولِ
كاطــع مــولِ وِايلا وطيت==انيـــــولِ كــاطع مــولِ

تحياتي

أبوالفحفاح
06-09-2012, 07:47 AM
محمدن ول سيدي أبراهيم:



عـــــرفات أصـــلا مــــــانبغيـه..==..ءلان مستخبــــر فاهـــاليــه
ءفالمشي أمن أبعيد أنجوليه..==..ءلاهـــو عنـــد دشـــره زيـن
وكتــن ريت أميميـــن فيــــــه..==..وتكــــــاولــــن ش يعنـيــــن
عــرفــــــات أبغيـــت ونجيـــه..==..ءنختيــــر عــن تفـــرغ زين
وعلــي زاد ألــي أمغليــــــه..==..عن تفــــرغ زيــــن مسكيــن
فيـه أهــل أميميـــن راعيـــه..==..وعيــــات تجيـــــه أميميــــن



تحياتي

أبوالفحفاح
06-09-2012, 08:21 AM
الكفية ول بوسيف


مصَّابْ الْمَبْدُوعْ ءُ رَدَّامْ ==علْبْ النّصْ ءُ زِيرتْ لغْمَامْ
هُومَ وانْوَاتِيلْ أَنَجَّامْ ==واغْنَكَّسْ وابّيْرَاتْ الشَّوْكْ
مَا فِيهُمْ وَاحدْ فِيهْ اخْيَامْ ==مَا عَادتْ فِيهمْ منْتْ ابْرُوكْ
مصَّابْ أُوكْ ءُ ظَايتْ لگْنَدْ ==واحْرَاگفْ لَبْيَارْ أُ لمْلَدْ
واعْلاَبْ الْحَاسِ والْمَحْرَدْ ==يَ مصَّابْ امَّلِّ هَاذُوكْ
مَا فِيهمْ واحدْ عَنْدُ حَدْ ==ما عَادتْ فِيهمْ منْتْ ابْرُوكْ
يَ الْعَگْلْ اگْدمْ نَافدْ لُبَّيْرْ ==يَكَانكْ لَسْقَامْ إِهَنُّوكْ
أَلاَّ حَاسِيكْ أُ فِيهْ الْخَيْرْ ==مَبْرُوكْ أُ عَنْدُ منْتْ ابْرُوكْ


تحياتي

أبوالفحفاح
06-09-2012, 08:27 AM
لوليد ول دندني


متوسل ابجاه الجليـــــــــــل ==زين لعديـــــل
المعرف بالدليـــــــــــــــــــل ==رب قهــــــــار
وابجاه سور اتبسمــــــــيل ==اكل توسيــــل
ءُ موسي ءُصاحب لنْجيل ==مُول الانــوار
ايفكنِ مـــــــن اتزلزيـــــل ==يوم اتفرقيــل
واديرن بين اهل التوكيل ==ذوك الابـــرار
وابعد البـــــــــــــــــــــاس ==ءُ نيات الناس
وادخيل الوســــــــــواس ==عن محمد المخطار

أبوالفحفاح
06-09-2012, 08:34 AM
اعل محمود ول محمد محمود (مشظوف)

مارت تصريف الدهــــر ءُ راح ==يالعگل ءُلاهي لرضْ اتسيب
خرص مزين هاذ لبـــــــــطاح ==ءخرص مزين ذو لعراگيـــب
سهوتْ هاذ لبهگ فالحـــــگ ==خرصهَ ساحل تل ءُ شــــرگ
مزينه هي والمــــــرفـــــــــگ ==ءُ فم أَشَظَّفْ واخنيگ الذيــب
مارت تصريف الدهر ءُ راح ==يالعگل ءُلاهي لرضْ اتســـيب
خرص مزين هاذ لبطــــــاح ==ءخرص مـــــــزين ذُ لعراگيب


تحياتي

أبوالفحفاح
06-09-2012, 08:49 PM
انجبنان ول امحيميد

يا العگل اصبر تجلاجك دور ==كان اخلاگك تبرد بالشور
خالگ ياسر منشي ميســور ==ريتُو مـــا فيه المشـــــقَّ
ءُ ياسر زاد إيـــــوَدّي لقرورْ ==الناس اتگول انُّ يُتـــــقَّ
فت أجبرتُ واجبرتْ ادهـــــورْ ==النعمَ واجبـــرتْ الطبــقَ
ءُعاگبْ هاذَ ريتْ المكــــــدورْ ==إلين أعليـــــك ألاَّ شـــقَّ
احمد ربكْ ربـــــــك غفـــــــور ==إلِّ ذي الدنيّ مــا تبــقَ
فاتــــت ذيك النعمَ وايــــــــدورْ ==إيفــوتْ انيورْ وتمبـدقَ

تحياتي

أبوالفحفاح
06-09-2012, 08:51 PM
ول تارمب

عند ام اغليّف ملگ حاك ==ريتُ من متانــت لهلاك
يلهِ واكصيّف يالفكاــــــــك ==وقت من لوقات اكصيف
عاودل يمالك لمــــــــــلاك ==واكتنّي عبــدك واضعيف
ملگ كيفتْ ملگــانَ ذاك ==لكصيّــــف عند ام اغليف

تحياتي

أبوالفحفاح
06-09-2012, 08:59 PM
ول تارمب

گَيَّمْتْ أغلَ لَغْيادْ ==البــــــــــــارح يَالْجَـــــوَّادْ
فِبْلَدْ ماهُ مُعتــــادْ ==يَخْلَعْ بيــــــــــهْ اتلاحِيگْ
فيهْ الناسْ الرِّگَّادْ ==مِسْتَحْرَفْ خَوْفْ الظِّيگْ
والَّ مَسُّو تِگْلابْ ==عَني وارْفَعْــــــتْ ارْگِيگْ
وبتْ انْعاوِ لَكْلابْ ==وبــــــــــــتْ انْعَاوِ لِعْتِيگْ

تحياتي

أبوالفحفاح
06-09-2012, 09:05 PM
الشيخ محمد الامين ولد سيد امحمد ولد لمحيميد

اسبوعِي فالنٌيشاَيْ ==متعـــــــــــــــــــدٌل يالعَطايْ
ءلا گط امن انتشايْ==الدنيَ جبـــــــــــــرُ حـــــــد
زَين اَسبُوع اكنكايْ==ءُزين اسبُـــــوع المحـــردْ
غير اسبوع ادبايْ ==مَــــــــــن لَعمَر مَاينعــــــدْ
مُـــــــــلاه إلّ غَلاهْ ==امـــــــش عَــــــنٌُ واگعــــدْ
وابْگيت آنَ مُراهْ ==مـــــــا شتكيــــــتْ اعل حـدْ

تحياتي

أبوالفحفاح
06-09-2012, 09:10 PM
و له كذلك

هاذ الدهر ابشي كان ==امن اطرب للـژوان
واتلاحيگ الشبـــــان ==گايم بيه اسكي بيه
هاذ آخرُ الزماـــــــن ==لاهِ عــــــــــت انّويه
انراع فيه ايبـــــــــان ==اشمـــــــاذ يطر فيه
التقــــــلاب افليـــــــام ==ءُ ذاك إلْ يان تنبيه
عنُّ بيهْ إلِّ گــــــــــام ==ماهُ لاهِ اتمْ بيـــــه


تحياتي

أبوالفحفاح
06-09-2012, 09:15 PM
و له كذلك

يامس عند الكركـــــارْ ==جاوْ إعلينَ خطـارْ
گالو عن بلحبـــــــــار ==أهلُـــو نزلو فَگيـل
واعلمْ بيهَ بكـــــــــــار ==واجحدهَ بيهْ الويل
ءُلا حسيت ابلخبـــــــار==إلين إلعاد اللـــــيل
أمّـــــانَ يالمعبـــــــود ْ==لُكنتْ اعلمت اگبيل
عنهم فَ گيلْ انعـــود ==گيلـــــتْ ألاّ فَگيــلْ


تحياتي

أبوالفحفاح
06-09-2012, 09:26 PM
ول تارمب

ليلَ بعد إفلخيـــــــــامْ ==إلِّ عنــــــــدْ أعـــــرَّامْ
حد افعلهَ لكــــــــــلام ==الخاسرْ عِمْلْ إعْلِيـــهْ
واعملْ زاد إعل أيام ==حابــس ســـيكَُ فيديه
ماهُ فوكَ التخمـــــام ==واشفَ فيـــــه أعاديه
ء ذاك إل ِّفيهْ الخيــر==أشبهْ حد إواســـــــيه
ليلَ فالخير أخيــــــــرْ==من وَحْدَ ماه فيـــــه


تحياتي

vewzi
06-10-2012, 03:44 AM
أستذي أبو الفحفاح ، هذي اظباي اتباركل محكًون فيه امن اظف
مجهود رائع يذكر فيشكر
لك أطيب تحية

أبوالفحفاح
06-10-2012, 12:00 PM
شكرا لتشريفي بمروركم الكريم أستاذي فوزي

أبوالفحفاح
06-10-2012, 12:04 PM
الشيخ ول مكين


ارعد وابروك اشير ==فاوهام الواد اغيير
سداوافلرض اونيــر ==من معاط مـــــلان
واربيع الواد امدير ==لمجال فر امـــلان
بال ذماه امشــوش ==تايب لله امــــــــآن
خفت اهللايتخوش ==عـن ذ واحد مهان

تحياتي

ول وداد
06-10-2012, 12:10 PM
انجبنان ول امحيميد

يا العگل اصبر تجلاجك دور ==كان اخلاگك تبرد بالشور
خالگ ياسر منشي ميســور ==ريتُو مـــا فيه المشـــــقَّ
ءُ ياسر زاد إيـــــوَدّي لقرورْ ==الناس اتگول انُّ يُتـــــقَّ
فت أجبرتُ واجبرتْ ادهـــــورْ ==النعمَ واجبـــرتْ الطبــقَ
ءُعاگبْ هاذَ ريتْ المكــــــدورْ ==إلين أعليـــــك ألاَّ شـــقَّ
احمد ربكْ ربـــــــك غفـــــــور ==إلِّ ذي الدنيّ مــا تبــقَ
فاتــــت ذيك النعمَ وايــــــــدورْ ==إيفــوتْ انيورْ وتمبـدقَ

تحياتي





اسكي حتتتتتتتت يغير ماهو فال اهل انيور ؤ تمبدق ايعود اجلجو هههههههه

تحية كبيره لك يا ابا الفحفاح علي هذا المجهود

ولد مكَيه
06-10-2012, 12:30 PM
يالالي مزين ذ يالالي مزين ذ

يبوي اسكي ابدعت و اتبيدعت لا فض فوك
غنيت و عندك فيها سر

شرفني مرورك و اطربتني اضافتك لا عدمتك


مشكور حت ابو الفحفاح ذاك ألا من ذوقك أنت الرفيع
الله أيخليكلي ويعملني أنتم عالم بيك أن شاء الله
أسكيييييييييييييييييييي ألا بيك أنت

أبوالفحفاح
06-10-2012, 05:45 PM
شكرا لمروركما أستاذي الفاضلين لا عدمتكما


ول مكين


يلالي مذا دون ظن ==من ليفادة من كل فن
والعلم افلمدن مندفن==من معن فيه الغايــــة
أيلالي مذافيه مــــن ==صوم أ صلوة وؤفايــة
مدفون امذا فيه عاد==من حديث امـــــــن آية
مدفون امذا فيه زاد ==مـــــدفون امـن الولاية


تحياتي

أبوالفحفاح
06-11-2012, 03:58 PM
محمد ول احمد يورة

ادويرت تونكت افلكصار==ادويـــــــــر تنكاس و تنــزار
والدار ال كبلت عمــار ==فوك اتكيليلت علب ابجـــوك
ذيك الدار إفوت لعمار ==والكلـــب من اغلاه مظنوك
وعالم ملان عنها دار ==امـــــــن اديرات الدني ذوك


تحياتي

أبوالفحفاح
06-11-2012, 04:15 PM
الشيخ محمد لمين ول سيد امحمد

سبحانك يمالك لكـــــــــــــوان==واكتـــــــن ذا الدهر اليوم ايبان
ماه كيفت ذا الدهـــر ال كان==وامبعـــــــــــــد منُّ وأصْلْ ابعيد
خظت اليوم إعل انگنتـــــــان==واعطـــــانِ درس امن التوحيد
نعرف نوب صدرُ نگعــــــان==والرتـــــــــعَ والحرث ءُلعبيــــــد
جيتْ الحگتُ صدرُ عـــــدان==يگــــدوهــــــم لعبيـــــد ابلقيـــــد
ءُ بل الرتعَ عاد إدرگــــــان==و ابلـــد لحريـــــث عاد امسيــد
وافرگان ورگ الحيـــــــوان==والنـــــاس إلّ منـــــــــه مفــــيد
والتلاوة وابلـــــــد لــــــذان==والتدريــــــس افبـــــل التجديـــد
واگرايت لحزاب ءُ لثمــان==ماتمـــــــرگ وذنـــك بالتجويــد
والتخفيف إج زاد أحيـــان==والتشديـــــد افبــــــــل التشديــد
واحكام النحو اتجيك إگران==نعت وحال و ظرف و توكيـد
هاذ عاد افبلُّ مرحــــــــان==مافيهــــــــم ثَمّــــتْ لثر اجديد
التيارت وأم أواجيـــــــــــل==والعجلة واگــــني و لمگيـــــل
و نيت اقريجة واسويف الخيل==هاذُ هومَ بــل التوحـــــيد
للّ يعرفهم كان اگبــــــــيل==خير إحوشيهم عاد ابعيــــــــد
أمّ دار إعلين لفطــــــــار==لثنــــــــين و هي دار العــــــيد
مان ساميه ذيك الــــدار==خـــــــوف إِيج فيَّ گاع احديـد


تحياتي

أبوالفحفاح
06-11-2012, 04:26 PM
سيداتي ول حمادي القلاوي


تگلاب الدهر ايبان ظـــــرك==متعدي فيــــــــه الحيـــل
ذاك اتجـــــال وذاك حنـــــك==أعـــــرام ولعــــــــزيـــــل
هـاذاك امــــــلِّ باظبـــــــاع==گاعد دون ابلمحار گاع
واجهدي حوز ابلا انــزاع==مــــــن مــــــاهي تحويـل
وآمورت لكصـــر واذراع==ذُ يَمُــــــــــــول الوســــيل
هوم هوم طب اضيــــــاع ==والصـــــــدمَ والتخذيـــل
واسكي مذ فات امن اطبول==بين الكركارو بوطبول
واركاب الدهر إلي تصول==مــــــــن كل انهار وليل
واركاب اتجي واجميع هول==هـــــــوم واقيود النيل
عالم مولان والرســــول==الجمــــــــــــاعَ لفْضيــــل
عن عاد اعلي فرظ قول==ان الدنـــــــي ثقيــــــــــل
واسكِ يذ من عام فات ==واشهر واسبوع و ليل
بين الر گ و لميبــرات==وأعــــــــــــرّام و لعزيـلَ


تحياتي

أبوالفحفاح
06-11-2012, 10:46 PM
ابراهيم ول ابراهيم

ذي الي بالموسم تصَّلْطْ = دِيــــــمَ معــــــروفَ بالتصلاط
قلات أكْشَطْ والخط وشَطْ = راصْ الخط امنين ايجِ خاطْ
قَلاَّتْ أقلَ قيداتْ اللَّــــــــيْ = أرْجِ وانْتِسْــــــــكَ وانكَـــــدَيْ
وانُّــــــودَيْ اعليَّ و وْدَيْ = لَرْظَ وايدِرْشْ وتِنْيِطَّـــــــاطْ
والغابَ من حَوزتْ لِحْسَيْ = الي راهُ وسْـــــــطْ أشَمَّاطْ
قلات الي منها مذقــــــوط = دلالي بالعَـــــــــدّ المظبوط
امناحر تيشيت وتاكًـــــوطْ = واينَيْرْ وكًـَـرُّوكًـَ واخْـــلاط
امكافح تاشوط التاشــــوط = الصَّفْرَ والخظرَ وايــــراطْ
وأدرُّومْ وبَرْدَ واحْيُـــــــوطْ = تجكًجَ وايدِرْشْ ولَرْبــــاطْ
ذي الي بالموسم تصَّلْـــطْ = دِيمَ معروفَ بالتصـــــــلاط
قلات أكْشَطْ والخط وشَطْ = راصْ الخط امنين ايجِ خاطْ


تحياتي

أبوالفحفاح
06-11-2012, 10:53 PM
سيداتي ول حمادي

يغيوان المشظـــــــــوفيَّ ==حكَيتك يزّاك اتركــــنِ
مانك خازن خاسر فــيَّ ==انت گاع أثرك تعرفنِ!
تلحگَنِ فافريـگ ازوايَ ==ما بيني ويّــاك اروايَ
كون إيلَ ظحكت مُرايَ ==مشظــوفيَّ ظحكَ تضنِ
تركبني واتَّمْ امْعــــــايَ ==يالغيـــوان-آن-رافدنِ
مانِ حاكم عنّك مــايَ ==ءُ لانِ حاكـم عنّك لبنِ
ءُ لانِ حاكم عنّك غايَ ==فايدي يعملهَ تعگبني

تحياتي

أبوالفحفاح
06-11-2012, 11:00 PM
الشيخ ول مكين

الــدار الكبــــــلي ==فازويــرت دنبـــــــــي
اولاكــاع التــــلي ==همـــــــات يالشفــاع
الثنتيــن اعـــــلي ==هـــــــوم كــد التلياع
غير الدار ال بين==بالكسي وابلفــــــراع
فالتعدال الثنتين ==تعدلهــــــم وال كـــاع

تحياتي

أبوالفحفاح
06-11-2012, 11:09 PM
براهيم ول ابراهيم

وفاتْ الصبرَ عن مَــــــــــــنَّ = يلعكًـل امنين اتويكًِـرْنِيتْ
بانت ويدور ابان الــــــــــنَ = من تل اكحالْ أقْشَكًـَّـوْكًِـيتْ
الصبرَ عن مَنَّ باش اتريـد = فاخلاكًـي يلحي المجيــد
ألا فِ انْتَمْ افْ وَكْرْ ابعيـــد = امن أقَوْدِيتْ وفيهْ اهْدَيْتْ
والَّ بِعْدْ انواشيدْ ايرِيــــــدْ = بيــــــهْ اعليَّ مول التِّلِيتْ
ويعود أقَوْدِيتْ امْرَكًـْ لَيْـــدْ = غير امنين ايعود أقَوْدِيتْ
انشوفُ وانشوفْ انواشيدْ = والي فَيْدِي شوفْ اقْلَمْبِيتْ
وفاتْ الصبرَ عن مَـــــــنَّ = يلعكًـل امنين اتويكًِــــرْنِيتْ
بانت ويدور ابــــــان النَ = من تل اكحالْ أقْشَكًـَّـوْكًِـيتْ

تحياتي

أبوالفحفاح
06-11-2012, 11:12 PM
و له كذلك



فَوَّتْ أخْمِــــسْ هِلَّ = متمونك في الحـــــــلَّ
ماني جابر مــــــلَّ = ولاني متفكًـد ريــــــمْ
لا يــــــــــــــدوم إلا = وجـــــــــه الله الكريم
جاني شي ما ندراه = وامشَ عني بالريم
شورْ أهلُ بســـم الله = الرحمن الرحيــــــمْ

تحياتي

أبوالفحفاح
06-11-2012, 11:15 PM
و له كذلك

والله ما مركًـب تشـــــــواش = اعلي يالـــحي اللطيــــــف
الحفرَ واحسي أرمـــــــــاش = واكًـنـيـكًـيرَ نوبت لخريف
واحزملي من ذاك إيـــزواز = الخرزَ والمنكًـزْ واحْـــــزازْ
كِدْيتْ كًـبُّ فامنين انحـــــاز = مسو عن لبياظ اتشكريف
كًاعدلُ من شـــركًـ . أبرَّاز = لاحكًـ . فالزيرَ لقراذيــــف
وابطاح ايجو من تل اعناد = لقوجفت وزين اتراصــيف
اعلَ رُوص الكِدْيَ لقــــراد = كل اثنين اعل كًـلب ارديف

تحياتي

أبوالفحفاح
06-11-2012, 11:42 PM
السالك ول الحاج أحمد دَيْدَ القلاوي


نَعْرَفْ بعد إليـــــــــلِ غدْرِتْ ==ذاكْ الدهر امنينْ انجَبْــــرِتْ
گعدِتْ تَحتْ اجْدِرْ ذِ صَدْرِت ==تَيْشِطْ وِسْــــطْ اُودَيْ اُوحَدْهَ
والدِّنيَ گاعْ اِيلَ غــــــــدْرِت ==وانحاشِت واگْصِفْ مَتـــرَدْهَ
اِتَمْ الاَّ هاذَ لُــــــــــــــــــودَيْ ==مــــــــــــزالْ افْ بَلُّ نَشْهَدْهَ
وهيَّ ذاكْ ابلدهَ ، والتَّـــــيْ ==شطَـــــايَ مَــــــزَالتْ فابْلَدْهَ


تحياتي

أبوالفحفاح
06-11-2012, 11:48 PM
و هو القائل كذلك

يَاحْمَدْ مِن لِبْيَاظْ إيلَ طابْ ==خَلِّ عَنّكْ جيهتْ لكحـــــــــالْ
وَاخْبَطْلِ لَعْتيگْ ولَكْـــــلابْ ==و الرَّمگانِ و اخبطْ لرْحـالْ
وِيلَ درتْ اتروزْ اتكحَّــــــلْ ==مَانَـــــــــكْ لاهِ بعد اتْزَحَّــــلْ
گومْ امْعَظَّلْ لا تَتْوحَّـــــــــلْ ==كـــــــافِي من لكحالْ أعظالْ
اخبطْ بَيْگِ فمْ ؤنَحّــــــــــلْ ==تَگْنَـــــــعْ لَكْ شِعَّارْ التِنْحَالْ
واخبط رِتْفَدْ - مانِ عانِ ==يَاحْمدْ مَحْصَـــرْ ، والبرَّانِ
و اخبطْ لِلْـــــــواگِ واَرَانِ ==نعـــرفْ عن ذَ لكحال اگبالْ
والِّ ما گِلتُ عَسْــــــــرَانِ ==گـــــــــوْلُ لا بُـــــــدّالُ يِنگالْ
واخبطْ لِلْبُلْهْ وللترْهــــاجْ ==و اخبطْ لِلْمَوْضَعْ لا تِعْــوَاجْ
عن شور الْمَوْضَعْ ولْ الحاجْ ==مَخْلوقْ امْسَگَّمْ مِنْ لَِقْلالْ
يِخْتَيْرْ الِّ لاهِ يِتْحَـــــــاجْ ==مِــــــنْ لَشْعَارْ اِوَاسِيكْ افْصَالْ


تحياتي

أبوالفحفاح
06-11-2012, 11:51 PM
اكطاع الأمير سيد احمد ول عيده مع ول هدار


قال الأمير سيد أحمد ولد عيده يخاطب امحمد ولد هدار:
امحمل للطلب(1) معلومْ = = هون امجيه اليوم ؤمعلومْ
بيه، اعل ان ماه مليومْ = = اعليه، ؤلاهْ امج هبطَ
هم.. همُّ يصلح واعلوم = = ان يصلح لُ بالظبطَ
وامنادم همُّ همْ اليوم = = ما يعجلْ گاع ؤلا يبطَ.
فقال ولد هدار مجيبا له:
هم فيك ال داير جيت = = بيه امعدل لكان امشيت
ؤلان گايل عن ضنيتْ = = اعليك أخبار مرتبط
اعجلْ بيه اص كان ابغيتْ = = ؤبيه اص كان ابغيت ابطَ.
فقال سيد أحمد:
امحمّل للطلب فنُّ = = لگطاع، ؤلگطاع إسنّ
هم متعدّلُّ بـ انُّ = = گاع امجيه ؤلا فات ابط
وايل ترك واعجلْ عن = = ماه هي بعد الخبط.
فقال ولد هدار مجيبا:
هم فيك الا من عودان = = أزين گاع ال گط ازيان
ذ الگايل لك وانت سلطان = = شيخ ايل غلبك ش خلط
وآن بران ل عمان = = عنكم يا ابلد كبر المعط
فقال سيد أحمد:
يا امحمد جابوك امسايلْ = = من هك ؤگلت الّ گايل
وابهمك فالسهو حايل = = ؤمتخمم عنك ما تبط
غير آن يلِّ ل هايل = = همك ساخيلك بيه ؤطـ
يب فاخلاگ للسايل = = لعدت الما تبغ تبط
ذ ميت ؤگي وازوايل = = ؤعك والكسو والكفط
فقال امحمد مجيبا:
هم كثر ماه فخر = = فيك ؤلاظنت عبر
ما گطيت انت يبر = = ط بوك ؤجدك زاد اعط؟!
اجمل زين ؤمي صفر = = واعط دراع مخط
ؤجدّ بيظ والل حمر = = ؤعك شهب والل رگط.
فقال سيد أحمد:
همك متعدل والعرظ = = تجبرهَ موراه ؤترظ
وفيك أعظام العجل گرظ = = واگطاعك واعر واستبط
لُ بدعك ماه إن گرظ = = ؤلا فيه الواد ؤلا ربط.
فقال امحمد مجيبا:
الربط والعجل والواد = = مهلل ماهْ انه تحداد
رغز ل.. خيْ آن مجاد = = باطل واشريف اعل ظبط
وانت شكريلك زاد امگاد = = بلسانْ امدخلن ورط
يغير الشكر ال يابس زاد = = يبك حابس فم ؤيبط
فقال سيد أحمد:
همك متعدل لا يشگيك = = ما كنت أثر مستخبر فيك
ؤنبغ نعرف يل يشفيك = = من شين ؤفيه الشگط
كانك ذ اصنع عاد فيك = = والل كانك بيك الذغط.
فقال امحمد:
آن ما نعرف گاع اشبيك = = كون ال عاجبن دخليك
واعجب ل ظاهرتك من ذيك = = نفن وانت عند غبط
ؤمن عند الحط درت امجيك = = وامجي من عند الحط
نعرف عن همِّ صالح فيك = = صلاح أثر ما يخط.
المصدر : موقع التيسير الثقافي

تحياتي

أبوالفحفاح
06-12-2012, 12:00 AM
ول المبارك ول اليمين

رب العزه وَسَاكْ ابـــــــــلاد==فيهَ عتْ الْلَعباد اتْشيــــــــطْ
واعلَ كلْ ابلدْ نوركْ بــــــادْ==واعليكْ ابحورْ النور اتْخيطْ
وانت بحر المحيط و كَـــاد==اعل بحر ْالمحيط اتْحيـــــــط
واسْوَ تسمع ذاك الحســـاد==وِيطْ اصَّ وَلَّ ماهِ وِيــــــــطْ
مزاك اومسواك اومعنــــاك==والسر المكنـــــون اور ذاك
ال يعرف كدو مــــــــــــلاك==وان يغلبن بعــــد اظبيــــــط
كون اعلنك ربك وســــــاك==مول الملك ال بيك ايحيــط
تغزل فالدين الغزل الحــاك==واتدير النيره فيه اشمــيط
ولاهِ تُوفيهْ اوْرَ مســــــداكْ==لغزيلْ و لبريم و لمحيـــط
والِّ حسدك ولَّ عاصـــــاك==ضامن لُ بعدَانَ تسليــــــطْ
رب العزه

تحياتي

ول وداد
06-12-2012, 01:59 AM
اسكي بيك ابو الفحفاح هذا يبوي صرحة لاحكت فيه مشاء الله ياسر من شي زين


الله لا ايدرصيك

أبوالفحفاح
06-12-2012, 07:58 AM
الشكر موصول لجنابك الكريم أستاذي الفاضل لتشريفكم لي بالمرور العطر على الموضوع
فتقبل مني تحية إجلال و مودة و تقدير

أبوالفحفاح
06-12-2012, 08:05 AM
ول المبارك ول اليمين فى مدح باب ولد السيخ سيديا:

طَبْعُ من سِغْرُ حِسْنْ الْخِلْـــقْ==وَالَّ باشْ اكْبِرْ يِكْبِرْ فيـــــه
مِتْوَلِّ عن لَشْيَاخْ الْخَلْــــــــقْ==والكَشف الْ لَشياخ امْخَلِّيهْ
طِمَّاعُ ما گـــــــــــطُّ غَـــــــبُّ==وَ اوْرَادُ يِهْـــــــــــــدُ وايْرَبُّ
واخلاقُ للنـــــــــــــاس ايْنَبُّ==وَصْفُ من لشياخ اسْكِ بِيهْ
ابليس اعْلَ الكَصْرَ طَــــــبُّ==طبعُ زينْ و صافِي دِخْلِيـــــه
و لاهُ مــن لشياخ الّ اژَبُّ==وعلم الغيب ابلا وِلْهَ فِيــــــه
وابلا تاثِيــــرْ امْــــــعَ رَبُّ==و لا يِكْتِلْ حدْ و لاَ يِحْيِيـــــــهْ


تحياتي

أبوالفحفاح
06-12-2012, 08:10 AM
لوليد ول دندني

جَيْتِ لانيُـــــورْ ؤ بيك البَــــــــدْ ==والظِّحْــــــكْ ؤعِزِّتْ شِ يِرْتَــــــــــدْ
جاكْ أحْمَدْ وامش ، و الاَّ عَنْدْ ==جاكْ أحْمَدْ وامشَ : جاكْ أحْمَـــــدْ
أحْمَدْ ذَ التالِ گالُ عـــــــــــــاظْ ==مِن گلبِـــــك مـــــاهْ الَّ انُّ گــــــاظْ
وِ الْفَظْ لكْ ياسر مِنْ لَلْفــــاظْ ==واعْطَيْـــــتِ لُ باللَّفْـــــــــــظْ ابْلَــــدْ
و أحْمَدْ لَوَّلْ يَالرِّيم اغْتَــــــاظْ ==من بَقْيْ أحْمَـــــدْ ، وامْشَ واگعَــدْ
وامْرَگْتْ آنَ رِجْلِكْ لُخَــــــــاظْ ==يِتفَاصِلْ فِيـــــــكْ أحْمَــــدْ و أحْمَـــدْ


تحياتي

أبوالفحفاح
06-12-2012, 08:16 AM
ابراهيم ول ابراهيم

الطف بي يوم النصبــــــح = فاوكير ال بغرام شـــح
ادبش لكياطين امطــــــرح= مزالت فعكـــــاب الكلف
تتخالف دوارت لبلـــــــح = فالزوال اتقل الخلـــــف
يطلع نو اكبير امـــــبرح = والناس افخبر مختلـف
ال اكول ان النو اصلــح = ول اكـول ان النو اصف
الملك العظيم الجـــــــاه = مغلاه اوكير اليوم احـف
معود غلاي مـــــــا لاه = تشتد من اخبـــار نتـــف

تحياتي

أبوالفحفاح
06-12-2012, 08:21 AM
محمد ول احمد يورة

اكدم تنيدر مــــن صـــــــلاح ==اغفرشيت امال يــــراح
حد امن اعلاب الحاس راح ==بعد انفـــــــــــــراك ذكد
وانفراك منـــــها ما صــاح ==اللوتد كون إواجه وتـد
احد اعل زيرت لوتـــد لاح ==عيــــــن شكند ارخ بعد
ازيرات السياح امن امراح==شكـــــند إكـــــــد ينعـــــد
احــد اعل زيرات السيــاح==ذوك اكــــــدم تنيدر عند


تحياتي

أبوالفحفاح
06-12-2012, 08:48 AM
ول هدار


بَــــارك ياللَّ فاوْلادْ ==ابـــن المقداد ايــام
ايام ايام اعيــــــــاد ==ذاك اليــــــن الكدام
الّ ماهـــــــمْ جهالْ ==الِّ ماهـــــــم ذهـال
الِّ مسنــــــد لعيالْ ==يالله ، امــــع دوام
امتثـــــــال الحلالْ ==واجتناب الحــــــرام
حمالين التجـلاجْ ==فالظلـــــــمَ والجلاجْ
للضعيف المحتاجْ==الزينين الكــــــــرامْ
الحذاك الحجــاجْ==بيـــــت الله الحـــرام


تحياتي

أبوالفحفاح
06-12-2012, 09:26 AM
سيديا ول محمد ول هدار

يَـ عَگْلِ رَاعِ ذَاكْ احْسَــــيْ== إِدَارْ أُ ذِيـكْ امَّـــــلِّ دَيْـ
يَانَ وَفَچـَّارْ اعْـــــــــلَ رَيْ==ذُوكُ بِـيهْ الِّ منْهُمْ بَارْ
أُ ذِيكْ امَّلِّ زِيرةْ يَخَـــــــيْ==مَـانَ يَغَيْرْ احْسَيْ إِچَارْ
مَاهُ لكْصَيْــــــــــــرْ أُ دَيَّانَ==مَـــاهِ بَكُّــــــــومَ وَفَچَارْ
مَاهْ انْچُولْ أُ زِيـــرةْ مَانَ==مَاهِ نبْـكتْ وُلْ آگُــــرَارْ


تحياتي

أبوالفحفاح
06-12-2012, 09:30 AM
لوليد ول دندني

لفليح سكنــــــــــــاه ==فارويـــــــــم اخلعــن
يغير ايل گلنــــــــاه ==ينگـــــــال إنّ گلــــن
الخاسر واتواسيـه ==الناس الخاســر فيه
ماه فيه أراعــــيه ==ذلّ فتـــــن گلــــــــــن
مافتن گلن فيـــــه ==يكــــــــون ان گــــلن


تحياتي

أبوالفحفاح
06-12-2012, 09:36 AM
ول ابن المقداد

نبغِ نرجعْ شورْ بلّي = = وانشوفْ أكرفاتْ تلّي

واصدر ببّـتورْ ذ الّ = = بالعزه مخصوصْ

وانشوفْ امبيوهْ بلّ = = وابدنْ وابجهوصْ

تشواش ما گط جان = = عن كدُّو منكوصْ

واطرالي تشواشْ ثانِ = = ماهُ ذاك إحوصْ

تحياتي

أبوالفحفاح
06-12-2012, 09:57 AM
أحمد ول اجريفين

عـندي وت كـحـــــــلَ ==عـادت حــت كـهـــلَ
ما تنفع في الشغــــلَ ==وألا مَحْـض أزﮔــال
الـدايم والـوحــــــــلَ == والحال ألا يـثـقــــال
يغـير أغلَ وأحـــــلَ == ذكريات أمن أشكـال
الـوتـات ؤ ثـقــــــلَ == شــوْخَر فـيهَ مــزال
ما عادت يالمعبود == باط امع ذاك القـال
حمرَ يكان اتعـــود == كيفت وتت جمــــال

تحياتي

أبوالفحفاح
06-12-2012, 10:01 AM
يرب ول احمد ول المين

كانْ الْحِجَّاجْ افْ راصْ العامْ ==حَـــــــجُّ بيتْ الله الْحَرام
ورَجْــــــــعُ يَلِلاه الگسَّــــــامْ ==الحِجَّاجْ ابْحِسْن التَّمــام
يَسْوَ ، حَتّــــــانَ ذَ لَيَّـــــــامْ ==مَنْزَلنا لَگْرَافْ انتِتـــــامْ
الْمَقْرِبْ فِمْناحِرْ لِخيَــــــــام ==حَجَّيْت اكلامْ امْعَ امْ اَعْلامْ


تحياتي

أبوالفحفاح
06-12-2012, 10:06 AM
الكفية ول بوسيف

يَبْرَكًــْ شَـيَّـرْتْ ألا بِالشَّـــــوْرْ = ذاك امْن التِّشْيارْ ارْخِ بيـــه
خالكًـ يَلبْركًـ ذاك الشـــــــور = وانَ زادْ ألَّ عالِــــــــم بيــــه
شَـيَّـرْتْ و شَـيَّـرْتْ ولا جَيْتْ = يزَّاك امــــن التشيار اعْيَيْت
اعرفنا ذاك الِّي وَسَيْــــــــــتْ = ذاك الي لِ شَـيَّـرْتْ اعْلِيـــهْ
فرظ انواسيه إلا كًــدَّيْــــــــت = وِيلَ ما كًــدَّيْتْ... انواسيه


تحياتي

أبوالفحفاح
06-12-2012, 10:14 AM
ول المبارك ول اليمين

ظحككْ والهاكْ ءُ مدْ ايديك==للِّ يبــــــــغِ ظحكـــــكْ والْهـاكْ
واتواسيك ارَّاصكْ وامجيـكْ==للِّ مــــــــا وساك الا جـــــــاك
اكذيبْ اباش اتجد اعليـــك==رشكيلي يا لدنـــــــي وذنيــــك
حد ابعقلُ يحكر دخليـــــك==وإعود اعلَ لهجــــار امعــــاك
وال ماه ابعقل يبغيــــــــك==واصل احكر بعد ال كان ابغاك


تحياتي

أبوالفحفاح
06-12-2012, 10:28 AM
بشر ولد أحمد ولد حيضار

شركـتـني تـورس يالـقـديـــر==امع حد افـيـلـح وسـغــــــيـر
الـيــوم اخـلـعـنن فــاكـويـــر==سابك والتورس معروفــــة
بالشين أو لُعَـيْر أو لـكًـصَيْر==غــالـبـها تــتــعــد شــوفــــة
وافــطــن خـزيـن بـالشـفـيـر==بالشـور التـورس مَخوفــــة
وعكب ذاك اوف بعـد الخير==والتورس غيـر الما يــــوف
مــنـيــتــن واللي نــتــخــمو==آنا والــــــدلال اوتــــــــــــوف
مــنصــاب فـلـكويــر انــتـمو==أمنصاب التـورس مـــــاتوف

تحياتي

أبوالفحفاح
06-12-2012, 10:33 AM
الكفية ول بوسيف

لَحْكًِتْنِ حِلَّ دَهْـرْ انْجيـهْ== مانِ فيـهْ الْ بَيْكًِـ سَمَّـاعْ
وعِت انْرِفْ اعْليهْ ونِبْقِيـهْ == ونِشْريهِ إيلَ رَيْـتُ ينبـاع
قَـلاَّتْ اعْلِـيَّ حِـلَّ رَدْ== ما كان اعْلِـيَّ يَقْـلَ بَعْـدْ
لِبْتَيْتْ وياسـر مـا يِنْعَـدْ== وانَ سابكًهـا يَشَّـفَّـاعْ
ماكنتْ انشِكْ انُّ اتْلَ حَـدْ== اعْلَ حَدْ إيقَـلِّ شِ كًـاعْ
كًطْ اكًبَلْ مِتْكِنْتْ ومِتْكِنْتْ== وتَمَّيْتْ الاَّ بِكًسَايَ كِنـتْ
انسِقْتْ الْ حِلَّ وانْطِعْتْ== واكًبِلْ عَكًلِ زاد التِّطْـواعْ
وانَ ما كًطْ انسِقْتْ وطعْتْ== وعَكًلِ مَا كًطْ انْسَاقْ وطَاعْ

تحياتي

أبوالفحفاح
06-12-2012, 10:49 AM
سدوم ول انجرت

يَحْرَگْ لحْنُوشَ منْ عَنْدْ سَيْمَّــانْ == ايـــــــــلَ كَيْشْكَـــــــاشَ وْ بُزرَّيْــــــــگْ
و يَحْرَگْ بونَيْنَ وْ يَحرْگْ اجْرَانْ == و يَحرْگء آنْطيشْ وُ يَحرْگْ آوْسيگْ
و يَحْرَگْ خَبْخَاپَ امْ الْكرعَـــــان == و مُخيـــــــطْ لَرْضْ ازَلْفُو ابْلحْريـــگْ
و يَحْرَگْ لعْكگاربْ مَذَ منْ الْمانْ== و العـزَّ و الْمَــــــزَّ و اصْديــــــــــــگْ
بعَْدنْ عَطْبُوهْ النَّـــــــــاسْ ارْژَانْ == فــــــارْخَ مَـــــــــا عَيْرتْ لمْخَاليــــگْ
لُ مضاتْ مَاتْلَيْتْ انْگودْ لَظْعَــان== وُ لاَتْلَيْـــتْ انْگولْ الْ مَخْلُوگْ گيـــگْ
و ازُوغْ ذَ كَامْلْ اعودْ تهْــــــدَانْ== و انْعَادلْ لعْــــــدُ و انْعَادْلْ اصْديــــگْ
و انْتَمْ نحْملْ تَكْ الْبيظَــــــــــــانْ== و الْهُمْ نَگْبلْ يَاسْرْ امْـــــــنْ اطْفيــگْ
و ُبَعْدنْ گَوْمْ الظُّلْمْ و التّمْتَـــانْ== رَاحْتْ امْنْ التَّــــــــكْ و منْ لخْنيــــگْ
و امْنْ القَتْلْ و اگليعْتْ الْحَيْوَانْ== و الْعَكْسْ و اتْمضرْغيدْ و اتْژَعْگيگْ



تحياتي

أبوالفحفاح
06-12-2012, 11:12 AM
كطاع بين المرحوم همام و المرحوم ول سيد ابراهيم

ولدسيد ابراهيم:

اشحالك يالمليك ال مـاد=====عت ايديـك الا للجـواد

شكر انبيه المـاهٌ معتـاد=====بيه الزين ء زين انظـام

اعل كلت كبر ءُ توحـاد=====بالله ءٌ مشعور ء مقـدام

أشحالك يل عمـرك زاد=====اعل قرن ابشهر و اعوام

واشحالك يلى لك معـز===== ياسر من الحسان ءلكرام

واشحالـت ميـن لاتـز===== د الكريم علـي السـلام

همام :

لاباس اعلي يـا النصـوح=====لصحابك فالستـر ممـدوح

فاصل الحك ءمين لفـروح=====جبرتهـم والطلـع باتمـام

الله ايجازيـك ابمـشـروح=====الطلـع بالفضـل ؤ لكـرام

مخلاك ال شاعـر مفتـوح=====للصحـب وفزيـن النظـام

لك ياسر تصبح ل واتـروح=====باعقل درس إفجفت غـلام

مخلاك عكلت اعـل نـوح===== وادريـس عليـه الـسـلام

واحظرت ال ياسر من ميلاد=====الرسـل واحظـرت للهرام

واحظرت لشداد ابـن عـاد=====واحظرت لكليـب ؤ همـام

ولد سيد ابراهيم:

حد احظر هاذ مـن ميـلاد=====الرسـل يخـي ال عــاد

حجر قدرن كـان ارمـاد=====عاد ءجفـت عـن لقـلام

وادريس ؤ نوح الكلت ءعاد=====رسل جـف عنهـم تمـام

حد احظر شداد ابـن عـاد=====عاد ارماد ء جف الا يـام

عـن لـقـلام ءلاتـشـاد=====اخبار حد احظـر لهـرام

عن جفـت الاقـلام ءلا اد=====يـر كـاع النـاس افلفـام

حد احظر كليـب ال كـاد=====عـن لقـلام اتجـف ءلام

حضر ش لقلام الـي زاد=====امـل جفـت عـن همـام

إعي حـد افكبـر يجـداد=====كيفت همـام الجـد العـام

اراعيـه اصغيـر ينـكـاد=====يحجلـب يخـرص كـدام

رجليـه افتاغـرف يمـاد=====يوافـق فالـواس والهـام

ول عكبت لخبـار اورات=====همام امن امـروك لرحـام

اجدد فـات اسبـع مـرات=====وأجدد مرتيـن افـذ العـام

همام:

محمـدن مازيـن اعليه======ذ كامل من لغـن يعزيـه

فاغنـاه أم جهـل توجيـه=====خالط فيه العلـم ء لنظـام

غير ابان اطنب ظن فيـه=====واحراش اعل غلظ التخمام

فيه الفقه أو فيـه ال فيـه=====أكثر فيه العلـم ءلحكـام

افذ كاع اعكب عاد افقيـه=====ايكولـن جفـت لقـلام

عن فغنـاه ايـذرف فيـه=====اعل هاذ الجـد ال عـام

فل كال أذاك اخيـر فيـه=====محمـدن واخبـر لرحـام

ال دايـر بينـات ايـديـه=====كـال ان نحجلـب كـدام

تاغرف ذ الكال اسك بيـه=====و ان كون عام اور عـام

نجـدد ذاك اتـراع فيـه=====النـاس ءو متلثـم بلثـام

مـن صفـان نتبتـل بيـه=====نتنخثـر وانبلـح الكـلام

ونحك فالكـلام المفهـوم=====بالحموم التبسـام احـرام

وانحك ابراهيم بالحمـوم=====وبالحموم انحـك التبسـام



تحياتي

أبوالفحفاح
06-12-2012, 11:42 AM
أعلي ول مانو

يالمختارْ أوعدْتَك انخــرْصْ = = اندُورْ يَكاَني انصييبْ مَخْلُــوگ
مَن ذُُُ لمغَافرَ كَامَْلَ إخََّلَـــصْ = = هَاذَ الشَّكرْ الزَّيْن المَوْثُــوگْ
جَـالبُولَك يل مانَْك أحْــــرَصْ = = مَن حَاتَم وُلاَ منُو الفَــــوْگْ
أُجَوْدَتَك ذًيك أوٌُجْهَـك المنطلَـصْ = = مَا هم لَمنَادَمْ گَطْ رََ شُـــوگْ
أهَاذَ زَاگل ال بيه مَا اتخَــــصْ = = ألاَ گَطْ بتْ افلَيعتُ مَخْنُــوگْ
ذُوك امَايَرْ اللي اعيَ ينتْگَـــصْ = = أثْرَك مَا لَك يَاسَـرْ مَعتُــوگْ
وارْمَاگگ هَاذُ اللي اتْخَلـَّــــصْ = = والبُگرَان ال تَحْلَب و اتْصُــوگْ
واشْوَايْلََك هَاذُ اللَي اطٌَلٌَصْ = = وامَلي اللي لُُ دَهْرْ مَطْلُــوگْ
أتَصْبَحْ فيهُم گَصَّصْ گَصَّــصْ = = إلَيْن اتْرُوحْ مَا اتْگودْ ألاَ اتصُـوگْ
والصٌُبْحْ تَصْبَحْ مَانْك امنَكَـــصْ = = أيَصْبَحْ اعيَالَك عَنُدُو اللي إظُـوگْ
أتَصْبَحْ مَن أهْل اشْتًيم مَتْمَلٌََـَّــصْ = = أتَصْبَحْ الطُمَــاع عَندْك ارْشوگْ
عَارْ عَمٌ الَ أثْرَك سَامَع النَــصْ = = ال جَايْ مَن عَندْ رَبْ لَخْلُـــوگْ
أعطِ انتَ أمُُلاَنَ إخَلََّــــــصْ = = والعَاط يَعطيكْ منُ الفَـــوْگْ
مَاني امعَاك إلَي اصْبَحْتْ مَنكـرَصْ = = مَنفَكع مَشَّايْن امعَاك مَخْلــوگْ
مَانِي فِي ذَاك طَاحْ في لَـــصْ = = ما يَعَگبَك فَرْوُ كُون مَشْگُـوگْ
امعَاك آنَ إلاَ اصْبَحْتْ منطْـلَصْ = = اتْعَايَْرْن واتْعَايَرْ لَخْلُــوگْ
مَتْمَرَّغ امعَ الجُودْ مَتْمَطْـــرَصْ = = مَتْنَزَّهْ عَن العَارْ عَيْنك الفَـــوْگْ
مَا تَكذَبْ شً گَلتُو امَصَّــــصْ = = ازْگ لَفظك امعَ اجْــدُورموتوگ
انتَ اتْگصْ يَغَيْرْ مَا تَنَــــصْ = = الكَاصَّك مَا اتْعُودْ عَينُ الفَـــوْگْ
إدَمرً أعلَ أثْرَك لَيْن يَمتَـــصْ = = اشْحَم عَيْنيهْ أيُورْمُ لَعـــرُوگْ
ألاَ گَطْ أمنَادَم أعليك فَيَّــــصْ = = آزْرً مَن الشًٌكرْ إعُودْ مَصْــرُوگْ
كُون انتَ هُوَ اللي اتْفَيَّــــصْ = = تَصْرگ اعليهْ ولَ تَگلعُ الفَــوْگْ
وانتَ الجَامْ الِّي مَا تَنتْگَـــصْ = = مَنهَلْ تًيدًرْم اللاَّحْگ أطـــوَگ
يَسْوَ فيك الل جَايْ إغَطَّـــصْ = = بُتَاگُبَّ أبْدَلوُ مَشْگُـــــوگْ
أكلهُم يَصْدَرعَنَك مَا تَنتْگَـــصْ = = أتَعكََبْهُم سَيْل آمْرُوخْ مَطْلُــوگْ
يَلِّ مَن عَندْ اذْرَاع بَطْفَـــصْ = = إلَ تَلْ السَّاگيَ أتَــكوگْ
أمَن عَندْ أوْجَفتْ النَبْكَتْ لَفرَصْ = = أمَن عَندْ دَبَّانكُُ المَشْرع لَعُــروگْ
مَا فيهْ أمنَادَم ماهُوَ أحْـــرَصْ = = مَنَك وأكثَرْ كَذْبْ وأكثَرْ شُــوگ
سَعدً ابْذًيك الجَّوٌدَ المَا تَنتْگَــصْ = = أمُلاَهَ امبَعَدْ امن العَجْــــلَ
ألاَ گَطْ رَدٌُ المَدْفَع لمرَصَّــصْ = = إلَ كَان ادَّاوُم لَبْـــــــلَ

أبوالفحفاح
06-12-2012, 11:55 AM
محمد عبد الله ولد محمد آسكر

شيخ اعربْ كيفك مستحيلْ == يـــــــــــــول الباركْ يالعقيـــل
يالشيخْ الشرنيخْ الجزيــــل == شيخ اعرب كيفكْ گاع امنين؟!
ما رين كيفكْ كونْ السيــل == واثرُ كيفك گاع امسيكيـــــــن؟!
من گط اعطاهْ السيلْ الخيلْ == واعطاهْ اتماگ الخيل الزيـنْ
واثر يحملْ ذاك امن امگيلْ == وامباتْ الخطارْ ؤلعجيـــــــن
واثرُ بوه الباركْ لصيــــــــلْ == واثرُ عندُ منت الميــــــــــــنْ
ماه كيفكْ كــــون افسبـــــيل== الهدْ.. امنين اهدْ امتـــــــــين
ما يعرظلُ صنديد ارجيـــــل==ما عگبْ اهربْ لهروبْ الشين
ؤهو تأثيرُ حگ اكبيـــــــــرْ== بعد اسبــــــوعْ ؤعامْ ؤعامين
وانت تاثيركْ يالبنديــــــــــر== املگِّ فالســــــــاعَ والحيــــن


تحياتي

أبوالفحفاح
06-12-2012, 01:37 PM
المختار ولد عابدين ولد هدار:

نشهدْ واشهادِ ما ينگـــــالْ == ش فيه.. اعل جيهتْ تعدالْ
الناس، ؤنعرفْ زاد أحوالْ == الناسْ، ؤســــــدّارْ، ؤمُلسـنْ،
وامجرّبْ لقوالْ ؤلفعــــــالْ،== ؤلانِ زاد اسغيرْ فالســــــــنْ
عن متعدلْ ول المختــــالـْ == للحسن ملايْ الحســــــــــــنْ



تحياتي

أبوالفحفاح
06-12-2012, 02:04 PM
أَرَبَانْ ول اعْمَرْ ول مَحَّمْ
هذا الدهر اتفو بيــــه==مــــــــارت عنو غدار
مارت ما تورَ فيـــــه==حلاوَ مــــــا تِمْـــــرارْ
خظت اعلَ دارْ اليوم==أهـــــــل أيَّ يلقيـــــوم
وشفت أكًومْ التيـدوم==لِمْسَهْـــوِ كان الــــدار
محروكًـْـ وعاد احمومْ==سبحانــــــك يلقهــار
مَعْوَدْ حَرَّاكًـْـ .أكًـــــومْ==مــــــــاهُ فاهم لَخْبارْ

تحياتي

أبوالفحفاح
06-12-2012, 02:21 PM
سيد احمد البكاي ول عوه

نَعْرفْ لَيْلَ عَندْ الْبَيْبَ==عاگِبْ لِمْصَدْ امْـــــن الغَيْبَ
فَوّتنَاهَ ماهِ عَيـــــــبَ==وادُّورْ اتّـــــــــمْ امْعَ لَخْلاگْ
بِالبَاگِ مِن ذِ لِكذَيْبَ ==يَسِبْحَــــــان اللهْ الْخَـــــلاگْ
ذيكْ اللَّيْلَ بَعدْ اَدِيـــبَ==مَخَــــــــلاَّهَ قِرِّتْ لَرْمــــاگْ
فيــــهَ يَلاَّلِ مَقــــــلاهَ==لَيْلَ فاتِتْ يَقَــــــــيْرْ اتفَاگْ
لِقلَ كامِلْ فات امْعَاهَ==ما بَاگِ مِنُّ گِـــــــد احْوَاگْ

تحياتي

أبوالفحفاح
06-12-2012, 03:07 PM
ول المبارك ول اليمين


سبحانك يالحي المجــــــيد==يذ من مال اصحاح انجـــــاح
و يَذَ من حدْ اعليه ابعيــد==يلتـــــــــاح فمرجع فيه التاح
كدية زوكَْ وزوكَْ ولمكَــادْ==والكَُور ولسهــــــال ولمحاد
مافيهـــــم حدْ اتلاو و واد==الجنة من لسراح ارتــــــــاح
والِّ كان فرحبتْ لجــــواد==عامر من لسراحْ و لبطـــاح
عاد اتبطُّ لرياحْ و عـــادْ==بُ لرياح اتبـــــــــــطُّ لريــــاحْ
ولِّ خالكَْ من حادث حي==شافْ اطرَ ياســـر ماهْ اشوي
غدرت نزالت خشم العيْ==خشــــــم العي و واد المـــلاح
واغدرْ زاد الِّ عند أوديْ==الكَـــــــزاح أوديْ الكَـــــــــزاح


تحياتي

أبوالفحفاح
06-12-2012, 03:15 PM
الكفية ول بوسيف

مَحَد الدِّنْيَ مايْــــــــــلَ== شَوْرَكْ و اعْليهَ مايِـــــلْ
أعلم بعد انهَ زايْـــــــلَ== وانـــــــتَ وَايَّاهَ زايـــــــلْ
مَذَ مِنْ حَد اشْتَاكًـْــــهَ==واجمعْهـــــــا بعدْ افْرَاكًـْـهَ
مِلكْ اذهبْهَ وانـياكًـْــهَ==تِيمِرْكَاتِـــنْ واشْوايِـــــــــلْ
خَلْطْ الدِّكًـْ امْعَ احْكًـاكًـْـه==و ارْفِـــدْ فيهَ لِكًـْـوايــلْ
وامْشَ عنهَ ماظاكًـــــْـه==غيْـــــرْ آنَ ذَلِّ كًايِـــــلْ
فَاتُ مِلْكُوهَ لَوْلِيـــــــــنْ== الِّي مِلْكُــوهَ مُلكْ زَيْنْ
وعَكًبت فَيْدْ التالْييــــنْ== هَاذوكْ ارْحايلْ وانزايل
قَيْرْ ألَّ يِمْشُ كامليــنْ== عنهَ مَشْيـــــتْ لَوايـــلْ


تحياتي

أبوالفحفاح
06-12-2012, 03:20 PM
جمال ول الحسن


عَـنْــدي كَهلتْ وَتاتْ == خَاترهَ عنْ لَخرَاتْ
لمتـَــنَــاتْ الزّيــنَـاتْ == وَتاتْ اهلْ التشهَارْ
ؤ هي مــا مـنْهَ تــاتْ == يكـون اطرِيحْ العارْ
ؤ لُكـوفْ افـكَـرجـاتْ == ؤمصْ ؤجُوهْ التجَارْ
وامهينَ كان امشــات == ألا تحبي تجـــــــار
وُاتغـدّجْ ﮔاعْ اعْياتْ == وإِعَــيْثرْـهَ لغـيارْ
ؤ ماه ابّاسْ ابْلا ذاتْ ==وامْضَـيّعْهَ لحْمارْ
غَـيْر الَّ كَطـتْ رَاتْ == لَـيْـلَ بَــيْـظَ وانْهـارْ


تحياتي

سيدن
06-12-2012, 04:04 PM
نعرف عنِّ شفت أذَ سارْ =اديار الرِّئاسَ لكبارْ
والصندوق أُبرج المطارْ= ادار اسنيم ادار النسيجْ
اشفت اتزكنينت دار اسمارْ= اجيت الْسفارات الخليجْ
اتفرغ زينَ واديار اتبار= كللَّ زاد الوزير اُجِيجْ
اشفت اظواو اديار التجّار= تعمِ بيهَ متن اتواهيجْ
وافَّركُ والفتح والانصار= والمعرض فايام الترويجْ
شفتٌ غير الاَهِ تطوار= الاَ نبغِ يطفكًنِ لهجيجْ
ما شفت أزين عندِ من دار= خلفتْ بين انواصِ خديجْ



عبد اله السالم ولد المعلى

ول اعبيد
06-13-2012, 02:44 PM
مشكور اخى لاديب ابو الفحفاج اعلى ذى الخزانة الممتعة حقيقة ولاغروا
فبمثلكم يزدانو وطننا الغالى بهاذه التحف النفيسة الممتعة والشكر موصول للادباء
على اضافاتهم الجميلة


وانا من كثرة لغن الزين مااعرفت اش لاهى انضيف ,,,, يغير هاذو بعد طلعتيين
وحدا للاديب الكبير اسماعيل ولد محمد يحظيه ,,والثانية للاديب الكبير ابراهيم ول اكليب

اسماعيل

تركى لميمه من لغياد*** اعلى كساه الجواد
وامكسي زاد اعلي عاد*** نتخمم بللى خاطيها
معن ذاك انى مانى كاد*** معن ذاك انى نبغيها
محد الدنيا فالتبناد*** والوجد انتم امحاذيها
والدار الكداميا زاد*** امنين اتجيها وانجيها

اللآ كاع امعاها ملتم*** فالجنه ذيك افصل فيها
وللل عدنا فالنار اتم*** اعياطى مطروح اعليها

اجيرنا وجيركم من النار



ابراهيم

مانى تاهم عن كط حد *** اعلى كد امندور صد
ألا عن فيه اللى يوتعد*** ألا عن فيه الكيطانا
كست أمندور أفم قرد*** دونو فيه أفرنانا

وحل وتى وامنين طيت*** شى فم اعطا مولانا
خاظت وتى وامنين جيت*** ل مندور ,,,,,,,

اوحلت انا

ول اعبيد
06-14-2012, 06:42 PM
ابراهيم ولد اكليب

كطعت منت اعليا**** من جدر السديريا
عود,,اعلى عينيا*** أ من ذاك التو ازكر
بالى ماتا فيا **** من لغبا كد اشبر


أ لاتا بيا مطموع**** وللآ عت اعلى زر
عن لغيود أ مكطوع***** كيف العود


امن أجدر


اسماعيل ولد محمد يحظيه

يامس يغلا غيد التشهار*** اتفشولت انتوما حظار
خظت امن احذاكم لصفرار*** شفتك شوفا بادت بيا
واثرى بيا كثرت لخبار*** اغمزتك غمزيا حيا
وافطنلى صيدك فات اشكار*** وجهى واحمارو عينيا
واهنيت اعلى ذاك التطوار*** واتهم عنها حاله فيا

عت اللآ كد امنين افيم**** انشوفك خوف المشليا
انرمش عينيا وانتم**** غمزيا تعكب غمزيا

ول اعبيد
06-14-2012, 07:02 PM
ابراهيم ولد اكليب

عند اميمينا شبكة فم*** من لعصب مطروحا فالفم
ماهوفم اللا باطل يم*** إهيب لغنم والتركا
واميمينا زاد اللا فم*** أفم الظرافه والحبكا

ول ماشى وال جاي ابديه*** من شبان أ ش بوتركا
ل شاف أميمينا نكريه**** بعد الى ماجا فالشبكا


اسماعيل ولد محمد يحظيه

طب الليعات اسعات*** فل جلجنى مرات
مرا تاكت وامشات*** أمرا يالعكل الصا
ظحكت من كيفن جات*** اتبارات اللصا
يعككنا لمربات**** يشننا لمفصا
واطم المطمات***كاع الصا واعوصا

هيا منتك فالسن *** كادنها وامرصا
واللى طلصتو سن*** اشبهلو يطلصا

الشريف الحموي
06-14-2012, 09:53 PM
اكول واحد فايت

يلالي يحد مانك = لاه يجبر حد مانك
والواس من شي احسانك = كيف الكاتل بوك
يخلي خيمت بوك كانك =لفكايع كتلوك

أبوالفحفاح
06-14-2012, 10:56 PM
شكرا لكم على تشريفي السادة المبدعين لا شلت أيمانكم

ول الشيخ الطالب خيار
06-14-2012, 11:58 PM
ول تارمب

گَيَّمْتْ أغلَ لَغْيادْ ==البــــــــــــارح يَالْجَـــــوَّادْ
فِبْلَدْ ماهُ مُعتــــادْ ==يَخْلَعْ بيــــــــــهْ اتلاحِيگْ
فيهْ الناسْ الرِّگَّادْ ==مِسْتَحْرَفْ خَوْفْ الظِّيگْ
والَّ مَسُّو تِگْلابْ ==عَني وارْفَعْــــــتْ ارْگِيگْ
وبتْ انْعاوِ لَكْلابْ ==وبــــــــــــتْ انْعَاوِ لِعْتِيگْ

تحياتي



عالم مولان ي ول تارمب ذ ال امغنى ول مزيون مارت غناه ذى الطلعه وذيك السابكته
ومارت خبرتو فزوان ان (لكلاب)ذو ال بات اعاوى ولكلاب املى شور (فلعتيگْ).لما عرفت انا الا ول تارمب هاذ منه ؟ وغناه امنين يجبر’؟
استاذن ابو الفحفاح ابدعت لك الف تحية

أبوالفحفاح
06-15-2012, 11:30 AM
شكرا لك أستاذي ول الشيخ الطالب اخيارعلى المرور المشرف
و سأسعى لأن آتيك بما أوتيت منه بإذن الله تعالى


ول تارمب

هَاذ لحْسَيْ الوَاكَــــــــف حي ْ==گَبلت مجحودَ فيه الطٌيْ
يَامَس وَگفت اَعليه اشــويْ ==خَرٌصت اَفطَيٌُ وَافْيَـــــــمٌُ
ألاٌ يَحجَللٌى فَيـــه اَحْسَـــــيْ ==كَطيٌتْ اوٌُكَفت اعْل فـــــمٌُ


تحياتي

أبوالفحفاح
06-15-2012, 12:05 PM
مختاري ول سيدي عالي

سبحانــــــــك يمالك لكـــوان ==واكتن ذا الدهر اليوم ايبــــان
ماه كيفت ذا الدهــر ال كان ==وامبعــــــد منُّ وأصْلْ ابعيـــد
خظت اليوم إعل انگنتــــــان ==واعطانِ درس امن التوحيد
نعرف نوب صدرُ نگعـــــــان ==والرتــــــــعَ والحرث ءُلعبيد
جيتْ الحگتُ صدرُ عــــــدان ==يگـــــــدوهم لعبيد ابلقيــــــد
ءُ بل الرتعَ عاد إدرگـــــــان ==وابلد لحريث عاد امســــــيد
وافرگان ورگ الحيـــــــــوان ==والناس إلّ منـــــــه مفيـــــد
والتـــلاوة وابلـــــــد لــــــذان ==والتدريــــس افبل التجديـــــد
واگرايت لحزاب ءُ لثمــــــان ==ماتمرگ وذنك بالتجويـــــــد
والتخفيف إج زاد أحيــــــــان ==والتشديــــــــد افبل التشديـــد
واحكام النحو اتجيك إگــــران ==نعت ءُ حال ءُ ظرف ءُ توكيد
هاذ عــــــــــاد افبلُّ مرحــــان ==مافيهـــــــــم ثَمّتْ لثــر اجديد
التيـــــــــــارت وأم أواجــــــــيل ==والعجلة واگني ءُ لمگيــــــل
ءُ نيت اقريجة واسويف الخيل ==هاذُ هـــــــومَ بل التوحـــــيد
للّ يعرفهم كـــــــان اگبيـــــــــل ==خـــــير إحوشيهم عاد ابعيد
أمّ دار إعليــــــــن لفطــــــــــــار ==لثــــــنين ءُهي دار العيــــد
مان ساميـــــه ذيــــــك الــــــدار ==خوف إِيج فيَّ گاع احديــد

تحياتي

ول الشيخ الطالب خيار
06-15-2012, 12:08 PM
شكرا لك أستاذي ول اعبيد على المرور المشرف
و سأسعى لأن آتيك بما أوتيت منه بإذن الله تعالى


ول تارمب

هَاذ لحْسَيْ الوَاكَــــــــف حي ْ==گَبلت مجحودَ فيه الطٌيْ
يَامَس وَگفت اَعليه اشــويْ ==خَرٌصت اَفطَيٌُ وَافْيَـــــــمٌُ
ألاٌ يَحجَللٌى فَيـــه اَحْسَـــــيْ ==كَطيٌتْ اوٌُكَفت اعْل فـــــمٌُ


تحياتي



هاذ بعد تعود عدلتى غاية اكبيره هاذ اراجل غناه ماهُ معقول بيه الزين
يغير عندى سوال ابو الفحفاح ءان يخوي عاد داخلنى الشك
هو ذ السول عن غن ول تارمب ءان ولل ول عبيد هههههههههههه

أبوالفحفاح
06-15-2012, 12:23 PM
هاذ بعد تعود عدلتى غاية اكبيره هاذ اراجل غناه ماهُ معقول بيه الزين
يغير عندى سوال ابو الفحفاح ءان يخوي عاد داخلنى الشك
هو ذ السول عن غن ول تارمب ءان ولل ول عبيد هههههههههههه

هههههههههههههههههههههههههههههههههههه

ول الطالب اخيار ذيك الرواية اللا استرني بيه

آن كلت عني لاهي نجيب ذاك لول اعبيد الي ما دارو عندي اياك تعرف انت بعد عني بلا جميل في انجيبولك
اللا تبقيه و زين عندك وان نبقي نعدلك شي تبقيه و تستاهل اعلي .

(الصيد الفايت احكم العتروس لاهي يحلبو كالولو آه ذ الي تحلب عتروس كاللهم أهيه اندور لمعيز يعرفو عني جايهم )

ول اعبيد
06-15-2012, 12:27 PM
هههههههههههههههههههههههههههههههههههه

ول الطالب اخيار ذيك الرواية اللا استرني بيه

آن كلت عني لاهي نجيب ذاك لول اعبيد الي ما دارو عندي اياك تعرف انت بعد عني بلا جميل في انجيبولك
اللا تبقيه و زين عندك وان نبقي نعدلك شي تبقيه و تستاهل اعلي .

(الصيد الفايت احكم العتروس لاهي يحلبو كالولو آه ذ الي تحلب عتروس كاللهم أهيه اندور لمعيز يعرفو عني جايهم )


هههههههههههههههههههههههههههههههههههههههههههههههههههههههههه

أبوالفحفاح
06-15-2012, 12:28 PM
لوليد ول دندني

تجلاج البقي ال مصــــــــروك==ماينشاف ولا ينعــــــــــت
ماه لاه ينكال الفـــــــــــــــوك==ولاه لاهي ينكــــال اتحت
الفوك ال كلت ينكـــــــــــــــال==ان كلــــــــت ال ما ينكال
ماكلت من خوف الترطـــــال== والصك والفتن واسكت
وعسيت اعليه التحت اكبــال==واجحدت واكتمت واخترت

تجلاج البقي

أبوالفحفاح
06-15-2012, 12:38 PM
سيدي ول الطلبة

سيد محمد ذ ليبر==فاتاي الربطـــــــة والكرطون
الفقر يعطيهم ليبــر==واهل الثرو يعطيهم طــــــون
واتاي الدول محتكر==مـــــن عاد امعدل بكـــــــــرو
والبوتيك افعدل بكرو==عامر من فرع النعمة هون
والمنعج كدام حصــر==بعر عــاد ايشرجي كميـــون
واخمسة اعشر ناك شهر==لول سرحــــــه فاكمون
وانياك افبطــــــح ينتحــــر==ذوك اشراهم من هون ودون
وكل انهار امصرجي وتر==نافد تاجر ماه مظنــون
واخلاص مانعرف قدر==يغيــــــر استهلاك مليـــون


تحياتي

أبوالفحفاح
06-15-2012, 12:47 PM
اعلي ول محمد محمود

نبغِ نرْجعْ منْ الغيــــــبَ == شور البدعْ وبوطويبَ
والشمسيَ وآبنيـــــــــــبَ == تـــــــــــل إنكَنتــــــــــانْ
وافرنـــــانْ وبوعليــــــبَ ==وإبيــــــــــاظ أفرنـــــــانْ
هاذِي لرض إتزيد هيْـبَ == وآن يالسبحـــــــــــــانْ

نعرف عن خيــــــــــر فيَ == نوعــــــــــد ذ لـــــوان
تمبـــــــــــدغ وإفركنــــــي ==فامناحـــــــــــر لبتــــان


تحياتي

أبوالفحفاح
06-15-2012, 01:17 PM
سيديا ول هدار

كلتي عنك كهل عدتـــــي ==واعلنك باط استكهلتــــي
غير اكبيل منين انشلتي ==اتلاف عرش امن الزرب
طرفك... والعنز ال كلتي ==عنها ماهي جرب جرب


تحياتي

أبوالفحفاح
06-16-2012, 01:23 PM
الحسن ول ملاي اعل

يالالي ممتنــــــي ==و يالال معتــــــــني
امسمن حك اني ==هح اصل مخ البــو
بيان مسمـــــني ==يالطلابه طلــــــــب
عند بيت اشمعة==واعظيــــــم انلبلبـو
اعندي معاد امع==عيشـــة منت البو

تحياتي

أبوالفحفاح
06-16-2012, 01:31 PM
أَرَبَانْ ول اعْمَرْ ول مَحَّمْ
عارفْ يَلْبــــال ان التَّجــــــــــــالْ==الْ فاجمــــــــلانِيَّ مـــــــزالْ
فَمْ ، وعارف عنــــها يلبــــــــال==مَسْيَلْـــــها بَيْناتُ واخِـــــظْ
ولِكًـْـلَيْبْ الي شَرْكـًــْ ابذي الحال==فَــــــــمْ ، وفَمْ ابلد لِمَّاخِظ ،
واكًـْـلَيْــبْ التَّمَــــــايَ مَحَـــــــــادْ==يَلْ يَعْمَلْــــــني ما نُواخِــظْ ،
عــــن بَــــلُّ ، والتيـــــــدومَ زادْ==الْمَاخِــــظْ مَزالتْ ماخِـــظْ


تحياتي

أبوالفحفاح
06-16-2012, 01:36 PM
الشيخ ول مَكـِّـيـّة:

يالعكٌل اللي لك بالطـْوَع==فايام الغفلة مندفـــــــــع
فالحوظ امابي تنكٌـــــرع==فهـْناك وفاطـَّوْطيحــــــك
راجع فأخبارو وانخلـــع==وارجى من ذاك ايريحك
مولانا وانـْدم وانكٌــــرع==تم وتم بتصريــــــــــحــك
بالذكر وْ باية تـنـْــتـْلى==تم وتم بتســـبيـــــــــــحك
دايـــم تسبيحك لاتــــلى==يمركٌ فمك تسبيـــــــــحك


تحياتي

أبوالفحفاح
06-16-2012, 01:45 PM
محمد فال _اميي_

محمـــــد بــاب عــاد==مستــــزرك يالجــــواد
وازرك مـن ذ شماد==وازرك مـــــن ذاك ان
وازرك محمــــد زاد==ول ابــــو مديـــــــــان
الا كن زرك الخيـر==كبلك يــــــل نختيــــــر
زركتين يغـــــــــيـر==ط للشـــــــور امعــــان
واس بشور اخـيـر==اتكليـــــــلك مـــــــــــان


تحياتي

أبوالفحفاح
06-16-2012, 02:17 PM
أَرَبَانْ ول اعْمَرْ ول مَحَّمْ
راصِ ذَلِّي حامــلْ من عـــــــــود==عالِـمْ بعــــد الحــــي المعبـــــــــود
انُّــــــو صاعب واثقيلْ وكَـــــــــوْدْ==حملي بيـــــه وكًاسِ واقْرِيــــــشْ
انـــــــي ما نِكًـْـدِرْ كنـــتْ انعــــود==سابكًـْـ. ذَ نرفد عُودْ احشيـــــــش
قَيْـــــــرْ اثقل مـــــــن ذَ يلمعبـــود==الصَّيْفْ اعْكًـَــــبْ ، واظْلامْ أنِيشْ
واخظارو لِكًـْـرَايِـــــرْ فــِـ(امْبُودْ)==وانْزَاحِــــتْ فِرْكًـانْ ايدَوْعِيـــــشْ
وكًـَـلِّـــتْ زاد ارْجِلْ حد ايعــــــود==كانْ ايْجيــــــبْ اخْبَارْ (ابَّعَيْــــشْ)



تحياتي

أبوالفحفاح
06-16-2012, 02:26 PM
التاه ولد حمين

لعزيــــــب ال من فاغرام ==مذكور استكبل ذ ليـــــام
نافد من عند ابجام أشام ==للكـــــــبل واندور انكـــت
ألان فاهـــــــم يالكســـــام==اجبــــار كـــــاع اتل نبــت
يكان فمًََّــــــــاكرمن عام==لـــــــــول ينزل فيهم شفت
ول كـــــان ول لبجــــام==ذاك آن مـــــا فـــت افهمت
غير أل ثبت بعد انــــت==عـــــن ذ لعزيب الذ نبــــت
شـــت عند احسي ابنت==بـــل امنين اعيــــاو إشـــت
ول عند النخل شــــــت==ول عنـــــــــــد النخل شــتّ


تحياتي

أبوالفحفاح
06-16-2012, 02:41 PM
ابراهيم ول اكليب

عند أميمين شبك كـــــم ==من لعصب مطروح فا الفــم
ماه فم ألا با طل يـــــم ==إهيـــــــب لغنـــــــــــم والتترك
وأميمين زاد ألا فــــــم ==فــــــم الظرافـــــــه والحـــــبك
والماش والجاى أبديه==مـــــــن شيــــب وشبان وترك
لشاف أميمين نكريــه==بعـــــــد ال مـــــاج فا الشبـــك



تحياتي

أبوالفحفاح
06-16-2012, 02:59 PM
التاه ول حمين



بين العينين امنادم عـــــــاد==يبغين نعطيه الــــوداد
بي عزت مـــــــن ننـــــــزاد==فالصحـــــــب وانتم لام
وال واس من ش يــل زاد==نتعـــــام عــــــن نتعــام
وامنين ال يرجـــــــــع عن==ناقض عهد ابلا ترجام
ذ مــــــــاه لاه يشطــــــــن==ما شاطن ماه شــــــام


تحياتي

أبوالفحفاح
06-16-2012, 03:06 PM
ول عبد الجليل


منادم ما شاف التنشـــــاف ==اعل منت البـــار اعل نـــار
اتنشف خلتها ماشـــــــــــاف==التنشاف اعل منـــــت البار

و يقول كذلك
حد اكصرلِ ذالدهر اقطــــارْ == الدمـــــع ْاعل دار امبطارْ
حكْ انْ ذاكْ اعلَ مثلِ عـارْ == واسَو يكصرْ حدْ اتواسيـه
غيرْ اكطارْ الدمع اعـل دارْ == امبطـــــار ابلا غرظِ فيـه
فالحك ان متفقـــــــــــد ش == فم اعييت انراه ابديــــــــه
ويتم اادمع الا يمـــــــــــش == ماه كاع آن لمشيــــــــــه


تحياتي

أبوالفحفاح
06-16-2012, 03:12 PM
أَرَبَانْ ول اعْمَرْ ول مَحَّمْ
جابر بِيَّ ذَ الـــرَّدْ==من مَنزلْ ذي الْ نَقْصَدْ
للعركًـوبْ آنَ بعد==امْـــــنْ احْزِيـمْ الْعَرْكًوبْ
الي ما يَجْبَرْ حد==امْــــــنْ احْزِيـمْ الْعَرْكًوبْ


تحياتي

أبوالفحفاح
06-16-2012, 03:19 PM
سيديا ول هدار


يـحدْ التقدـــــيرْ إلَ جـــاكْ ==ابش ما كان امعاكْ ايّاك
تتاركْ من ش كان امعاكْ==ما فيه التقدير، أُ تختيــــرْ
اتر ذاك الـــــثان وايْــراك==أُ تختير إعود افذاك الخيــر
اگد اعود الخيــــر افذاك==گــــــــاع الّ مـــــقدر يغيــــر
محدن گاع اقدر حـــــدْ==تقديـر ؤ باحـــــرْ فاش اديــر
ما لا تقديرَ فيهِ بعـــــد==أولى ممّــــا فيـــــهِ تقديـــــــر


تحياتي

أبوالفحفاح
06-16-2012, 03:31 PM
الدريعة ول سيدي ول الشيخ


عند العيــــــن إلا أنزلن==يأحبــــاب واسونـــــــن
لاه نمشُ ما أعجلـــــن==مشيـــت حــد اهجيـــن
فأخـــــلاگ مــــــزال رنّ==لكْــــسَ تحـــت الليـن
والَّ لا تبعاد مـــــــــــــن==منـــــــت الشيــخ إلين
تعرف منت الشيخ عـن==ننتلــــــــبُ بالديــــــن



تحياتي

أبوالفحفاح
06-16-2012, 03:42 PM
ابراهيم ول اكليب


منت الزينْ ولغيــــادْ==ماهم يخي أكداد
تكتبلك مــــــــان رادْ==بقلم كيف الــدكٌ
كيف الدك تحــــــدادْ==ءكيف الــدكٌ رك
ءحد ءُهاذ وجـــيهْ==من ش فات أنــكٌ
ظحكتْلُ تكتب بيــهْ==تكبظ فيــــه الــدكٌ


تحياتي

أبوالفحفاح
06-16-2012, 03:53 PM
الدريعة ول سيدي ول الشيخ


ملگَ منتْ أهلْ الشَّيخْ إلباگْ ==والتاحْ اعْلَ زِرْ إلَ فــــــرْ
غَيْرْ الْلاَهِ تَجْبَرْ لَخْــــــــــلاَگْ==مِـــــنُّ گِـــــدْ انتفاه إگِـــــرْ
كل انهار إظل الرٌيـــــــــــاظ==بيــــــــن وأيـــاه وأللفٌــــاظ
والليْل ابعيد من التغـــــراظ==ألا يگعـــــد حــــــد أعل زر
والوعي ألا حد توگــــــــاظ==تـــــــوع واتم العيـــن اتــزر
توع وعْيْ امنادم مغتــــاظ==واعليــــه مـــن لفگايـــع ذر
ولِّ تلفظ لك من للفـــــاظ==متباعــــد واگليــــــل واســــر
ولاهُ لاهِ يـــــورَ لُخــــــــاظ==حسْ البلْ فالمرحـــان اتْجــرْ


تحياتي

انبر
06-16-2012, 04:32 PM
اسك مزين ذ الخزانه يبوي مشكور الين حت

أبوالفحفاح
06-16-2012, 04:32 PM
ول عبد الجليل




يعكَْــلِ دهــــــــرْ إنْدَوْكَــلِّ==فـــــاتْ أخَنِّ فاتْ إتَّــــــــلِ
لحكَكْ بالتخمامْ إتْــــــولِّ==فالْيالِ فاتُ مـــا نفعـــوكْ
لحكَكْ زادْ إتُّوبْ إمَّــــــلِّ==لريــــامْ إلّ تبْــغِ تركـــوكْ
وانتَ زادْ أتْركْ ذوكْ إلَّ==ماتبْغيهمْ فاجْريمـــتْ ذوكْ


تحياتي

أبوالفحفاح
06-16-2012, 04:33 PM
اسك مزين ذ الخزانه يبوي مشكور الين حت


شرفني مرورك العطر

فشكرا لتلك المناسبة أستاذي انبر
لا عدمتك

أبوالفحفاح
06-16-2012, 04:36 PM
ادخيل ول سيدي بابا:

هذا الدهر اهلو منخلعيـــــــــن==وهو دَهر امْعدّل مسكين
ما كٌــلـّــل فاهل الدين الدين ==والمال الياســر ما كٌــلــّو
ولا بـَيّح شي ما هو حـَسِيـن==ولا حَرّك ساكن من بـَلــّو
غير الا باطل يا الـــــــرؤوف==اهل المعروف الا كٌــَلـــــّو
وكٌــَل المعروف ولا معروف==اشْلاهي يـِنــــــدار افبـَلــــّو


تحياتي

أبوالفحفاح
06-16-2012, 04:39 PM
سيديا ول هدار


يَلاَّلِ مَبْعَدْ بَعْدْ الْخَيـــــــرْ==وَانَ مَا ذَاكْ الِّ نخْتَيـــــرْ
الْفُجْ أُ لحْدَيْـبْ أُ لكْوَيـــرْ==والدَّوَاسْ أُ فَصْكْ أُ لمْدنْ
منْ بَرْيَلْ والزّيرَ وانْتـَيرْ==وانْپيُوهْ أُ بِيــرَتْ وابْــدنْ


تحياتي

أبوالفحفاح
06-16-2012, 04:43 PM
أَرَبَانْ ول اعْمَرْ ول مَحَّمْ
امعني تاركْ ذو لَنـــــــــــواعْ==وامعني ماني كًِـــــــــــــدْ أراعْ
ذا الْمنجاعْ وتاركْ منطــــاعْ==مِتْمَالِصْ والْحَكًـْـنِ لِمْــــلاصْ
وامْعَني عالِمْ بِلِّي ضــــــــاعْ==من عمري والْحَكًـْـني نِحْراصْ
وامعَني مظنوكْ ومرتــــــاعْ==شفتْ اكًـْـبَيْلْ أمنادم واخــلاصْ
اينَشَّفْ راصُ يَالشَّفَّــــــــاعْ==كاشِحْ عنو من عنـــــدْ الراصْ
اكًـطَعْ كًـَـلْبي قيرْ أصلُ كًـاعْ==كًاطعْ كًـَـلْبي من عنــد الراصْ


تحياتي

أبوالفحفاح
06-16-2012, 04:56 PM
أحمد سالم ول ملاي اعلي

كاره لفريع إبلا انـــزاع==ولواد الخير أدمدم كــاع
فات إن كارهم واكــراع==النخل مانسميه إتليـــــت
أكره ﻟكجريت أعود كاع==مايدخل بال كد الطــيت
ذ لماضع لياسر ضـــاع==بال بالكره الهم وهنيـت
ومنين النزلتهم فبڨيــــر==بالتبادل فيهم ﭽليـــــــت
إغل لفريع أواد الخيـــر==دمدم والنخل واكجريت


تحياتي

أبوالفحفاح
06-16-2012, 04:58 PM
ابراهيم ولد اكليب
والتِ من لمـات==أللٌ ما كط أسهات
عن عزتن ســوات==لمنات أمع لولاد
رب ذاك الوســـات==لا عاد أله تفكاد
ولاوسات أفذ الكـد==من شِ ماه سداد
جاحف بيان بعـــد==كون أرظاعت ولاد

تحياتي

أبوالفحفاح
06-16-2012, 08:11 PM
امحمد ول هدار

لمرابط مذكور امشهــــــر==تصحيح استشريف اهل اعمر
ول اكدبيج وابذ قــــــــــــر==للي منهــــم دركــــو سالــــم
لمرابط ما عاكب عمــــر==قدو كيفـــــــو وابــــــذ عالـــم
مجموع اولاد آدم وبحـر==يعـــــرف ســـر الحرف أعالم
وآن كاع ال مانعـــــرف==ش ومــــن العدالــــــة سالـــم
ثابت عندي, بي شرف==تبسيمـــــت منت احمـــد سالم


تحياتي

أبوالفحفاح
06-16-2012, 08:16 PM
أحمد سالم ولد مولاي إعلي

فنواذيبو فالمحاكـــــــم ==جابر ياسر من ش حاكم
للاه أعظم مان حاكـم ==فيه ألان مدير أخبــــــــــار
أ لان بحار ألاحاكــــم ==بيدي حد إمن التجـــــــــار
ومع هاذ جابر كــرظ ==من لحتقار أل لعتـــــــبار
إبلا حارس وبلافـــظ ==وبلا سيارة وابـــــــلا دار
وبلارشوة وبلا كرظ ==وابلا كارب وبلا طيـــــار


تحياتي

أبوالفحفاح
06-16-2012, 08:20 PM
ول عبد الجليل



لحك للي واسَ فالشـــــرْ==اللاحكْ لخلاك ؤلاظـــــــرْ
مسلمْ عني نبغ نجبــــــر==مركـــــوب إمرَّكْنِ للــدار
أجْملْ معلوم إعود أظكر==نبغيه ؤخالك من لخبــار
إلْلِي مذكور الحكَْمْ شرك==كيفتْ تخلية منت البــار
راع ذيك إلاعادت حـــك==كافيني من مركوب احمارْ


تحياتي

أبوالفحفاح
06-16-2012, 08:54 PM
ازكلت احمدت العربـــــــــي==ذ العام اتموديــــــري بي
كلت للمسؤول ايــــــــــــدي==اوكلت للمسؤول اتـــــوال
واغتاظ المديـــــــــــر اعلي==واغتـــاظ الـــــوالي يالال
واغتاظ الحاكم نعريـــــــــه==واغتاظت لجنـــــت لهال
غيران محــــد النختـــــــير==تظحكل ما يشطــــن بال
غيــظ الأهالي والمديــــــر==اولاغيظ الحاكم والـــوال



تحياتي

أبوالفحفاح
06-16-2012, 09:12 PM
عثمان ولد أحمد ولد عثمان
شفت الِّ ما نلحــــــظ ==مــــن دون ُ رمش عـــظْ
اسليــــك ابيظ واكـــرظ==راص الســـــــــلك ابسنيـه
ارويص السلك اكبـــظ==و ابرمــــل بين ايديـــــــــه
وامركت احبال الغرظ==مـــــــــن سيمت ذاك اعليه
وابليس فم اكــــــــرظ==فيــــــــه أٌُُحاكتـــــــــل فيــــه
يخزيه اسليك ابيــــظ==مشــــــــــــد اذنـــــــوب بيه



تحياتي

أبوالفحفاح
06-17-2012, 06:52 AM
محمد باب ولد ابراهيم اخليل رحمه الله توفي سنة 1956

ڭــوليـــل راجــــــل جــاك==شــيـــدور هـــــــو ذاك
انــــــتي مــانـــك هــــــاك==امـــــــره ڭــــــم اسمين
وأوعـــر من ش ملڭــاك==واشــــوين وادخـــيــــن
وارويصـــــك مشكــــــرد==حــــــــدو لك لــــوذيـن
وافيمـــــك كــــــــــل ابلد==مـــــن فيـــه اســــنــين


تحياتي

أبوالفحفاح
06-17-2012, 07:46 AM
و له كذلك


كوليل حـــد اجــــــيــــــك==يالعراد اشل بيـــــــــــك
انت ما جابـــر فيــــــك==ش حـــــــد اسـو منـــه
واظحيكك كيف اظحيك==ش ما نعــــرف شنــــه


تحياتي

أبوالفحفاح
06-17-2012, 07:59 AM
أمحمد ولد أحمديوره رحمه الله

يَوْڭِ هَاذَ شِمَنْ أَلِّ كَانْ == إِزِيدْ الرَّفَ مَــــــــنْ لَوْطَـــانْ
هَاذَ يَرْكَبْ دَارْ العزْبَانْ == النَّوْبَ ذِيـــــــــــكْ الْمَعْلُــــومَ
وَانْخَلْ لَكْرَيَّعْ عَادْ إِبَان== وَأَنْچَّبَّـــــــــــــــــايَ وَ التَّيْدُومَ
أُهَاذَ طَمْبَاصْ أَفْمَڭْفَاهَ == دَارْ أَمْنْ الرَّفَ مَسْـقُــــــــومَ
أُذُ لَخْشُــــــــومَ لاَ إِلَهَ == إِلاَ اللَّه أَلَّ لَخْشُــــــــــــــــــومَ


تحياتي

أبوالفحفاح
06-17-2012, 09:59 AM
لوليد ول دندني


نبقـــيك و لا يشتـــــــد==عند ماه خبـــــرك
وأهلك ما يبـــقُ حــد==يبقيك أتفُ باهلـك
وءان مـــلان فـــــات==بقـان لك وامشات
و لا نزدف لخلكـات==يلعـــــراد ابتركـــك
و لا نبق لعليـــــات==كون مــن أُر بقيك


تحياتي

أبوالفحفاح
06-17-2012, 10:10 AM
معلمي محمد عبد الله ول محمد آسكر


اصل انصاب الحد ايل هـــــد==وارفد مستكبل ما شيــد
ولل كاع ايطيـــــر ايلاكـــــد==كان ابلاجنحه وابلاريش
بيـــــه ال لعـــــــاد امشـــود==كبله فيه اللبكرلحشيـش
واربيع الوركه كـاع اشــــد==اللغنــم والخيل العكريش
وايل عــــــاد ايلــود لبلـــد==فيه ايدور يلبس وايعيش
الخنــــط الاشد اعل شــــد==يشريه ايل جاب اطرانيش
اومعاش الكبله ماينعـــــد==الجقـــار امار و العيــــش
ابلاخ الزين"اوجوز الهند"==والمص اولمديغ اولكريش
اولعاد امـــاب عن ـذ زاد==اوعايد يمو يــم اتحنكيش
واتفكريش اوعزت لغياد==فم امل منت اهل النيــــش


تحياتي

أبوالفحفاح
06-17-2012, 10:21 AM
أَرَبَانْ ول اعْمَرْ ول مَحَّمْ

فرعْ اجَّرْكْ الْ مَسْيَلْ لِعْبَـــــارْ==الي فيه اجَّـرْكْ ولَحْجــــــــار
وايْجُوهْ امْسَايلْ من حِمَّــــــارْ==لَحْرَشْ ، ذاكْ الْمَسْيَلْ نبقيه
بِــيَّ نعـــــرف فيــــــه آنَ دار==نَعْـــــــرَفَّ فِدَّهْـــــــرْ اتقليــــهْ
احْسَنْ بِيهَا ذا الدهر وصَـــــدْ==اكًـْـبَلْ ، قيرْ الدهر أتفو بيـه
ما يَحْسَنْ بَيَّـــام اعلَ حــــــــدْ==ما بَيَّامْ اخْرَ ساءْ اعليــــــهْ


تحياتي

أبوالفحفاح
06-17-2012, 10:28 AM
ول عبد الجليل



من عاشور الى البيظ اوخيـــظ ==ذاك امن الشهره دهر اغليـــظ
راه اطويل ازمانـــو واعريـــــظ==مايكصف عن كد محصـــــــــور
وكتن عاد ال غلــــب احفيـــــظ==نفسي منــــــــو والعطب اغرور
بالبيــــــظ امنكفــــرل باكبيـــــظ==ال عيــــــن فيه امـــــــن الصور
عدتان مــن عـــــزت لكريـــــظ==للشهــــره واجبــــير المديــــور
نتاوك دايــر شــــــوف البيــــظ==مزلـــــت افكمرايـــــت عاشـــور



تحياتي

أبوالفحفاح
06-17-2012, 10:38 AM
احمد سالم ولد مولاي إعلي

ذ من كلت عاد إتراحيــــــــم==بين الناس أ ذ امن إتخاصيــم
الناس أ هاذ من تضخيــــــم==لمــــــور أ مـــن كلت لمـلاس
فالناس أ كلت زاد إحكيـــــم==العهـــد أ ذ من حــــك انحاس
الناس أ كلت كبر الخيـــــــم==اتعامل بيـــــه الناس النــــاس
لاتـــــم إعـــل مـــــاه إمـــــل==وجـــه لاه تكـــــثر لحســــاس
فالنـــاس و لا نعــــــرف ذل==لاه يعكـــــب يخلــــك للنــــاس



تحياتي

أبوالفحفاح
06-17-2012, 10:48 AM
ول عبد الجليل


نعرف ليـــل راح فرســـــــان==امن اولاد احمد من دمـــان
عند انو شد انخوظ أزمـــان==مان ناس مروحهم عـنـــــد
انوشــــــد امــــــول نسيـــان==غير اجميعت نسيان بعــــــد
ذاك المروح مــان ناسيــــه==مــــــاه فــــــال كون ارحـــد
ليل كيفــت فالدهـــــر اعليه==مروح فرسان اولاد احمــــد
مــــن دمـــان ال راح فيـــه==ذيـــك الليـــــل عنـــد انوشـد


تحياتي

أبوالفحفاح
06-17-2012, 11:13 AM
و له كذلك


لحكَْ للِّ كَالْ إغْـــــــــدرتُ==وأشْهدْ باللهْ إنِّ غــــــــــــدَّارْ
عنِّ "بُو لكتابْ "إجْبرتُ==وانْ ذاكْ إلْفيهْ إمنْ التحْمارْ
يعلمْ عــــنِّ ماحمَّـــــــرتُ==كُونء إبْحميرتْ منتْ البــــارْ


تحياتي

أبوالفحفاح
06-17-2012, 11:18 AM
سيديا ول هدار


عَاگبْ هاَذَ الِّ كَاملْ رَيْـتْ==منْ بعْدْ ابْلَيْتْ أُ تنْمَهَيْــتْ
أُ منْ بعْدْ امَّلِّ مَا شتْكَيْتْ==انْتُخُولْ أُ منْ بعْدْ انْچُــولْ
هَذَانَ حَامـدْ للْمُقِيــــــــتْ==الْيُومْ ابْتنْمَهَيْـــــتْ انْگُـولْ
ذِ تنْمَهَيْتْ أُ ذَاكْ ابْلَيْــــتْ==أُ ذَاكْ انْجُولْ أُ ذَاكْ انْتُخُولْ


تحياتي

أبوالفحفاح
06-17-2012, 12:10 PM
مد ماه اجماعة تخســـــــر== السغر اتخليه ايل فيــــــه
و اتخلي لمر ايل يكبـــــــر==و ايفوت الي مدارك بيـــــه

تمو كومو للدهر انتـــــاج==و ارعاكم فيه من اغـــداج
من منو للدرجة تنتـــــاج==و لا منو للمال استبقيـــــه
و ايودي لاهلو ظيك اناج==و الركه و الحر ايلحميـه
و الحر المقــــل ابـــــلاج==لا يحمل شي ثكل اعليـــــه
هاذ ظروك راه محتـــاج==لجماعة حذاك اتواسيـــــه
مد ماه اجماعة تخســر==السغر اتخليه ايــــل فيـــه
و اتخلي لمر ايل يكبـــر==و ايفوت الي مدارك بيـه
يسوا يفاصــل لمعــــدل ==منكم يكوم في المحفـــــل
لمعــــدل يســــو يبجــــل==والناس اسو كامل تبغيه
والثاني زاد اسو ينـــزل==عن منزل نزلو ماه فيــه
ؤ هذا نصو جاي افمحل==الحديث أمرت راعيـــــــه
مد ماه اجماع تخـــسر==والسغر اتخليه ال فيــــــه
وتخل لمر ال يكبــــــــر==وافوت ال مــــدارك بيــــه



تحياتي

سيدن
06-17-2012, 02:06 PM
شمن الناس إكيس ابلكثار =شمن الناس أشمن ابلا عار ْ
الناس إعيَّنْ كل انهارْ= ساعت مَ حاظر شمن الناس ْ
شمن الناس أُيحك لخبارْ= ابلملاسْ اعل شمن الناسْ
أشمن الناس إ روغ اتشيشيرْ =امع شمن ألا فيها باس
الناس ألاه فال إغيرْ=شمن الناسْ اعل شمن الناس





الطيب ول ديدى

أبوالفحفاح
06-17-2012, 03:22 PM
ول عبد الجليل

أطم الينظــــــاك==من غايت لمــــرار
أطمو لفـــــراك==امع منت البــــــــار
أمتن شي محن==واكثرو معـــــــــن
ساع منشطــن==شديـــــــــن لخبار
فالدارو فتـــن==عـــــدن تل الــــدار


تحياتي

أبوالفحفاح
06-17-2012, 03:24 PM
شمن الناس إكيس ابلكثار =شمن الناس أشمن ابلا عار ْ
الناس إعيَّنْ كل انهارْ= ساعت مَ حاظر شمن الناس ْ
شمن الناس أُيحك لخبارْ= ابلملاسْ اعل شمن الناسْ
أشمن الناس إ روغ اتشيشيرْ =امع شمن ألا فيها باس
الناس ألاه فال إغيرْ=شمن الناسْ اعل شمن الناس





الطيب ول ديدى


أحسنت أستاذي شرفني مرورك العطر لا شلت يمينك
إضافة متميزة من عنصر غاية في التميز


تحياتي و تقديري

ول وداد
06-17-2012, 04:54 PM
ال تسمع هون امن انواع= لكلام افلكف والتشناع
يعكل وسع فيه الباع= لاتيت امع حد اترد
ول من حد امعاك انصاع= وودك فصالح ود
والخاسر كبل اترد اعليه= تم اعل كوال كد
وامنين اج كد خليه =ماه كاع اكبر من كد


هذي الطلعه اجبرتها هك فتراب وزيانت عندي صركتهالكم هههه لعدتو مافتو درتوها
كالو عنها لاحمد سالم ول ملاي الزين

اسكي بيكم الشباب ذاك ما يحصل

ول اعبيد
06-17-2012, 05:09 PM
هاذى الطلعة كط اسمعت عنها ال ولد عبد الجليل زينة بعد اسوى من كايلها

نعرف ليلة راحو فرسان *** امن اولاد احمد من دمان
عند انوشد انخوظ ازمان*** مانى ناسى مروحهم عند
انوشد أ مولى نسيان*** غير أجميعت نسيانى بعد
ذاد المروح مانى ناسيه*** واللا يعمل كون ايرا حد

ليلة كيفت فالدهر اعليه***مروح فرسان اولاد احمد
من دمان اللى راحو فيه*** ذيك الليلة عند انوشد

أبوالفحفاح
06-17-2012, 09:08 PM
ال تسمع هون امن انواع= لكلام افلكف والتشناع
يعكل وسع فيه الباع= لاتيت امع حد اترد
ول من حد امعاك انصاع= وودك فصالح ود
والخاسر كبل اترد اعليه= تم اعل كوال كد
وامنين اج كد خليه =ماه كاع اكبر من كد


هذي الطلعه اجبرتها هك فتراب وزيانت عندي صركتهالكم هههه لعدتو مافتو درتوها
كالو عنها لاحمد سالم ول ملاي الزين

اسكي بيكم الشباب ذاك ما يحصل


ههههههههههههههههههههههههههههههههههههههههه

أستاذي آن أنت ما انكد ندع عني كط اسبكتك ال شي كاع يسو شنهو اشكال ذ الفن لا كلت عني اسبكتك لو
لا توكفها الناس اعلي عجلانة ذي الطلعة احرور و لا كط اسمعته باط صرتك

أبوالفحفاح
06-17-2012, 09:22 PM
شكرا لك ول اعبيد اختيار موفق ينم عن ذائقة رفيعة

أبوالفحفاح
06-17-2012, 10:23 PM
سيدي محمد ول الكصري
كالحمدْ اللّي يـــــــــوادْ==لمريْفـــــــك وكتــــنْ رادْ
الله عليكْ ابعـــــــــــــادْ==الدّهـــــــرْ اللّي غـــــــلاّكْ
وخسرت حالــتْ لبلادْ==وعـــــتْ انتَ للّي جـــاكْ
ماهْ انتَ ذاك وعـــــادْ==ذَ مـــــــاهُ دهـــــر اغلاكْ
وعتْ آنا مـــــانِ زادْ==سيـــــــــدي محمــــد ذاكْ


تحياتي

سيدن
06-18-2012, 03:02 PM
الأديب منير ول اخليهْ
المبدع المعتمد لدى جريدة اشطارى الساخرة








برحت لولَ بتْ= اتردْ اعلى منتْ
لمامْ افوتْ=ليلة ملانَ
تحكى لغنَ واتْ= وردْ لمعانَ
وامواسى عنكْ= لاهيها يانَ
أهي -يونكْ= يانَ- غفيانَ

أبوالفحفاح
06-18-2012, 04:21 PM
وامواسى عنكْ ==لاهيها يـــانَ
أهي -يونــــكْ ==يانَ- غفيانَ

ههههههههههههههههههههههههههههههه

أسكي بيك سيدن متميز دائما

أبوالفحفاح
06-18-2012, 04:32 PM
الولي ول الشيخ سعد بوه:

اجْحدت الين افتــــــــــــرتْ==نعرف عنّ عــــزتْ
ذِ لمْــــــــريّ وازهـــــــدتْ==فيــــهَ يكطع بيـــــهَ
وامكلّلْ فيـــــــــــهَ عــــــتْ==وعــــتْ انشلّلْ فيهَ
واحلفتْ ابْكــــلْ ايْمــــــانْ==عنِّ مـــــا نبغِيــــــهَ
يغيـــــر النــــاسْ اتْبــــانْ==ما يدْركْ شِ فيـــــهَ
نشْكطــــــهَ مــــا يســــالْ==اعْييْـــتْ الْحدْ اكْبالْ
دايــــــرْ بيـــهَ ينكــــــــالْ==ابْلا غــــــــايَ فيـــهَ
غيرْ امعَ ذيكْ الْحـــــــالْ==حــــدْ امْـــرَ يـبغيــهَ
يسْوَ كدْ اللـــــيّ كـــــالْ==الْحــــدْ أوخرْ فيـــــهَ
جاحـدْ عزتــــــه بعــــدْ==ذِ اللّي عـــنِّ ترتَــــدْ
ولا نكبلــــهَ تشتــــــــدْ==ولانكبـــــــل نسميـــهَ
ويلَ ثبّتــــــهَ حـــــــــدْ==اعلـــــــــيّ نبغيــــــــهَ
مولانَ يعرف بعـــــــدْ==اللّي خالــــــك فيـــــهَ


تحياتي

أبوالفحفاح
06-18-2012, 04:52 PM
نعرف عن ذ الخلق ال هــــون==حاصر فارغ ماه أمهيــــون
الاه عارف هـــــــو شيكــــــون==وإيظل افحصره كـــل انهـــار
ما عند ل مـــن ش يكـــــــون==لكـــــــان الحظرن فاخبــــــار
نرفد بيــــه الا نــــــــنزل دون==دار افجبهت منت المخـــــتار
وامنادم فيها بعـــــد انـــــــزل==ما يلحك مـــن كثرت لخبــار
فان لاه يشك مـــــن كـــــــــل==لت لخظـــــار و كلت لمطـار


تحياتي

أبوالفحفاح
06-18-2012, 04:59 PM
أحمد سالم ولد مولاي إعلي

يل لطفك حايــــــــط بي==والعيمــــــــان إلا تتالــــب
إغفرل ذاك إل فـــــــــي==تعرف كامل من مثالــــب
يالعاطين ش كافيــــــن==مـــاه انك بيه امكافيـــــن
عن خلقك كامل غانين==طالب زيادة يالغالــــــب
دين طالب ماتعريـــــن==من موجب مــــاه سالب
جالبلك فضلك راعيــن==تعرف ذاك الفيه إمطالب
كوم ل ذاك العاطيــــن==واعطيـــــن ذاك ال طالب
يالغالب واحفظ ل دين==و ربحل ذاك ال جالــــب


تحياتي

أبوالفحفاح
06-18-2012, 05:10 PM
محمدن ول سيد ابراهيم


اخلعن هاذ من طـــــــــول==اقعاد عن فل فضـــول
اعد بنراه عند انجـــــــول==ذ ليـــام ءان و بـــلاه
امجي ذاك ال مكتــــــــول==منه فيه ال ما ننساه
إل ل ياسر قاطع مـــــول==اتواسيـــه ال طاه الله
من كرم طان ش نبغيـه==و امونك عند مــخلاه
الله ال طلب يعطيـــــــــه==وان طالــب ذ عند الله



تحياتي

أبوالفحفاح
06-18-2012, 05:17 PM
الحاج ول الكتاب


لمر إلا نابك شفــــري فيــــــه==ءُ وزنو بالمزان الشـــرعي
ويلَ بــــاح و عــــت امواسيه==أرعَ سمعك سمعك مرعـــي
ءُ عاكَب ذاك ألا خرّص فيــه==جانب الــضري و النفــــــعي


تحياتي

ول اعبيد
06-18-2012, 05:23 PM
احمدو سالم ولد الداهى

ذا عيد المولود للى عاد*** امن اعياد امريم واعياد
امريم ماكطو لغياد*** حصرو,, ماراحو وانكصرو
وادلاو أعباينهم زاد*** وللل بكمو وللل بصرو

امريم يوم العيد الها *** من سعتن يصللى عصرو
مايبكا ش ماطاهلها *** ملانا واعطاها نصرو


ويقول ايضا

فطرك يمريم كيف افطار*** اصحاب الجلاله لكبار
اخلطى لحمار أبلخظار*** والمعنويا,,,,, والنصرا
جيتى للاما لصفرار*** والحكتى كدامك ,,, حصرا
واكصرتى لين أكدات النار *** فالحصرا ماخلكت حصرا

والفطر الزين أبكيتى بيه*** افنصرا تعرفها نصرا
وأمتن ثورت جمالك فيه*** من ثورت جمال أفمصرا

ول اعبيد
06-18-2012, 05:24 PM
الحاج ول الكتاب


لمر إلا نابك شفــــري فيــــــه==ءُ وزنو بالمزان الشـــرعي
ويلَ بــــاح و عــــت امواسيه==أرعَ سمعك سمعك مرعـــي
ءُ عاكَب ذاك ألا خرّص فيــه==جانب الــضري و النفــــــعي


تحياتي




زززززززززززززززززززززين حتى والله اللا اسكى

أبوالفحفاح
06-18-2012, 05:25 PM
و له كذلك


تم اسمعلي و اسمع لمّــــك==و اعلَ فمّك ظفّي كمّـــك
و الخاسر لا يمركَ فمّــــك==و للّ تم امحجّل عربيــك
منّو خوف أعــــدّل همّـــك==يخــي و هــــم الْ متولّيك
و احذرنَ لا تقطع دمّــــك==من شيك أياك اتم ابشيـك



تحياتي

أبوالفحفاح
06-18-2012, 05:28 PM
احمدو سالم ولد الداهى

ذا عيد المولود للى عاد*** امن اعياد امريم واعياد
امريم ماكطو لغياد*** حصرو,, ماراحو وانكصرو
وادلاو أعباينهم زاد*** وللل بكمو وللل بصرو

امريم يوم العيد الها *** من سعتن يصللى عصرو
مايبكا ش ماطاهلها *** ملانا واعطاها نصرو


ويقول ايضا

فطرك يمريم كيف افطار*** اصحاب الجلاله لكبار
اخلطى لحمار أبلخظار*** والمعنويا,,,,, والنصرا
جيتى للاما لصفرار*** والحكتى كدامك ,,, حصرا
واكصرتى لين أكدات النار *** فالحصرا ماخلكت حصرا

والفطر الزين أبكيتى بيه*** افنصرا تعرفها نصرا
وأمتن ثورت جمالك فيه*** من ثورت جمال أفمصرا


أستاذي ول اعبيد ذاك ماصين لعجول و لا يحصل

ول اعبيد
06-18-2012, 05:45 PM
محمد لبنو ولد احميدن

مذكور الناجى عاد هك *** للمولع بيه إناجى
وانا ذاعندى يندرك *** واموسع فيم اناجى
بيللى كاع ال ماانشك *** افشى وساه الناجى

الناجى خوي ويشير *** واصغر منى ولخو الصغير
عذرا مانللل مااكبير *** اعلى الناجى تجلاجى
يالناجى خويا لاادير *** ش فخلاكك واللا جى

أبوالفحفاح
06-18-2012, 05:46 PM
الشيخ محمد الامين ولد سيدامحمد


اذراعـــــــك خليــــتيه==الباسك مـــاه عليــــــــه
ما بــيك اتزهز فيـــه==ؤُ لا عـــزت تشناعــــك
غير الا قصدك بيـــه==اتزيـــــــد تليــــــاعــــــك
فيان بالتكيـــــــــــاع==وان مــن تلياعـــــــــــــك
ميت والحست كاع==اعــــــــل ذاك اذراعـــــــك


تحياتي

ول اعبيد
06-18-2012, 05:49 PM
المختار الميداح

تشواش الكبلة ماانزيد*** فيه أ تل انا ماانشيد
بيه اصل انا نبغى ابعيد*** كبله بيا للى بالى
راهو فالكبله من بعيد*** ول عندى من لهالى
كبله,, والنبغى من الغيد*** كبله ,, وللى تزهالى
كبله,,والكبله مااتشك*** فيا يكفيها حالى
عن سؤالى وافذاك يك*** حالى عن سؤالى

أبوالفحفاح
06-18-2012, 05:56 PM
أَرَبَانْ ول اعْمَرْ ول مَحَّمْ

مِتْيَقَّــــــنْ عنــي يلمتيــــن==من دقْفَكًـْـ ، لِكًـْـرَاكًِـلْ لثنين
لعبيد الرحمن الثنتـــــيــن==لِلْجامْ الظَّهْــــرَ لِكًـْـصيِــــــــرَ
ماني لاهي نَكًـْـطَعْ شبرين==مَشِفْتْ اعليهــــــم مَديــــــرَ
نَعْرَفَّ واللَّ مرجــع بيـــن==لخيــام افمَنْــــــزَلْ تَذكِيـــــرَ
هـــــذا بل ارمادْ النـيـران==دار امْعَـــانَ ول اعْمَيْــــــــرَ
وهذا هوَّ لِحْشيش ال كانْ==منشـــورَ فَوْكًـُـو لِحْصيـــرَ


تحياتي

ول اعبيد
06-18-2012, 05:59 PM
محمد ولد احمد يوره

وجعك يمتانت لهلاك *** راصك واحزمتيه ابملواك
تايب ملانا خظت احذاك*** ساعا فتى بيه احزمتيه
وابملواك أحزيمك لو ذاد *** أحزمتينى زادانا بيه

يغير امنين أبرا يالريم*** راصك خاسر ش وسيتيه
حليتى عن راصك لحزيم*** وانا عنى ماحليتيه

هاذا راهوالكم يااااااااااااااااسر بعد


وله ايضا

اللا كوليلى يالنهواك*** امنين اشرفت اعلى الهلاك
احذاك أ لا نكدر نلكاك*** ارليي عندك شنهو هون
انكول إنى مجنون اياك*** أتكول الناس إنى مجنون
انا مجنون اكبلل ممشاك*** وامجيك الحكتينى مجنون
وطم الخالك كاع افذاك*** واغرور أ ذاك للى مظنون

كانك رجعتى يالنهوا *** للسهوا وابكيت انا هون
مجنون ,,إنا لى الله وا*** إنا اليه راجعون

وله ايضا

يوم أوادى لول معدود *** فيام الطربه يالمعبود
كيلت أمع نصرت لغيود*** امكيل اعلى راصو معلوم
واليوم اللا ذانا محسود*** من نصرت لغيود أ محروم
اعلا راصى واغرور أتعود*** كفارت ذاك اليوم اليوم

واعيا ذا النوع إبد اعليه *** الدهر أ حامد للقيوم
للى مادايم طربى فيه*** لعل خزمى فيه إدوم

أبوالفحفاح
06-18-2012, 06:29 PM
الشيخ بن مكين

كومك يزهو العيـــــن==ايجـــون متحكيـــــن
وايج وآحد واثنيــــن==موت كم أمن أغلاك
يعط من فرمآسيـــن==الزين اطيب لمساك
والثياب الزينيـــــــن==والنيله والمســوآك
وأنت حدأعرفتيــــه==مساوي عندك جاك
ابذاك اولاج بيـــــه==ذ عندك فر أبهــــاك


تحياتي

أبوالفحفاح
06-18-2012, 06:32 PM
المخطار ول سيد عالي المشظوفي

العجلَ والتكْلابْ==ماهُمْ عندِ صوابْ
كد الْيوخظْ مَ صابْ==حدْ إلاهْ ولا صاحْ
تكْلابِ والجَوابْ==ماه مشيِ تكساحْ
والْعندِ منْ لحجابْ==عودانِ يالْفتاحْ
كاعدْ عند الْنختير==لِ نوبَ مشيِ باحْ
واخسرْ همِ يغيرْ==لا عجلَ كبلْ اصْلاحْ
والِّ ماهُ مبخولْ==الريْتُ منْ محْصولْ
فاكْعادِ لينْ انكولْ==حيّ على الصلاحْ
والْجانِ من مرسولْ==يلحكنِ كل اصباحْ
واملِّ وقتْ ادخولْ==الحيوانْ افْلمراحْ
كاعدْ عند الْنختير==لِ نوبَ مشيِ باحْ
واخسرْ همِ يغيرْ==لا عجلَ كبلْ اصْلاحْ


تحياتي

vewzi
06-18-2012, 06:45 PM
أسك حت ، هذا قدر من لغن العلي
ول كًاع لغن العلي كامل ،
دمت أستاذي أبا الفحفاح
دمتم جميعا

أبوالفحفاح
06-18-2012, 06:52 PM
أسك حت ، هذا قدر من لغن العلي
ول كًاع لغن العلي كامل ،
دمت أستاذي أبا الفحفاح
دمتم جميعا



شكرا لمروركم المميز أستاذي فوزي

و كالو الناس ذوك عن عجل ابراهيم عن ذ بعد لعجل الي كال ملان عن اسمين اراهوالكم بعد اسمين حك


تحياتي

أبوالفحفاح
06-18-2012, 06:58 PM
ولد بوباجه التنواجيوي


وَكْرْ البَاطِنْ مَجْدُوبْ الْهِيبْ==دَخْـلُ والـسِّـنْ أولعْـرَاگيـبْ
وامْراتِـعْ لَكْـلاَتْ امْجَادِيـــبْ==أهُــمَــاتِ لَــكْــلاَتْ ابْـــــلاَمَ
غَيْرْ الْبَاطِـنْ مَافِيـهْ الْعَيْـبْ==كِــــدْ الِّ تُــوخَـــظْ لِــكْـــرَامَ
تِــنْــزِلْ بُـعَـيَّــاشْ ألِـكْـلَـيْـبْ==واخْـنََـكْ عُـرَّيْـظْ أكُـــــــــدَامَ


تحياتي

أبوالفحفاح
06-18-2012, 07:00 PM
انجبنان ولد لمحيميد

يوْكِ بيكْ اتْويْجيلْ==مانكْ فالْعينْ اطْويلْ
واكْويعَ وامسيِّيلْ==حارثْ فيكْ الْمخطارْ
سبْحانك يالجليلْ==شمْغلِّ عنْ لوكـــــارْ
اكْويعَ وامسيِّيلْ==واشْويِّتْ من لحجـــار



تحياتي

أبوالفحفاح
06-18-2012, 07:25 PM
أحمد سالم ولد ملاي إعلي

ثقافتن معرفتــــــــــــن==ذيكــي هــــــي ميزتـــــــــــن
اتميزن بيه فتــــــــــن==دون الخـــاطيـــــها معتبــــر
مشتهر فين مافتــــن==بالخاطيهــــا ريـــــــن شهــر
مصحفن هو عيشتن==يسو في الشمس و فالصمر
بأقلمن مزين كتبتـن==في اللوح إمع زيــــن النبــر
بالعلك إنحك سمغتن==و اجهــــــــــلان فالمحظــــر
ونحكوه باحمومتــن==والصــــــــلاح ذيك الحمــــر
بيه مداد اقلومتـــــن==و انحكوه بشيــــــات إخـــر
ماكلناه ثقافتـــــــــن==إتفخـــــــــر مد مفتخـــــــــر
ونتشرت بيه سمعتن==مركـــــــب سمعتن منتشر
ذيكي حالتن كـــــن==كـــــــــن فالحك أكـــــر وادر
من خاطين وخير إن==نبكــــاو أدر منهم و اكـر
و علمان يعط لعــــم==للمتعيـــــــــن فيهم علـــم
فالمحافل تو الهجــم==العلم تبـــــــــــك منبهــــــر
ولانك لاه تسمع كلم==للخاطيهم هـــــــــوم نكــر
فات ردم ذيك الردم==للجهـــــــال و جهر حفــر
فالظو اكراو وفالظلم==فالجهلى و افظل الصـدر
ولبهارمعاهم كان إحم==يرجف فوك إظهر لبــر
لالي باهرهم والحشم==ينكـــــــع فيه و الحكــــر
ذيكي حالتــن كــــــن==كــــــن فالحك أكــر وادر
من خاطين وخير إن==نبكــاو أدر منهم و اكـر
كلت لكراي كانت عار==فين والواحد مايشكــار
وجه من لكراي فنهار==احمر ولل نوب صفــر
وبلكراي يكلع تكــدار==نفــــس يلهيه الا لكــــر
يكر سار كارد لعمار==فالليل أعل ظو الكمـــر
أيكر باك كاعد فالدار==وأعل الحاس يجبد يكر
أيكر راكب جمل واحمار==أيكر كاعد يحلب بكر
أيكر ما يترك تكرار==ذيك الكتب سطــر سطــر
ذيكي حالتــــن كــن==كــــــــن فالحك أكــر وادر
من خاطين وخير إن==نبكـــاو أدر منهم و اكر
والجاهل من لا وليت==للجاهل حان بعد إشويت
الجاهل يخدم كم بيت==سلاخ أجباد إبشمـــــــر
يرفد للخيم أرفع الصيت==لكهل والضعيف أ لمر
رافد محلاب والتاديــت==تاديت دهــــرا مجمـــر
أ فالخاطر معلوم إلا جيت==تحاسن ماخلكت حصر
أركاب أزداف إلا تيت==تبنيل شـــــار فالحصـــــــر
نزال الظامت كان إبغيت==واحل فالمجلس من تمر
بمروت حكاي البتيـــت==وايداو داحــــوس بأخـــــر
دين معلوم أهيه إنسيت==إنكــــــول إن ألاه عبــــــر
يعرف أشوار التيدنيت==أمتخلط زاد إمــــــع الطــــر
أكاف معلوم أيوزن بيت==يتغــــزل فيــــه إعل بــدر
ذيكي حالتــــــن كــــــن==كـــــن فالحك أكــــــر وادر
من خاطين واخير إن==نبكـــــاو أدر منهم و اكــــر



تحياتي

أبوالفحفاح
06-18-2012, 07:30 PM
انجبنان ول امحيميد


كال أبليــــس أنو فات==دهرو فالطفــــلات
ماكط أجبر ليعــــــات==كيـــف اليوم أو لا ر
تخريصه باعوينـــات==أنعاســـــه وأصهــار
وأظحيكه منه مــات==وأحي مـــــاه أعيـار
وأعرفت أنو فلحين==بتلــــــى بالغـــــــــدار
وأسكت أوتوف إلين==أكلعـــــــه بالمـــــار


يالناس اسكي بعد

تحياتي

أبوالفحفاح
06-18-2012, 07:35 PM
محمدن ول سيد ابراهيم



الحجـــاج اتوصــــــات==عنــــه تمش وامشات
شور الحج اوغـــزات==مــــار للعكد او سعــد
يغير امشات ابغــــات==منـــت اعل مـــــاه رد
ول احمد فالحجـــات==الي حــــــــج فأبلــــــــد
جاو الحجاج اوجات==منـــت اعل ول احمـــد



تحياتي

أبوالفحفاح
06-18-2012, 07:40 PM
ابراهيم ول اكليب


طرحت تكَماطيـــــــــن==و طرحت علب احمد دين
موسم فالبال امتيـــن==و انــــــولكي و اعــــــلاب
شت فيهم مسكيــــــن==البــــــــال اعــــل بــــــــاب
و غرس فيه الليعات==و زهـــــــــزاوه فاتــــراب
هاذ هوم طرحــــــات==مــــــــلان و اعــــــــــلاب



تحياتي

أبوالفحفاح
06-18-2012, 07:45 PM
ولد بوباجه التنواجيوي


شــوفْ التِّيكِـفَّـايَ صَـحِـيـحْ==نَـعْـرَفْـهَ بِـاجْــدِرْهَ والـرِّيــحْ
اعْـلِـيـهَ تِـتْـكَـرَّعْ واتْـمِـيــحْ==گفّــتْــهَ خَــظْـــرَ والــنُّـــــوَّارْ
كَـادِلْــهَ مَامَـتْـهُـومْ الـطِّـيـحْ==والْـخَـلْـقْ امَّـاسِـيـهَ عِـقَــارْ
وَاژَوانْ امْـكَــيَّــمْ لِـبْــرِيــحْ==افْـظَـلْ اظْـحَـاهَ كُــلْ انْـهَــــارْ
وامْنِيـنْ إمِيـلْ الـظَّـلْ إبِـيـحْ==بَـــيْڮ يُــفَــاوِتْ بِالـتِّـصْـبَـارْ
واتْلاَوِيـحْ الخَـيْـلْ اتْـلاَوِيـحْ==غَيْـرْ الرَّحَّـالَ مَــاهْ اعْـمَـارْ
مِنْ تَصرِيفْ الْحَيْ الرَّؤوفْ==شّـــوفْ التِّـيـكِـفَّـايَ قِــفَــارْ
اژرَبْـــهَ كِبْـلِـتْـهَ مَـنْـسُــوفْ==واجْــدِرْهَ عَــادْ افْـبَـلُّ غَـــارْ
واجْمَاعِتْـهَ مَاتَـاتْ اتْشُـوفْ==عَـيْـنَـكْ مِـنْــهَ رَدَّادْ اخْـبَـارْ



مقجيه باط


تحياتي

أبوالفحفاح
06-18-2012, 08:01 PM
دمب ولد الميداح


احْتــِرَامِ خَلِّيـــــــــــــهْ==أَرَانِ مَـــــــــا نِبْغِيـــــهْ
تَمِّيلِكْ خِصِّ بيـــــــهْ==الْكَــــــــرَّايْ افْلِكْــــلاَصْ
وُ فالشّارعْ لاَ رَيْتيهْ==احْتَرْمِيــــــــهْ ابْلَرْهَاصْ
آنَ مُدِيرْ الْهَيْـــــــــهْ==وُ لاَنِ كَاعْ ابْشِ خَاصْ
و الْقَانُونْ اراعِيـــهْ==يَكَــــــانُ مَـــــــــاهُ نَاصْ
عَـنْ لَحْتِرَامْ أخَيـــرْ==لِلْكَرَّايَ و اخْــــــــــلاَصْ
و احْتِرَامْ المُديـــــرْ==اوَعَّرْ كَــاعْ الـــــــــرَّاصْ



تحياتي

أبوالفحفاح
06-18-2012, 08:14 PM
ول المعلى


من امغن كافيــــــك واجْــــ==ـلآجْ الدايم والشــــوف
امغن يوف واجـــــــــــلاج ==يوف والشوف تــــوف
راع ذ من دوام عــــــــــل==أســــــاغ نحك فات تل
ووف والكذب أش امتـــل==مــــن ووف ما هـــوف
ضيل اعل حد ألاتظـــــــل==فيه الهمه مصــــــروف
ؤ لاه كاع الي يوتحــــل==فيه اش فـــات الي أوف
يوف ما خالك حد يــــل==حك مــن تحداد الشوف
فاش اشوف اعل حدزل==مـــاه شوف مــــا لوف
معروف ذاك ادليــل دل==اعل عنـــــــه معــــروف
ماه عنعــــــــــان تنتقل==ابذيـــــك الحــال أُ تــوف
كاف لحكك توفاي يــل==منـــك روح مصــــــدوف
والناس ال مدســـــــــم==مــــن ش كاع امجســـــم
ش كامل فيه الحس مَ==تشغل فيـــه و منصــوف
واشماذ كلم تنســـــــم==عن حد اتــجي موصـوف
ألحد ؤ يلحسل اســـم==عن ذاك اليم ابصـــــــوف
و الحال اللا متكســم==بينات الناس انصـــــــوف


تحياتي

أبوالفحفاح
06-18-2012, 08:55 PM
محمدن ول سيد ابراهيم




امنات النات حـــد اجبـــــــر==منهم مجلس ماه امكــــدر
فجماع و ابصرهـــم يبصـر==ش جميــــــــــــل اماليـــات
مجلات بنيلــــــت لعــــــور==مكتوبــــــات افمجلاتــــــــو
يمن صاب اغيود المحصر==عاد كيف امنات النـــــات
جهـــــــد الرجل ج يتليـــع==قـــــال امنات النــات فات
و الماه بغنـــــاه إرجـــــع==عـــن عزم و لل بغنـــات
بيه امنات النات يقطــــع==بالنـــــات معـــز امنــــات


تحياتي

أبوالفحفاح
06-18-2012, 09:00 PM
احمدو بمب ولد المين
من شركًـْ الزِّيرَ عِـت انجـيــلْ==منــــت أبو مالك يلجلـيــلْ
ومن كَـبلَ باط ابذيك الحيـــل==و انجيـــــهَ كارِدْ لِمْرِيـــــرَ
من ساحلها واعكًاب اجِّيـــلْ==انجيهم مــــــن تـــل الزِّيــرَ


تحياتي

أبوالفحفاح
06-18-2012, 09:13 PM
أحمد سالم ولد مولاي إعلي

سيد إمحمد كر خبــــــط==سين خبط زين لبــــط
فاغو خبط زين لكــــــط==والتحـــــــرار إزيـــــان
وفالكحال الهول خلــــط==بالزيـــــــن إفتفنـــــان
ويلا بيظ كاع تيـــــــــــد==نيت يظهر فــــم سيد
ذاك بل إمنيـــن بيـــــــد==يكبـــــــظ ماه عــــان
فازوان أليـــــــف كيــــد==لا بيـــــــك يمتـــــــان
واسكي هول كان كصر==واسكي كل إزمـــــان
سيد إمحمد لا تكصـــر==عمــــري بــــــازوان



تحياتي

أبوالفحفاح
06-18-2012, 09:18 PM
دمب ولد الميداح


اوُفَيْتْ امْنْ الْعَــــــــرَّادْ==اعْلَ اخلاَكْ الْحسَّــــــادْ
وُ عتْ اْنْرُوقْ التّرْفَأدْ==وُ بـــــيَّ عتْ اتْعَانيــــدْ
رَاص نمْشــــي لَــوَّأدْ==عَنْـــــهَ و انْكيسْ الْغيدْ
يَغَيْـــــرْ امْــــعَ ذَ زَادْ==مــــنْ رَوْقَانْ اتْصَنْديـــدْ
مَا نَخْطَ منْ تخْرَأصْ==اعْلَ شَرْكْ امْنْ ابْعيـــدْ
امْنَيْنْ انْعُودْ افْــرَاصْ==امْبَــــدّيــــــتْ لمْسيـــــدْ


تحياتي

أبوالفحفاح
06-18-2012, 10:30 PM
كَد امْنينْ اتْج ريــــحْ==لَهلَ الاَكْ افْتَضْويــــحْْ
نَرْكبْ فَيْتانْ اطْريــحْ==اهْــــل الاَك اللٌكَــــدَحْ
شَيْبَان خَيْل اصْحيحْ==امْصَوْبَنْ كيفَنْ صَــحْ
مَا نَمْش مَشيَ اشْحيحْ==اشْلاَيَحْن فَالشٌــحْ
انْرَوْبــعْ فَتْفَيْديـــــحْ==وَنْرَوْبَــــع ْ نَتْفَيْـــدَحْ
وَنْرَوْبَعْ لَينْ انْريـحْ==وَنْرَوْبَعْ وَنْـــــــــرَوٌحْ
نَصٌنَتْ لَتْنَابيــــــــحْ==لَكْـــــــلاَبْ الٌ تَنْبَــــحْ
فَتْنَادَغْ فَتْكَرْويـــــحْ==تَلْ السٌلكْ اتْمَـــــــرٌحْ
نَجْبَرْ وَلْف بَالذٌاتْ==سَلٌمْــــهَ ذَاكْ اصْلَـــحْ
ويلَ عَادَتْ مَاجَاتْ==مَاصَالَحْ ش بَالصٌحْ


تحياتي

أبوالفحفاح
06-18-2012, 10:44 PM
احمدو بمب ولد المين


عاكبْ كنَّ شبـــان مــــردْ==واصْلْ اكَففن زينات كَرد
وابسنين زينات ســــــــــد==مــــــاهِ شكــــــو للبــــار
عدنَ واحْمدنَ ذاك بعـــــد==لــلـــــهْ الحمــــدْ الجـــارِ
إلحيانَ بويـخْ طـــــــــــــلْ==أُشيـــــبْ إنواظــــرنَ وارِ
او بلْ أكَْففنَ عادْ لإصطل==إو بلْ السنيـنْ إفْـــــــرارِ



تحياتي

أبوالفحفاح
06-19-2012, 07:34 AM
بوسيف ولد سيد أحمد ولد بوسيف والد الكفية ول بوسيف

حنيتــــــك يالحي السبحــــــان==محزمــــل عارظ توشيـــــت
اعارظ بوكــــــري وانقيـــوان==وان نســدر فــيزكـــــريــــــت
راه ظرك إعـــــــود اقريذيـف==خـــرف والباك عاد اخريـــف
والسدر لحكت جنب السيـف==و يجوه لــــوراد اسواريــــت
من ظرك اللور يا لطيـــــف==إبجـــف الــــم وإكـــل إتيـــــت
ال تليـــاع مــــــاه اخفيـــف==كلــــت شــوفي للتكــوكيــــــت
وكلت شوفت ملزم بسيـف== نصبــــــره لكنــــت أخليـــــت
شوفت ذ الحاجب توكيـــظ== للبـــــال اطويـــل واعريـــــظ
وامكنلي منه توخيـــــــــظ==ننظـــــر بخــــواك وأكدرنيـــت
و طرحت توشيت البيــظ==فالتيـــــــارت عــــن توشيــــت



تحياتي

أبوالفحفاح
06-19-2012, 07:46 AM
إفكو ول محم بيد

لا تبــك دمــــعَ فيــك اظريــــــكْ==يلعيــن انتِيَّ كـاع اشبيـكْ
ذوك اديارات الطرب اعليــــــك==افنوبَ طربك فيهَ صـــاحْ
ألاَّ لاتبــــك دمــــع د فيــــــــــك==يلعيــن اسمعــتِ وللَّ راحْ
سامَحْتــــكْ يعيْـــن فكريـــــــــدْ==الدمــعْ اعْلَ زِيرَتْ لُوتَيْــدْ
شِ كان اعلي بــاط ابعيـــــــد==ما عنـــدِ ماهِ كوْلَتْ حــاحْ
اُسامحتك موطاك افلغْرَيــــــدْ==الِّ عندُ من كَبْـــلَ سَــــاحْـ
لَ اكْبيــــلْ وُلا وَسَيْـتِيـــــــــنِ==سامحتــــك يغير السَّيـَّــاحْ
ذاك اصَّ عنـــدُ يعيــــــــــــنِ==فيَّ مـا موجــــودْ السِّمَــاحْ


تحياتي

أبوالفحفاح
06-19-2012, 07:56 AM
سيد احمد البكاي ول عوة


كَوليـــلي يالبيـــــك اكتيلي==فالهول إتم اتنهويــــلي
" يرجي" عندك كافـيلي==بمــــــــــدح الله واللـــه
يعيش كًرمي تزيـــــــــلي==تمـــــي فأوقات الملاهي
شتــــــــــك بالله كًوليـلي==يرجي بمــــــــــدح اللــه
عيش كَرمي عندك زين==الهـــــول اتكَوليه ابًيتين
أزينين أبياتك لخريـــــن==غير آن بعد اللًي ثانــي
لو وذن هون ألا بيتين==عـــن هول انهولن ثاني
يللًي لاظرك باس العين==شتك بللًي مــــال ثاني
كَوليلي جعلتو فالحيــن==مـــدح الرحمن والثاني
أذكور فامنين انــــــدور==حاجتي من ذاك أتفاني
قد كفاني هح أذكــــــور==حاجتي عند الرحمـــن



تحياتي

أبوالفحفاح
06-19-2012, 10:40 PM
أَرَبَانْ ول اعْمَرْ ول مَحَّمْ
قول لأحمد مازين اعليه==عيبُ لِ في الناس ؤ شمـتُ
أمانَ هو ما نسميـــــــــه==نبقيــــــه ؤنبق صاحبــــــتُ
وحْلــــوفُ فيَّ يالجـــــواد==عـــــن يكتلن ماه امكـــــــاد
ألاّ باق كثرت لمـــــــــراد==أمّـــــــــان روح لازمـــــــتُ
ألاّ يكتــلـــــــن والـــل زاد==تكتلــــن عزت صاحبـــــــتُ



تحياتي

أبوالفحفاح
06-19-2012, 11:27 PM
المصطفى ولد أتشفغ أعمر


كنت امعَ لخلاَگ ابْيَـــــمِّ==متْكايس وامعدَّل هـــــمِّ
متْراخِ وامــــــــــدَلِّ كُــــمِّ==وأخْلاگِ مــــاهِ رجْفانَ
من شِ لاهِ يجْلــــــــبْ ذمِّ==شيْبانِ راصِ كتَّــــــانَ
منْ گرْدْ ؤ فات ابرد سَــمِّ==ؤ فتْ أتْوالَيتْ ألْمُـلاَنَ
غير البارحْ شفت أفْصَــــكَّ==طفلَ تَتْلمَّعْ عجــــلانَ
ظحكت فـــــمْ الْترْكَ ظحْـــك==مانِ فاهمْهَ بعْـــــدانَ


تحياتي

أبوالفحفاح
06-20-2012, 12:25 PM
محمد ولد الشيخ ولد الغاظي

مشي إفــــك ذ العام امتـــــــين== مـــس ابشطن تروز إبـــان
قطعن عنــه مازكلت عيـــــــن== ذل زكلت ذل العام أعيـــان

حح ألال امــــــــــك يتــــــــروز== وكتـــن عـــت كلبك مركوز
فمنين ازكــــلت كنــز اكنـــــوز== الفضل والامان ولحســـان
اكنز كنوز الجود المنــــــزوز== ال معــــروف افكـــــل اوان
لديــــــب الوريع المعــــــزوز== كان المعروف ابكبر الشان
لفقيـــــــه ال ما كــــان إزوز==عـــــن حكم احافظ للقرآن
متبيظن وراي محيــــــــــــوز== وموحـــد للقبيل كــــــــان
عنـــه جهــد مـاه معـــــزوز== ماكط احتاج اعل برهـــان
جــــــاك إفــــك يل ناشيــــــه== مات امغرش عنك عربيه
تابع نبيك امصدق بيــــــــــه== عابد كان أصلاي اكــــران
رمضان اقـــــوم الياليــــــــه== واصوم أيــــام ارمضــــــان
عــــــاط ذل كامل فيديـــــــه== زاهـــد حـت فالدني كــــان
ذاك الوجهــك كان واسـيــه== مــاه لفــــلان ولا لفــــلان
يا ملان من فضلك طيـــــه== الجــن واعطيه الرضـوان
واعطيه الفردوس اجازيه== عــــــــن بالنعيم الحسـان
واتبــارك يللَّ فاهاليــــــــه== والخــل لا ظـــرُّ معيـــان



تحياتي

أبوالفحفاح
06-21-2012, 03:50 AM
ول بوباجة



درت يامس يزهو العيــــن==كدام اصحباتك صرعيــن
و درت لية ولل ثنتيـــــــن==فذاك انفكــع لعليــــــــات
مخل لصراع ازوينيــــــــــن==وازين من ذاك الليـــات
وجبت صرب عندك منغـــد==للصديدات الي منفكعات
ولا ذي حالت صربه بعــــد==مافيه مرظ لعليـــــــات



تحياتي

أبوالفحفاح
06-23-2012, 11:00 PM
سيدي ول الداهي


ما كــــــط سلاح احمان==ؤُ لا كــــــط شاعر جـــولان
و الجار سكان امعــان==المدافــــــع امنين انســـــــــل
ما كــــــط عرب نكلان==و المــــــــــــــوت نحتل بــل
و لا كط فالشر اكفـان==كسنــــــــــــاه لعصم ينحـــل
مسكون فالشر ادفـان==مكعــــــــــود فالخير افظــــل
و ابذاك تشهد لكبايل==فمنيــــــــن عـــــــن ينــشــلُ
و اتعود وقرت لكوايل== لكْـلــــــوب يمش و ايولٌّ



تحياتي

أبوالفحفاح
06-26-2012, 08:18 PM
بـــاب ول هــــــدَار



لعــوارظ حَد ابلآ اجــدر === لآ نمـشِي مانِ غــارظ
لعــوارظ خيرك يا اجدر === لَخظـَر عاكًـب لعـــوَارظ

ماكـيفك حَد اليوم داب === يا الشَيخ اعلَ وجه اتـرَاب
والمعـطَ مانك فيه شـاب === صـارم معنــاه كـــَـارظ
والكــَارظ لَك والِي اغتَاب === اعــود اغتــاب ؤ كــَارظ
طــبعك لحــلآوَ واجــواب === بالليِلوُ ربَك فـــــــــارظ
عــَارظ للِي جَ باشــــراب === و ابلُكــِيل اتجِ عـــارظ
يالعــارظ سطــرت كل باب === با لِمــجــَوَد يا لعــَرظ
يابحـرالعــلم ؤ يااسحــاـَب === المعــلُومَ والعــَــارظ



تحياتي

أبوالفحفاح
06-26-2012, 08:25 PM
هذا النص من أوائل النصوص المعروفة في الأدب الحساني



اعلي ول مانو

يالمختارْ أوعدْتَك انخــرْصْ = = اندُورْ يَكاَني انصييبْ مَخْلُــوگ

مَن ذُُُ لمغَافرَ كَامَْلَ إخََّلَـــصْ = = هَاذَ الشَّكرْ الزَّيْن المَوْثُــوگْ

جَـالبُولَك يل مانَْك أحْــــرَصْ = = مَن حَاتَم وُلاَ منُو الفَــــوْگْ

أُجَوْدَتَك ذًيك أوٌُجْهَـك المنطلَـصْ = = مَا هم لَمنَادَمْ گَطْ رََ شُـــوگْ

أهَاذَ زَاگل ال بيه مَا اتخَــــصْ = = ألاَ گَطْ بتْ افلَيعتُ مَخْنُــوگْ

ذُوك امَايَرْ اللي اعيَ ينتْگَـــصْ = = أثْرَك مَا لَك يَاسَـرْ مَعتُــوگْ

وارْمَاگگ هَاذُ اللي اتْخَلـَّــــصْ = = والبُگرَان ال تَحْلَب و اتْصُــوگْ

واشْوَايْلََك هَاذُ اللَي اطٌَلٌَصْ = = وامَلي اللي لُُ دَهْرْ مَطْلُــوگْ

أتَصْبَحْ فيهُم گَصَّصْ گَصَّــصْ = = إلَيْن اتْرُوحْ مَا اتْگودْ ألاَ اتصُـوگْ

والصٌُبْحْ تَصْبَحْ مَانْك امنَكَـــصْ = = أيَصْبَحْ اعيَالَك عَنُدُو اللي إظُـوگْ

أتَصْبَحْ مَن أهْل اشْتًيم مَتْمَلٌََـَّــصْ = = أتَصْبَحْ الطُمَــاع عَندْك ارْشوگْ

عَارْ عَمٌ الَ أثْرَك سَامَع النَــصْ = = ال جَايْ مَن عَندْ رَبْ لَخْلُـــوگْ

أعطِ انتَ أمُُلاَنَ إخَلََّــــــصْ = = والعَاط يَعطيكْ منُ الفَـــوْگْ

مَاني امعَاك إلَي اصْبَحْتْ مَنكـرَصْ = = مَنفَكع مَشَّايْن امعَاك مَخْلــوگْ

مَانِي فِي ذَاك طَاحْ في لَـــصْ = = ما يَعَگبَك فَرْوُ كُون مَشْگُـوگْ

امعَاك آنَ إلاَ اصْبَحْتْ منطْـلَصْ = = اتْعَايَْرْن واتْعَايَرْ لَخْلُــوگْ

مَتْمَرَّغ امعَ الجُودْ مَتْمَطْـــرَصْ = = مَتْنَزَّهْ عَن العَارْ عَيْنك الفَـــوْگْ

مَا تَكذَبْ شً گَلتُو امَصَّــــصْ = = ازْگ لَفظك امعَ اجْــدُورموتوگ

انتَ اتْگصْ يَغَيْرْ مَا تَنَــــصْ = = الكَاصَّك مَا اتْعُودْ عَينُ الفَـــوْگْ

إدَمرً أعلَ أثْرَك لَيْن يَمتَـــصْ = = اشْحَم عَيْنيهْ أيُورْمُ لَعـــرُوگْ

ألاَ گَطْ أمنَادَم أعليك فَيَّــــصْ = = آزْرً مَن الشًٌكرْ إعُودْ مَصْــرُوگْ

كُون انتَ هُوَ اللي اتْفَيَّــــصْ = = تَصْرگ اعليهْ ولَ تَگلعُ الفَــوْگْ

وانتَ الجَامْ الِّي مَا تَنتْگَـــصْ = = مَنهَلْ تًيدًرْم اللاَّحْگ أطـــوَگ

يَسْوَ فيك الل جَايْ إغَطَّـــصْ = = بُتَاگُبَّ أبْدَلوُ مَشْگُـــــوگْ

أكلهُم يَصْدَرعَنَك مَا تَنتْگَـــصْ = = أتَعكََبْهُم سَيْل آمْرُوخْ مَطْلُــوگْ

يَلِّ مَن عَندْ اذْرَاع بَطْفَـــصْ = = إلَ تَلْ السَّاگيَ أتَــكوگْ

أمَن عَندْ أوْجَفتْ النَبْكَتْ لَفرَصْ = = أمَن عَندْ دَبَّانكُُ المَشْرع لَعُــروگْ

مَا فيهْ أمنَادَم ماهُوَ أحْـــرَصْ = = مَنَك وأكثَرْ كَذْبْ وأكثَرْ شُــوگ

سَعدً ابْذًيك الجَّوٌدَ المَا تَنتْگَــصْ = = أمُلاَهَ امبَعَدْ امن العَجْــــلَ

ألاَ گَطْ رَدٌُ المَدْفَع لمرَصَّــصْ = = إلَ كَان ادَّاوُم لَبْـــــــلَ.



تحياتي

الشريف الحموي
06-27-2012, 02:20 AM
في هذا الباب المدح

يقول الأديب ول هدار في الأمير سيدي أحمد ول عيده أيضا

سيد أحمد مسله يبغيهَ = لا جيتو طامع يعطيهَ
واخلاكو ماتبك فيه = واجد امخليهَ للجد
ماه انو كاع امطريهَ = والى طراهَ بعد اكد
والا لُولالوُ متن السر = ألِّ امن اخليفت مول المد
يبكَ حاكم بيديه اجدر = وإلى حكمو يعطيه الحد

أبوالفحفاح
06-27-2012, 04:12 PM
شكرا لكم أستاذي الفاضل أحمد سالم على الإضافة المميزة و على تنوير صفحتي بمروركم المميز

تحياتي

أبوالفحفاح
06-27-2012, 04:24 PM
ول المبارك ول اليمين


واسَ بَـابَ للدِّيـــــنْ اخْــــــواظْ ==صحَّحْ بِـيهْ النَّـــدْبْ ؤ لفْــــراظْ
ؤُ دارْ الْ لمْرَّو عُـــودْ اشْــظاظْ== ؤ دَايرْ هَــاكْ افمَحَــــلْ أبَــــيْــتْ
مولْ اكحَــالَ يعطِـــيهْ ابيَـــــاظْ ==ؤ مــــولْ افقِرتْ إصِيـبْ استَغنيتْ
ؤ بانِ بَيتْ ازكَــاوتْ للْفـَـــــاظْ ==ؤُ لاهْ أزكَ مــــــــنُّ فُـــمْ البَـيْــتْ
يفْلشْ فعْلتْ غَـــيــظْ المغْــتــاظْ ==وِادَاوِ وحْلــــتْ مـــولْ الــزيــــتْ
واكْريمْ ؤ قُطْبْ ؤ وَلْيْ ؤ سَاسْ== حَسِــــــينْ ؤ طيِّـــعْ للمُـــقِـيـتْ
وِإواسِ ِوِإواسِ للــــــــنَّـــــــاسْ== ؤُ لا تَسمَعْ وَسَيــْتْ ؤُ وَسَـــيْتْ


تحياتي

أبوالفحفاح
06-27-2012, 04:53 PM
هذا نمط من الفن القديم تكون الطلعة فيه ببيتها كما سنشاهده بدل الكاف

لكْربْ مشَّوْشْ اسْطَــــــاحُ== والنزْلَه تتْباشر ابْ بجْوانْ رَاحُ
مزْينْ بوَّاهْ فوقْ آشلكْـلـــكْ== ظلْ امعَكسْ ما صَابْ يطْلــــكْ
ناظْرْ اعلَ انتَاجَّاطْ ابركْ ==واخْرَينْ اعلَ ابْنْ اعْميرَه طَـــاحُ
والمَ افْلبْطَــاحْ الَّا يْزَرْكَـكْ== والــوَحْــشْ الِّ يَـــــاسْرْ انْـــطَــــاحُ


تحياتي

ول الشيخ الطالب خيار
07-03-2012, 05:20 PM
اكول ول الشيخ الطالب خيار



شَوْفُ مفلَحهم فَزْدِحامْ= الهَمْ الْ يشْطَنْ والتخمامْ

هُومَ زيناتْ الكذبْ احرامْ= وحفولْ الا مَوْخَرْ ثانى
دَوْرْ اطبْ اعليهم فيام=وتمْ امعاهم متگانى

تعگبْ تلحگْ بيهم مقامْ=الْوُلْهَّ ذاكْ الفوگانى

ذَلِ عانى كانكْ يَلِ= تبغى تعرَفْ ذَلِ عانى

هُومَ يالناسْ الا كَلِ= مَتانى خَفيِفَتانى
سبحان الله وبحمدهِ سبحان الله العظيم
عدد خلقهِ ورضاءْ نفسهِ
وزنة عرشهِ ومداد كلماته

أبوالفحفاح
07-03-2012, 05:47 PM
والله ال هح بيك و افطن عنها جديدة و سابكينه وحدات درس تيلاد

تحياتي

ول وداد
07-08-2012, 12:08 AM
ول بوباج

شوفْ التِّـــــيكِفَّايَ صَحِيحْ = نَعْرَفْهَ بِاجْدِرْهَ والرِّيحْ

اعْــــــــلِيهَ تِتْكَرَّعْ واتْمِيحْ = گـــــفّتْهَ خَظْرَ والنُّوَّارْ

كَادِلْهَ مَامــــــــَتْهُومْ الطِّيحْ = والْخَلـــْقْ امَّاسِيهَ عِقَارْ

وَاژَوانْ امْكــــــــَيَّمْ لِبْرِيحْ = افْظَلْ اظْحـَاهَ كُلْ انْهَارْ

وامْنِينْ إمِيلْ الـــــظَّلْ إبِيحْ = بَيــْڮ يُفَاوِتْ بِالتِّصْبَارْ

واتْلاَوِيحْ الخَيْــــلْ اتْلاَوِيحْ = غَيْرْ الرَّحَّالَ مَاهْ اعْمَارْ

مِنْ تَصرِيفْ الْحَيْ الرَّؤوفْ = شّــــوفْ التِّيكِفَّايَ قِفَارْ

اژرَبــــــــْهَ كِبْلِتْهَ مَنْـسُوفْ = واجْدِرْهَ عَـادْ افْبَلُّ غَارْ

واجْمَاعِتْهَ مَـــاتَاتْ اتْشُوفْ = عَيْنَكْ مِنْهَ رَدَّادْ اخْبَارْ

أبوالفحفاح
07-08-2012, 03:39 PM
أحسنت أستاذي سيادة المدير لا شلت يمينك

نهاد
07-08-2012, 08:57 PM
مجهود مقدر

م م ع الشقروي
07-09-2012, 01:46 AM
جهد جهيد لكنه أتى بالأمر المفيد ... شكرا للأخ الأديب أبو الفحفاح على هذه الزاوية الرائعة .

ول الشيخ الطالب خيار
07-11-2012, 10:31 PM
اكول الشيخ ول مكي

يَعگلِ گصرْ =فخصارتْ لخبَرْ
ماشى تتكركرْ=فثْرْ اهلْ ابَوْبَكْ
يلالى مَكثْر=يَلْعَگلْ اذْنوبَكْ

ول الشيخ الطالب خيار
07-11-2012, 10:49 PM
اكول محمد المامون ول سيداتى


عگْلِ بيكْ اتْتباعْ= لِلِ بيهْ التلياعْ
عتْ الا شى فگاعْ=يَعْگلِ مانكْ حاسْ
ءُ عتْ امْشَيَنْ لطباعْ=بيكْ اثْرَكْ حكْ انحاسْ
يكطَعْ بيكْ انتَ گاعْ=رايحْ بيكْ الوسواسْ
تبكِ دمعَكْ مگرونْ=ماهْ اعلَ دمعَكْ عاسْ
الا كيفتْ گابونْ=اعلَ حيوانْ الناسْ

أبوالفحفاح
08-28-2012, 08:47 PM
شكرا لمروركم العطر أستاذي فوزي

أبوالفحفاح
08-28-2012, 08:49 PM
الطالب خيار ذوق رفيع و لا غرابة و زكاة لما تضاعف فيه النصاب

أحسنت أستاذي

أبوالفحفاح
09-25-2012, 03:58 PM
اهديكم هذا لكطاع بين عملاقين هما المرحومان بإذن الله تعالى همام و محمدن ول سيد ابراهيم
قصته ان ولد سيد ابراهيم كان في مجلس عند همام فحان وقت الصلاة فقام ليتوضأ فسقطت ساعة له جيدة فأ نكسرت ووعده همام بساعة عند ما يعود من السفر وعند عودته قال محمدن مذكرا له بقضية الساعة:


ولدسيد ابراهيم:

اشحالك يالمليك ال مـاد==عت ايديـك الا للجـواد

شكر انبيه المـاهٌ معتـاد==بيه الزين ء زين انظـام

اعل كلت كبر ءُ توحــــاد==بالله ءٌ مشعور ء مقـدام

أشحالك يل عمـــرك زاد==اعل قرن ابشهر و اعوام

واشحالك يلى لك معـز== ياسر من الحسان ءلكرام

واشحالـت ميـن لاتــــز==د الكريم علـي السـلام

همام :

لاباس اعلي يـا النصـوح==لصحابك فالستـر ممـدوح

فاصل الحك ءمين لفـروح==جبرتهـم والطلـع باتمـام

الله ايجازيـك ابمـشـروح==الطلـع بالفضـل ؤ لكـرام

مخلاك ال شاعـر مفتـوح==للصحـب وفزيـن النظـام

لك ياسر تصبح ل واتـروح==باعقل درس إفجفت غـلام

مخلاك عكلت اعـل نـوح== وادريـس عليـه الـسـلام

واحظرت ال ياسر من ميلاد==الرسـل واحظـرت للهرام

واحظرت لشداد ابـن عـاد==واحظرت لكليـب ؤ همـام

ولد سيد ابراهيم:

حــــد احظــــر هاذ مـن ميـــــلاد==الرسـل يخــــــــي ال عـــــاد

حجــــــر قـــدرن كـان ارمـــــــاد==عــاد ءجفــــت عـــــن لقـــلام

وادريـــــس ؤ نـــوح الكلت ءعاد==رسل جـف عنهـــــم تمــــــام

حـــد احظـــــر شداد ابـن عـــاد==عــاد ارماد ء جف لـــــــــيـام

عــــــــن لـقــــلام ءلاتـشـــــــاد==اخبار حــــــد احظـر لهـــرام

عــــن جفــت الاقــــــلام ءلا اد==يــــر كـاع النـــاس افلفــــام

حـــــد احظر كليــــــب ال كـاد==عـن لقــــــلام اتجـــــف ءلام

حضر ش لقــــــــلام الـي زاد==امـل جفـــــت عــــــن همـام

إعي حـــــد افكبـر يجــــــداد==كيفت همـام الجـد العــــــام

اراعيـه اصغيــــــــر ينـكــــاد==يحجلـب يخــــــرص كــــــدام

رجليـه افتاغـرف يمـــــــــاد==يوافـق فالـواس والهــــــــام

ول عكبــــــت لخبـار اورات==همام امن امــــــروك لرحـام

اجدد فـات اسبـع مــــرات==وأجدد مرتيـن افـذ العـــــــام

همام:

محمــدن مازيـــــــن اعليـــــه==ذ كامل مـــن لغـن يعزيـــه

فاغنــــــاه أم جهـل توجيـــــه==خالط فيه العلـم ء لنظــــام

غير ايبـــان اطنب ظـن فيـــه==واحراش اعل غلظ التخمام

فيه الفقـــــه أو فيـه ال فيــه==أكثر فيه العلـم ءلحكــــام

افذ كاع اعكب عـــــاد افقيـه==ايكولــــن جفــــــت لقـلام

عــــن فغنـاه ايـذرف فيــــــه==اعل هاذ الجـد ال عـــــام

فال كال أذاك اخيـر فيــــــه==محمـدن واخبـر لرحـــــام

الي دايـر بينـات ايـديـــــــه==كـال ان نحجلـب كـــــدام

تاغرف ذ الكال اسك بيـــه==و ان كون عام اور عـــــام

نجـدد ذاك اتــــراع فيـــــه==النـاس ءو متلثـم بلثــــــام

مـن صفـان نتبتــــل بيــــه==نتنخثــــر وانبلـح الكــــلام

ونحك فالكـلام المفهـــوم==بالحموم التبسـام احــرام

وانحك ابراهيم بالحمـوم==وبالحموم انحـك التبسـام





تحياتي

أبوالفحفاح
09-25-2012, 04:15 PM
و هاذ زاد هون عملاق متسلسل لا يجهله تاريخ لغن هو ابراهيم ول بكار

يحكى انه قال:
اخبطت أُ من لزْمِ نخبـط=واصدفت اف منحر لكَلاده
وان كَاع أصلِ ما نخبـط=من شِ يكـونْ الكَـوّاده

و امنين اسمع خالُ ذ الكَاف، مشّالُ أنُّ اخسارتُ فيهَ ، ما كان شاك ان ابراهيم (ول منت ن) إكَول ذ النَوع من لغن،
المهم... إلين لحكَت لخبار ابراهيم، امشَ إكَاطع ال خال ُ، ء ُ جبر ُ جاي اف رفكَه(قافله) جايّه من تشيت،
كَالُّ : آن يخالِ المعلوم اسمعت انّك شكَّرت اعليّ شِ كَلتُ، إلى عاد حك َ لاه ِ نعطيك "سلب ِ " , و ِ لا عاد ماه ُ حكَ , دور تعرف أن اسم َ أقرب هي ّ من اتراب ْ.

واحك اعليه الكَاف ،

كَالُّ: والله ي ول منت ن الّ شكَّرت اعيك اكَبال،انت ذلّ اخبطت شنهُ ، أُ ذ لّ اخبطت بيه شنه(عين اعل ف الكَاف)،
كَالّ ابراهيم:شكَّر اعليّ الّا بالموزون.كَالّ يالتك اكَبيْل اتعود كَلت:
صَبْـح اجّيـل الّا يتلكًّـط = جمـع الغيـد الّ تُصـادَه
واعلمت آن بيـه أُنشكـط = مدفع زين أُحـر اعـداده
حاسب منهم حسبت صلبط = ولَّ تسعـه ب الـزيّـاده
واخبطت أُ من لزمِ نخبط = واصدفت اف منحر لكَلاده
وان كَاع اصلِ ما نخبـط = مـن شِ يكـون الكـوّاده


كَالّ هذ زين ي خالِ ،اكسر وذنك يكانك اتليت لاهِ تسمعن كَايل شِ فيه اشكَاره.
و له من ( لبتيت التام ) :
ذي الي بالموسم تصَّلْطْ = دِيمَ معروفَ بالتصلاط
قَلات أكْشَطْ والخط وشَطْ = راصْ الخط امنين ايجِ خاطْ
قَلاَّتْ أقلَ قيداتْ اللَّيْ = أرْجِ وانْتِسْكَ وانكَدَيْ
وانُّودَيْ اعليَّ و وْدَيْ = لَرْظَ وايدِرْشْ وتِنْيِطَّاطْ
والغابَ من حَوزتْ لِحْسَيْ = الّي راهُ وسْطْ أشَمَّاطْ
قلات الّي منها مذقوط = دلالي بالعَدّ المظبوط
امناحر تيشيت وتاكًوطْ = واينَيْرْ وكًـَـرُّوكًـَ واخْلاط
امكافح تاشوط التاشوط = الصَّفْرَ والخظرَ وايراطْ
وأدرُّومْ وبَرْدَ واحْيُوطْ = تجكًجَ وايدِرْشْ ولَرْباطْ
ذي الي بالموسم تصَّلْطْ = دِيمَ معروفَ بالتصلاط
قلات أكْشَطْ والخط وشَطْ = راصْ الخط امنين ايجِ خاطْ



تحياتي

أبوالفحفاح
09-25-2012, 04:21 PM
و هو القائل

وفاتْ الصبرَ عن مَنَّ = يلعكًـل امنين اتويكًِـرْنِيتْ
بانت ويدور ابان النَ = من تل اكحالْ أقْشَكًـَّـوْكًِـيتْ
صبرَ عن مَنَّ باش اتريد = فاخلاكًـي يلحي المجيد
ألا فِ انْتَمْ افْ وَكْرْ ابعيد = امن أقَوْدِيتْ وفيهْ اهْدَيْتْ
والَّ بِعْدْ انواشيدْ ايرِيدْ = بيهْ اعليَّ مول التِّلِيتْ
ويعود أقَوْدِيتْ امْرَكًـْ لَيْدْ = غير امنين ايعود أقَوْدِيتْ
انشوفُ وانشوفْ انواشيدْ = والي فَيْدِي شوفْ اقْلَمْبِيتْ
وفاتْ الصبرَ عن مَنَّ = يلعكًـل امنين اتويكًِـرْنِيتْ
بانت ويدور ابان النَ = من تل اكحالْ أقْشَكًـَّـوْكًِـيتْ


هاذ الراجل اراهوالكم اغناه يكيطن منكم من اهل الكيطن




تحياتي

أبوالفحفاح
09-25-2012, 05:01 PM
و يقول أحدهم

عالـــم ملانَ ما مَعْــلُــــومْ === دَهرْ أثقَلْ منْ ذ الدَّهرْ اليـومْ
وعالـم ملانَ عن مفهُـــومْ === ثقْـلُ و إبـــانْ أثقــلْ مــنْ شِِ
أمنـــادمْ كـافَ مَا مَتْهُـــومْ === عـنُّ فالتَّــــلْ احصَّـــــــلْ شِ
و أمْنادمْ كاعدْ هونْ الرُّومْ === اركُّ بيــــهْ و ذَ غِــــــــــــرْشِ
و هاذَ ماهُ زايزْ ذَ الحَـــــدْ === يلِّ منكــــمْ فأخْـــــــــلاَكُ شِ
و للِّ بــَـــاغِ يِكْعِــدْ يِكْعِــدْ === و للّ بَــــاغ يِمْــش يِمْـــــشِ


تحياتي

أبوالفحفاح
09-25-2012, 06:27 PM
و يقول الآخر

و اللجنَ زاد مجموعْ لامـَـــالْ === اعـــلَ نجاحْـــــه مُعـلقــيــــــنْ
مخلَّ الشعب يختيــر مَطَــالْـ === بُ اتعودْ لَجَـاتْ للمسؤوليـــنْ
تجْبر مسؤولْ يختير لفعــــالْ === عن لكليـَّـــام الْ مـَــاه ثميـــن
الِّ الاَّ منينْ ينكــــــالْ ينشـالْ === واعودْ ريَّاح : مسؤول فطيـنْ
أهيه ذ الشعب يختير تحوال === مِنْ حَلْ سييئْ الْ حَـالْ حَسينْ
وياللجـــنَ زاد خرص العمَّال === عامـل كامْــلُ واسَ ش زيـــــنْ
زيديه ابَّاش اعـــــــود عَـلال === و واحدْ واسَ ش شيــنْ بييـنْ
عزليهْ اباشْ اعـُــــودْ مثــالْ === متخَوشيـــنْ منُّ ذوكْ لخــرينْ




تحياتي

vewzi
09-25-2012, 08:05 PM
الفاصل أبو الفحفاح ، هذا بعد ماه عادي بيه الزين اوتوف
انت مدرسة
ألف شكر على الإضافات و حسن الإختيار

أبوالفحفاح
10-30-2012, 05:49 PM
يقول الدريعة ول سيدي ول الشيخ


مَـــلْكَـــ منْتْ أَهْلْ الَّشيخْ الْباَكْـــ==ولْـــــــتاَحْ أَعْـــــــــلَ زرْ إِلَ فـــــرْ
غَـــيْرْ الــــــــلاَّهِ تَـــجْبَرْ لخْـلاَكْــــ==مـــــــنُّ كـــــدْ انْــــــتفَّاهْ إِكـــــــرْ
كــــــــــلْ انْـــهَارْ إِظــــلْ اَرَيـــاَّظْ==بَـــــــــيْنِ وَيَّـــــــــاهَ وَالَــــــــفٌاظْ
واللــــيْلْ ابْعِيدْ امْـــــنْ الــتَّقْرَاظْ==أَلَّا نـــكْـــــعدْ هَـــــكْ اعْــــلَ بــرْ
والْوَعْــــــيْ أَلَّا حَــدُّو تُـــوكـــاظْ==تَـــوْعَ واتَّــــــمْ الْــــعَيْـــنْ اتْــــزَرْ
والــــلاَّهِ يُـــورَ مــنْ لَــــلْفَـــــاظْ==مــــتْباَعـــــدْ واكْـــــلَييِّلْ أُســــــرْ
أُلاهُ لاهِ يُــــــــــورَ لٌــــــخًــــــاظْ==حـــسْ الْبــــلْ فالْمرْحَانْ اتْجــــرْ


تحياتي و تقديري

أبوالفحفاح
10-30-2012, 07:09 PM
شكرا لمروركم أستاذي فوزي إسمك شرف لي و لصفحتي





أحمد سالم ول الداهي

يلعوينـــــات ال اعليـك..==ما نوخظ كاع الا انجيك

ما فيك امن ال كان فيك..==نعـرف يكون اصـدارك

واديارك مال لعـــد بيـك..==غير إلى طيت اخبارك

نعرف عـن ل فيك حـظ..==دهر امعـدل فاديــارك

وامبـارك وال ينكـبـظ..==من قيمت دهر امبارك



تحياتي

أبوالفحفاح
10-30-2012, 07:12 PM
و له كذلك


يلحبوس امـــــر مـا ادور..==..اتخيب أتدخل ش اغـرور

لا تمش كاع امعاك شور..==..عيـد النـاس ابعينيـهـم

ماهم عمي ألا زاد عـــور..==..الا خالـك ش خافيـهـم

ورانــك بينت ذو ادهـــور..==..عـن لعـيـاد ابناثيـهـــم

وانت ناثيهـم كـل طــــور..==..عـاد فـيـه اتبكـيـهـــم

زين اعليك انت كــل صور..==..همـات شيـن اعليـهم

كافيك اعليهم من الجـور..==..بـعـدانـــــك بكيتـيـهـم

فالعيد ارحــــت باذكـــور..==..والنـاث رحـت بيـهـــم




تحياتي

أبوالفحفاح
10-30-2012, 07:16 PM
كًطاع بين ول الحسنْ و الطالب بوي ول الشيخ آياه

الطالب بوي:
ول الْحَسَّنْ مِتْوحْشُ=فِلْمَوزنْ ومِشَّوْشُ
ول الْحَسَّنْ ماَيِنْفشُ=مَوزونُ جَابِرْ خَيْرُ
غَيْرْ الاَّ بَاطِلْ قَرشُ=عَنِ بَدْعْ الٍ غَيْرُ
مَاَيَطْرَبْنِ بَداَعْ مُنْتْ=ومْعَ كَامِلْ تَقْدِيرُ
شَفْتْ ابْتَيتُ يَغَيرْعتْ=نِخْتَيْرْ انْشُوفْ ابَّيْرُ

ول الحسن:
الطالب بويَ ساعتُ= غايبْ نشتاقْ اجماعتُ
لديبْ، الِّ ما ناعتُ = حدّْ اجميعتْ تعبيرُ
احليبُ ماهُ ناعتُ= من باس العين ايجيرُ
او هذا تاخيرُ ما ايكًدْ =كونْ اِمَعلَمْ تاثِيرُ
وْ تاخيرُ و اسْوَ ماهْ قصْدْ = باكً فيّ تاخيرُ[

الطالب بوي:
ول الحَسَّنْ مَافِيهْ بَعْدْ=أعْظَامْ اعْلَنُّ كَطْ صَدْ
فِلْبَدْعْ امْنَيْنْ الْيِنقْصَدْ=وانَ فِلْبَدْعْ بْعـيْرُ
نِخْتَيْرْ النُّوشُ ذَاكْ عَنْدْ=ولْ الْحَسَّنْ تَفْسيرُ
ونْدُورْ إنْتَمْ افيِهْ بَاعْ=ذاكْ الٍ رَيْتْ انْدِيرُ
اعْلَ مِيرُ مِنْ خَوفْ كَاعْ =انْعُودْ امْسَحْفِ مِيرُ

ول الحسن:
الطالب بوي ذي اتجدْ = نَوشُ و ارْكوبُ ما اتْكًدْ
تورَ صيفتهمْ عندْ حدْ = او نَوشُ هوَّ وُ وْسيرُ
وِ ارْكوبُ هومَ كيفْ بعدْ =الخمرُ و الميسرُ
وْ هذ آنَ عندِ منْ الْمَ = كًدُّ فخْبَرْ تقْديرُ
نختيرْ انديرُ غيرْ مَ = نعْرفْ فِمْنينْ انْديرُ

الطالب بوي:
الطَّالِب بوي حَدْ جَاه =بِغْنَاهْ ادُورْ الاَّ غْناَهْ
يَجْبَرْ فَغْناَهْ اليِ اغْناَهْ=ولِغْنَ يَعْرفْ تَدْبِيرُ
وحَدْ ادَوَّرْ بِغْنَاهْ جَاهْ=فِكْطاعْ ايْطِيحْ فْبِيرُ
وَهْلْ الْمَوزونْ امْقَرْشَ=عَنْ شَرُ كِيْفِتْ خَيْرُ
مَايُكاَطِعْ وغْنَاهْ شَــ= ــفِيعُ زاَدْ ونَذِيرُ

ول الحسن:
ولْ الحسنْ ما حامْلَ = لرضْ الِّ كيفُ كامْلَ
وَ الّا كالحمْدْ الْ حامْلَ = ذاكْ، اُو بيهْ اتْمَورِيرُ
تَرْكْ امْراكيبُ هامْلَ = وِ ارْكبْ للنّاسْ احْمِيرُ
وْ لمْغَنّينْ ايلَ حفّْرِتْ = ماهِ كيفْ اتحافِيرُ
ويلا حَفِرْتْ افْكلْ بتّْ = تلْحكً لحْفيرْ احفيرُ




تحياتي

أبوالفحفاح
10-30-2012, 07:19 PM
ابوه ول اسياد

ثقلَ عَــــوْدَانْ انْ الهَيْهْ==سَقمكْ دَلاّلِ مَالْ بيهْ
وابْلدْ فِيهْ انتِ مَا انجيهْ==بيكْ الِّ يَ المَــــطيُورَ
مَدْيُورَ ف ابــلدْ حَدْ فِيهْ==مَـــاهْ انتيَّ مَـــــا يُورَ
أثقلَ عَــــوْدَانكْ زَادْ كلْ==سَــــــاعَ منكْ مَدْيُورَ
مَاهِ مَجْــبُـــورَ دُونْ وُلْ==امْحَــمَّـــلْ لحْمَـدْ يُورَ


تحياتي

أبوالفحفاح
11-09-2012, 07:17 PM
عابدين ول التقي


لحَّگْل يحدْ أمْگافِ = واعد بابَ عنِّ واف
منْ تلْ ؤ عنِّ معاف = وانِّ هذان فوطان
ؤ مزلت ألاَّ مانِ حافِ = وأشْمذاك أنْر بظان
ؤ بظان ذيك أفطن كاف = وانِّ مزلت أعل مان
وان گاع أشلاهْ انطرِّ = هانِ هون ؤ حالِ هانِ
ؤ لباس أعليَّ وأنگَرِّ = صفي منت الشيباني



تحياتي

أبوالفحفاح
11-09-2012, 08:36 PM
الرجالة ول الميداح


ركتْ عظْمْ الغلْظْ ابْلا مولْ== ؤ عَظْمْ الركَه غلُْظُ فُضولْ
وُابْذَ فاتْ الدهرْ اعْلَ طولْ== غيرْ الركَه والغلظْ اليــومْ
اتْحاوُزْ معناهمْ مَكْيُـــــولْ== عنْهمْ واشتركُ فالمفهومْ
لَسْبابْ الِلي بيهمْ منيُولْ==كانْ الغلظْ امْن الِلي مَحْتُومْ
ماتاوْ امن اسبابْ الحصولْ==اعليهْ ؤ مُلاهمْ مذمــــومْ
ؤ لسبابْ الِلي كانو مخذولْ==مُلاهمْ وارْكيكْ ؤُمشؤومْ
عادُ مدحْ ؤُ بيهمْ موصولْ==للغلظْ ؤُ مُلاهم مَــــريــــومْ
ؤُ عظمْ الغلظْ ؤُ لاهي دكَه==عادْ إيركْ اليومْ ابْمَفْهومْ
أهلْ اليومْ ؤُ عَظْمْ الركَه==يغْلاظْ ابْمَفْهومْ اهْلْ اليـومْ




تحياتي